^{رۆژی شەممە رێکەوتی 10ی مارسی 2019 شاندێکی بزووتنەوەی کۆماریخوازی رۆژهەڵاتی کوردستان بە سەرپرشتی بەرێزان ئازاد محەممەدزادە وتەبێژی شوورای هاوئاهەنگی کۆماریخوازان و ئەحمەد مورادی ئەندامی شورای هاوئاهەنگی و فەرهادی قازی چالاکوانی بزووتنەوەی کۆماریخوازی رۆژهەڵاتی کوردستان سەردانی مەکتەبی سیاسی یەکگرتوویی ئیسلامیی کوردستانیان کرد و لەلایەن شاندی یەکگرتوویی ئیسلامیی کوردستان بە سەرپەرشتی بەرێز محەممەد هاودیانی ئەندامی مەکتەبی سیاسی و بەرپرسی پەیوەندیەکان و شێرزاد مامە کارگێری پەیوەندییە سیاسیەکانی یەکگرتووی ئیسلامیی کوردستانەوە بە گەرمی پێشوازیان لێ کرا.}

^{لەم دیدارەدا سەرەڕای ئاڵوگۆڕی بیرورا سەبارەت بە رەوتی گۆڕانکاریەکانی جیهانی و ناوچەیی و بە تایبەت کوردستانی دوو لایەن لەسەر رەچاگرتنی رێکاری ئاشتەوایی بە سوودوەرگرتن لە میکانیزمی دیالۆگ بۆ چارەسەی پرسی کورد و دەستەبەرکردنی سەروەری سیاسی و مافەنەتەوایەتی و دێموکراتیکەکان لە گشت بەشەکانی کوردستان کۆک و هاودەنگ بوون. 
لە کۆتایی دا دوولایەنی بزووتنەوەی کۆماریخوازان و یەکگرتووی ئیسلامی کوردستان لە سەر درێژەی پێدانی پەیوەندیەکان و قایم راگرتنی پەیوەندی دووقۆڵی پێداگریان کرد.}