^{هەواڵی کۆچی دوایی کچی بچووکی پێشەوای شەهید قازی محەممەد سەرۆک کۆماری کوردستان کە جێگای رێز و خۆشەویستی گشت لایەکمان بوو، بوو بە مایەی خەمباری و دلگرانیمان.}

^{بزووتنەوەی کۆماریخوازی رۆژهەڵاتی کوردستان کۆچی خاتوو مەریەم قازی کچی یەکەمین سەرۆککۆماری مێژووی کورد و کوردستان بە خەسارێکی گەورە و قەرەبوونەکراوی کۆمەڵگای کوردستان دەزانێت. خاتوو مەریەم کاتێک کە قازی محەممەدی باوکی وەک سەرۆک کۆماری کورد بە دەستی نگریسی حکوەتی نگریسی پەهلەوی، ناجوامێرانە لە سێدارە دراو و شەهید کرا تەمەنی تەنیا چەند مانگە بوو، کە بەداخەوە لە سۆز و نازی باوک بێ بەش کرا، هەروەک چۆن کورد دوای کۆمار بێ پەنا و پشتیوان مایەوە، بەڵام ئەوەی جێگای شانازی بووە ئەوەیە کە خاتوو مەریەم قازی تا دوایین ساتەکانی ژیانی جەسوورانە و شێلگێرانە لەسەر رێبازی کۆمار و پێشەوای مەزنی کوردان پێداگری کرد. بۆیە کۆچی ناوبەختی خاتوو مەریەم قازی گشت لایەکی تووشی شوک و هەژاندن کرد. لەم پەیوەندیەدا بزووتنەوەی کۆماریخوازانی رۆژهەلاتی کوردستان سەرەخۆشی لە بنەمالەی گەورە و کوردپەروەری قازیەکان و هاوسەری سەردار جاف و کاک عەلی قازی برای وە سەرجەم کەس و کاری خوالێخۆشبوو و گشت هاوڕێ و دۆستانی کۆچکردوو ئاراستە دەکات، خۆی بە شەریکی غەم و پەژارەیان دەزانێت و لە خودای گەورە داواکارە روحی ئەو ئازیز و خۆشەویستە بە بەهەشتی بەرین شاد بکات و ئازیزان و یارانی لە بەلا و مووسیبەتی عەرزی و ئاسمانی بەدوور رابگرێ.}

^{دەگەل رێزمان
شوورای هاوئاهەنگی بزووتنەوەی کۆماریخوازی رۆژهەڵاتی کوردستان
٣٠رێبەندان ٢٧١٩ی کوردی/١٣٩٨
١٩ی فێوریەی ٢٠٢٠}