^{بزووتنەوەی کۆماریخوازی رۆژهەڵاتی کوردستان بەشداری کرد لە ١٥هەمین ساڵرۆژی کۆمەڵکوژی قامیشلوو کە لە شاری هەولێر لە لایەن ئەنجوومەنی نیشتمانی کوردی سوریە ENKS رێکخرابوو.}

 ^{کۆماریخوازان ناوەندی هەواڵ: شەوی ١٢ی مارس لە شاری هەولێری پایتەختی هەرێمی باشووری کوردستان لە لایەن ئەنجوومەنی نیشتمانی کوردی سوریە ENKs بیرئانینی کارەساتی ١٢ی مارس سالی ٢٠٠٤ لە یاردیگای قامیشلوو روویدا پێکهات،} لە لایەن بزووتنەوەی کۆماریخوازی رۆژهەڵاتی کوردستان هاورێ ئازاد محەممەدزادە وتەبێژی شۆرای هاوئاهەنگی بەشداری ئەو مەراسیمەی کرد  و لە لایەن مستەفا حەلەبجە، خاتوون ئەسمەهان، ئیدی نەواف و جدعان عەلی ئەندامانی  سەرکردایەتی ئەنجوومەنی نیشتمانی کوردی سوریاوە بە گەرمی پێشوازی لێکرا.

^{شایانی باسە لەو مەراسیمە کۆمەڵێک وتار خوێندرانەوە و هەروەها بە هەڵگیرساندنی چەندین مۆم و وتنەوەی شێعر و پەخشان یاد و ناوی شەهیدانی ١٢ی مارسی یاریگای قامیشلوو بەرز و بەرێز راگیرا.}

 ^{پێویستە بە وەبیرهێنانەوەیە کە لە رۆژی ١٢ی مارسی ٢٠٠٤ لە یاریگای تۆپی پێ لە شاری قامیشلوو لە رۆژئاوای کوردستان دا کاتی سەرکەوتنی تیمی قامیشلوو بەسەر تیمی دەمێشق دا، بەشداربووان و بەتایبەتی گەنجان دەستیان کرد بە ئاهەنگ گێران و خۆشی و شادی و هەڵپەرکێ و بە دروشمی نەتەوەیی «بژی یەکیەتی کوردان و بژی ئاشتی و ئازادی» ، بەڵام مەخابن توندرەوانی فاشیستی بەعسی سووریە و هێزە ئەمنیەتی و دژە کوردیەکانی بەشار ئەسەد چاویان بە سەرکەوتن و خۆشی کوردان هەڵنەهات، هەر بۆیە بە شێوەیەکی درندانە بە تانک و چەکی قورس و سووک هێرشیان کردە سەر لاوانی کورد لە ناو یاریگای شاری قامیشلوو لە ئەنجام دا بە تەقەکردن روو بە جەماوەری خرۆشاو  کە زیاتر لە ٢٥ کەس شەهید و دەیان کەسیش بریندار کرد و سەدان کەسی تریش دەستبەسەر کران.}

^{سەری رێز و نەوازش دادەنوێنین بۆ شەهیدانی ١٢ی شاری قامیشلوو و هەموو شەهیدانی رێگای ئاشتی و ئازادی کورد و کوردستان}