^{رۆژی دووشەممە رێکەوتی 19ی خاکەلێوەی 2719ی کوردی بەرامبەر 8ی ئاپرێلی 2019ی زایینی شاندێکی بزووتنەوەی کۆماریخوازانی رۆژهەڵاتی کوردستان بە سەرپرشتی ئازاد محەممەدزادە وتەبێژی شوورای هاوهەنگی و بەرپرسی پەیوەندییەکان، محەممەد کەبیری راد ئەندامی شوورای هاوئاهەنگی و سوارە کیبری راد چالاکوانی بزووتنەوەی کۆماریخوازانی رۆژهەڵاتی کوردستان سەردانی نوێنەرایەتی پارتی دێموکڕاتیکی گەلان HDP یان لە شاری هەولێر کرد و بەو پەری ریزەوە لە لایەن عابد ئیکە ئەندامی  هاوسەرۆکایەتیی و بەرپرسی پەیوەندیەکان و هەواڵ مزگین ئەندامی پەیوەندییەکانی هەدپەوە  پێشوازییان لێکرا.}

^{لەسەرەتای دیدارەکەدا هەیئەتی خانەخوێ خۆشحاڵی خۆیان لەو دیدارەدا دەربری و هەروەها دەستپێک لە لایەن شاندی بزۇوتنەوەی کۆماریخوازانەوە سەرکەوتن لە هەڵبژاردنەکانی باکووری کوردستان و تورکیا سەرەرای ئەو هەموو زەبر و زەنگ و گوشارانەی لە رووی سیاسی و سەربازی و بایکۆتی میدیاتیکیەوە خرابووە سەر ئەندامان و چالاکوانانی هەدەپەوە، پیرۆز کرا و ئەو دەستکەوتەی کوردان لە تورکیا بە گرینگ نرخێندرا، دواتر سڵاو نێردرا بۆ خۆراگری هەموو مانگرتووانی باکووری کوردستان لە دەرەوە و ناخۆ کە ماوەی زیاتر لە 150 رۆژه بەردەوامە.}

^{ئەم چاوپێکەوتنە لە کەش و هەوایەکی دۆستانە و بە تیشک خستنە سەر بارودۆخی سیاسی کوردستان بە گشتی و ڕۆژهەڵاتی کوردستان و باکووری کوردستان بە تایبەتی مژاری سەرەکی ئەم دیدارە بوو . هەر لە درێژەی باسەکاندا هاورێ ئازاد محەممەدزادە باسی لە رەوشی سیاسی رۆژهەڵاتی کوردستان کرد و نەخشەرێگای بزووتنەوەی کۆماریخوازی و زەرورەتی سەرخستن و جێ بەجێکردنی بە هاوکاری و هاوفکری هەموو لایەنەکانی دەخیل لە کەیسی کورد لە رۆژهەڵات دا بە زەروور وەسف کرد ... کە ئەویش گرینگی حکومەتی دیفاکتۆی تەوافۆقی ،ئینتقالی لە تەبعییدا، پارڵەمانی تاراوەگە ، کۆنفرانسی ئاشتی و کۆنگرەی نەتەوەیی ڕۆژهەڵاتی کوردستان بوو.. هەروەها باس لە پرۆسەی ئاشتی و ئەزموونی HDP لە باکوور و بەرز نرخاندنی رۆڵی کەسایەتیە دیار و بەرچاوەکانی وەک بەرێز کاک مەسعوود بارزانی و کاک سەلاحەدین دەمیرتاش و تێکرای کەسایەتیەکانی تر لە بەرەو پێش بردن و هاخەمی و هەوڵدان و پێداگریان لەم پرۆسەیدا کراو و هەردوو لایەن لەسەر ئەمری واقیعی سیاسەتی ناوچەیی و نێو دەوڵەتی لەمەر پێویستی یەکریزی، یەکگوتاری، هاوپەیوەندی نەتەوەیی و نیشتمانی نێوان سەرجەم هێزەکانی چوارپارچەی کوردستان لەم بارودۆخە هەستیارە دا بە گرینگ و وەک پێویستییەکەی مێژوویی پێناسە کرد..
هەروەها شاندی خانەخوێ واتە هەدەپە هاوخەمی خۆیان بۆ کارەساتی سروشتی لافاوەکەی رۆژهەڵاتی کوردستان دەربری و تێیدا ئیشارەیەیان بە کەمپەینی هاوکاری کردن لە لایەن هەدەپە و خەڵکی باکوور کرد بەمەبەستی کۆکردنەوە و گەیاندنی هاریکاری و یارمەتییەکان بۆ بەرکەوتووان و لێقەوماوانی ئەو لافاوە.}

^{لە کۆتایی ئەم چاوپێکەوتنەدا هەر دوولایەنی بزووتنەوەی کۆماریخوازانی رۆژهەڵاتی کوردستان و هەدەپە سوور بوون لە سەر هاوکاری و پتەو کردنی هەرچی زیاتر پەیوەندییەکانیان}