^{هەواڵی کۆچی دووایی کەسایەتی دیاری سیاسی و پارێزگاری هەولێری پایتەختی هەرێمی کوردستان و خۆشەوئیستی کۆمەڵانی خەڵکی کوردستان دوکتۆر فەرسەت سۆفی، کە جێگای رێز و خۆشەویستی گشت لایەکمان بوو، بوو بە مایەی خەمباری و دلگرانیمان.}

^{بزووتنەوەی کۆماریخوازانی رۆژهەڵاتی کوردستان کۆچی دوکتۆر فەرسەت سۆفی ئەندامی سەرکردایەتی پارتی، نوێنەری پێشووی پارلمانی و پارێزگاری ھەولێر وەک کەساییەتێکی سیاسی و نەتەوەیی و نیشتمانی و یاساناس کە شوێنپەنجەی بە سەر زۆر بابەتی گرنگ و چارەنووسازی کورد لە هەرێمی کوردستان دیار و بەرچاوە وەک خەسارێکی گەورە و قەرەبوونەکراوە دەنرخێنێت. بۆیە بە کۆچی ناوەختی گشت لایەکی تووشی شوک و هەژاندن کرد.}

^{لەم پەیوەندییەدا بزووتنەوەی کۆماریخوازانی رۆژهەلاتی کوردستان سەرەخۆشی لە گەلی کوردی هێژا و تێکۆشەر و سەرکردایەتی پارتی دێموکراتی کوردستان و ئەنجوومەنی پارێزگای هەولێر و سەرجەم بنەمالە و کەس و کاری خوالێخۆشبوو و گشت دۆستانی ئاراستە دەکات، خۆی بە شەریکی غەم و پەژارەیان دەزانێت.
هیوادارین هەرچی زووتر ڤایرۆسی نەگریسی کرۆنا بەرۆكی مرۆڤایەتی بەربدات و ژیان و گوزەران بۆ خەڵک ئاسایی بێتەوە، داواکارین لە هەموو کوردستانیانی ئازیز کە ئەوپەڕی خۆپارێزی و رێنماییەکانی تەندروستی لەبەرچاوبگرن و لە یارمەتی هەژاران و دەستکورتان و خەڵکانی کەم درامەت و نەخۆشەکان
درێغی نەکەن.}

^{لە کۆتایی دا لە خودای گەورە داواکارین، روحی دوکتۆر فەرسەت سۆفی ئەو کەسایەتییە مەزن و خۆشەویستە بە بەهەشتی بەرین شاد بکات و ئەزیزان و یارانی لە بەلا و مووسیبەتی عەرزی و ئاسمانی بەدوور رابگرێ.
إِنَّا لِلَّهِ وَإِنَّا إِلَيْهِ رَاجِعُونَ}

^{دەگەل رێزمان}

^{بزووتنەوەی کۆماریخوازانی رۆژهەڵاتی کوردستان}

^{۲۹ی خەزەلوەری ۲۷۲۰ی کوردی/۱۳۹۹
۱۹ی نۆڤامبەری ۲۰۲۰ی زایینی}