هەڵوێستی فەرمی بزووتنەوەی کۆماریخوازی رۆژهەڵاتی کوردستان سەبارەت بە تەوافقی و هاوکاری نێوان چەند حزبی کوردی رۆژهەڵاتی کوردستان و لە گەڵ کۆمەلێک هێزی سەربە نەتەوەکانی ژێردەستی حاکمیەتی ئێران و ئۆۆزیسیۆنی سەرتاسەری ئێران.

^{دەقی راگەیەندراوی بزووتنەوەی کۆماریخوازی رۆژهەڵاتی کوردستان:
تەنیا لەسەر ئەسلی مافی دیاری کردنی چارەنووس، حاکمیەتی سیاسی و نەتەوەیی بۆ کوردی رۆژهەڵاتی کوردستان و بەشداری کەلانی سیاسی لە مەرکەزدا تەوافق دەکەین
هەڵوێستی فەرمی بزووتنەوەی کۆماریخوازی رۆژهەڵاتی کوردستان سەبارەت بە تەوافقی و هاوکاری نێوان چەند حزبی کوردی رۆژهەڵاتی کوردستان و لە گەڵ کۆمەلێک هێزی سەربە نەتەوەکانی ژێردەستی حاکمیەتی ئێران و ئۆۆزیسیۆنی سەرتاسەری ئێران.}

^{‎تەوافق و هاوکاری نێوان حیزبە رۆژهەلاتیەكان لەگەل ئەحزابی نەتەوەکانی تری ناو ئێرانی فرەنەتەوە و ئۆپۆزسیۆنی سەراسەری، کە ئەسلی مافی دیاری کردنی چارەنووسی گەلان لە ئەولەویەتی ئاجێندەی سیاسی و كار و چالاكی مەیدانی خۆیدا دابنێی و گرنگی بە مافە نەتەوەیی و دیموکراتیکەکانی گەلانی ئێران بدات و زەمینەی موشارکەتی گەلان لە دەسەڵاتی سیاسی ناوەند و هەروەها ئەسلی بە رەسمی ناسینی حەقی سەروەری سیاسی، واتە حاکمیەتی سیاسی و ئیداری و نەتەوەیی، وە جوگرافیایی ئەو گەلانەی تێدا بە رەسمیەت ناسرابێت، بە كارێكی دروست و ئوسوولی دەزانێ و پێشوازی لێدەکات.}

^{‎ بزووتنەوەی كۆماریخوازان بۆ ئەم مەبەستە نەخشە رێگایەکی لەپێناو ساغکردنەوەی حاکمیەتی سیاسی لە شکلی حکومەتی دیفاکتۆی تەوافقی و ئینتقالی، وە لەتەبعیددا، روو بە كۆی هێزە کوردیەکانی رۆژهەڵات و کۆی جەماوەری ناوخۆی وەلات ئاراستەكردووە، هەربۆیەشە بەهۆی نەبوونی فەزای ئازاد و دێموکڕاتیک لە ناو خۆدا، و هەروەها بەهۆی زوڵم و زۆر و سیاسەتی سەرکووت لە لایەن حاکمیەتەوە، دامەزراندنی ئەم حكومەتە لەتەبعیددا، بەباشترین رێكار و گوزینەی سەردەم و مومکین دەنرخێنێت. دیارە ئەم حكومەتە دیفاكتۆیە دەگەل ئەوەشدا كە لەتەبعیددا چێ دەكردرێت، بەلام بەوحالەش دەتوانێ نوێنەرایەتی پرسی سیاسی و نەتەوەیی کوردی رۆژهەڵاتی کوردستان، لەدەرەوەی وەلاتدا بکات.}

^{‎حکومەتی دیفاکتۆی رۆژهەڵات لە تەبعیددا، دەتوانی لەبوارگەلی جێوازی دیپلۆماسی، سیاسی، نیزامی، وە مودیریەتی، وەك مەرجەعێكی خاوەن ئیستراتێژی وگووتاری موەحەدی نەتەوەیی، پرسی كورد و كۆی بەرژەوەندییەكانی نەتەوەیی كوردستانی رۆژهەلات، روو لە دەروە و ناوخۆی وەلات نوێنەرایەتی بكات و بپارێزێت،و لەحەوزەی هەلسوكەوتی دیپلۆماسی روو لە ئۆپۆزیسیونی سەرانسەری و تەنانەت پرسی شەر و ئاشتی روو لە تاران، و هەرەها رێبەریكردنی خەباتی مەدەنی و نافەرمانی مەدەنی ناوخۆی وەلات، رۆلی كارگەر و كارساز بگێرێت.}

^{‎پێكهاتەی حكومەتی دیفاکتۆی رۆژهەڵاتی كوردستان، لەئەنجامی بەشداری راستەوخۆی کۆی ئەحزاب و چالاکانی سیاسی و نوخبە و كەسایەتیە سیاسی، ئاینی، كۆمەلایەتی و ئاکادیمیەكان،و هەروەها مشاركەتی ناراستەوخۆی چین و توێژە جۆراوجۆرەكانی ناوخۆی رۆژهەڵاتی كوردستان پێکدێت.
‎ئاشكرایە لەئاكامی ساغبوونەوەی حكومەتی دیفاكتۆیە، كە كوردی رۆژهەلات دەتوانی سەرای چەسپاندنی ئەسلی یەكانگیری و یەكگرتوویی ناومالی كورد،خاوەندارییەتی لە:
‎میدیایی نەتەوەیی
‎دیپڵۆماسی نەتەوەی
‎هێزی پێشمەرگە نەتەوەیی
‎پارلمان نەتەوەیی
‎ساختاری سیاسی نەتەوەیی
‎ناوەندی دەراسەتی ئیستراتێژی نەتەوەیی
‎دامەزراوەگەلی فەرهەنگی، ئابووری، وە سیستمێكی سیاسی نەتەوەیی، بەكات}

^{‎بۆیە لەئاخرین تەحلیلدا، دەتوانین بلێین كە حكومەتی دیفاكتۆ، دەتوانێ وەك مەرجەعێكی موەحەدی نەتەوەیی،و سیستمێكی سیاسی جێگای باوەری خەلك، لەتارەوگەرا ئیدارەی گشت رەهەندگەلی پەیوەندیدار بە ژیان و چارەنووسی خەلكی كوردستان بكات. ئاشكرایە ئەم حكومەتە بەدوور لەئارمانگەرایی و لەچوارچێوەی رێئال پۆلیتیكدا، دەتوانرێت لەسەر ئاستی ” ئەسلی مافی دیاریكردنی چارەنووس لەشكلی موومكینی خۆیدا ”،و پشتئەستوور بە هێز و پوتانسیەل و ئیرادەی سەروەری سازانەی نەتەوەیی، لە یەكێك لەم چوار شێوازە لە ئەسلی سەروەری و حاكمییەتی سیاسی/نەتەوەییدا، ساختارسازی بكردرێت.
‎ئەم. چوار شكلە لە سەروەری سیاسی بریتین. لە:
‎١- خودگردانی
‎٢- ئۆتۆنۆمی
‎٣- فیدرالی
‎٤- سەبەخۆیی
‎دیارە ئەوە دۆخی هەنووكەیی و واقعییەتی ژیانی سیاسی/كۆمەلایەتی، كۆمەگای سیاسی و رەوتی گۆران و گۆرانكارییەكانی ناوچەیی و جیهانین، كە بەدور لە ئیرادەیی نەتەوەیی و ئیدەئالی سەربەخۆیی خوازانەی كورد، یەكێك لەم چوار شكلە لەسەروەری سیاسی، بە كوردی رۆژهەلات دەسەلمێنێ.}

^{‎بزووتنەوەی كۆماریخوازی رۆژهەلاتی كوردستان
٢٨ی خەزەلوەری ٢٧١٨ی کوردی/١٣٩٧}

^{١٩/١١/٢٠١٨}