^{رۆژی پێنج‌شەممه رێکەۆتی ٢٣/١١/٢٠١٧ بەرپرسی پەیوەندییەکانی بزووتنەوەی کۆماریخوازانی رۆژهەلاتی کوردستان لە هەولێر کاک هێما سۆفی، بە یاوەری شاندێک لە ئەندامانی شوورای هەماهەنگی و کارگێری پەیوەندییەکان کە پێکهاتبوون لە ( کاک ئەنوەر مینەزادە، گەلارێس نیشتمان ئەسەدی، ژیلوان شەمامی ) سەردانی بارەگای نوێنەرایەتی کۆمەلەی شۆرشگێری زەحمەتکێشانی کوردستانی ئێرانیان لە شاری هەۆلێر کرد، کە لەلایەن بەریزان کاک سالح شەریفی ئەندامی دەفتەری سیاسی و بەرپرسی پەیوەندییەکان،و کاک سامان ریشە ساحێب جیگری پەیوەندییەکان بە گەرمی پێشوازیان لێ کرا.}

^{له سەرەتای دانیشتنەکەدا، بەرێز کاک سالح شەریفی دەگەل بەخێرهاتنکردنی شاندی بزووتنەوەی کۆماریخوازان، خوشحالی خۆی سەبارەت بەم دیداره دەربڕی.
شایانی باسە له‌و دیدار و دانیشتنە دووقولییەیە‌دا، زۆر باس‌و بابه‌تگەلی پێوه‌ندیدار به رەۆتی روداۆگەلی جیهانی،و ناوچەیی، وە کوردستانی بە گشتی،و‌ هەروەها پرسی کورد له‌ رۆژهەلاتی کوردستان به‌ تایبەتی،‌ تاۆتوێکران، و تێشک خرایە سەر بارودۆخی سیاسی/ کۆمەلایەتی کوردستانی رۆژهەلات،و لەم پەیوەندییەشدا ئاماژە بە شێوازگەلی جۆراۆجۆری خەبات لەپێناۆ دابینکردنی ویست و داخوازییەکانی چین و توێژگەلی کۆمەلگای کوردی بە گشتی کرا، کە لەئەنجامدا دوولایەن لەسەر رێکخستنی چالاکییەکانی ناۆخۆی وەلات، کۆک و هاۆدەنگ بوون.}

^{لە دریژەی دیدار و دانێشتنەکەدا، شاندی بزووتنه‌وه‌ی کۆماریخوازان کورتەباسێکی سه‌باره‌ت به‌ ئیستراتێژی، پرۆژه‌ی ئاشته‌وایی، نەقشەی رێگا بۆ ساغکردنەوەی حکومەتێکی دیفاکتۆ، تەوافووقی، ئینتیقالی، وە لە تەبعیددا کرد،و سەبارەت بە سیاسەتەکانی بزووتنەوە، و‌ هه‌روه‌ها مێتۆد و شێوازگەلی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه‌، بەرچاۆروونی پێویستی روو له‌شاندی کۆمەلەی شۆرشگێری زەحمەتکێشان ئاراسته‌ کرد، که‌ له‌م په‌یوه‌ندییه‌دا شاندی خانەخوێ، له‌گه‌ل به‌ ئیجابی و سەردەمیانە نرخاندنی پرۆژه‌ی ئاشته‌وایی بزووتنه‌وه‌، هێواخوازبوون کە گشت لایه‌نه‌کانی کوردستانی بە گەرمی پێشوازی و پشتگیری لە پرۆژه‌ی ئاشتەوایی بزووتنەوە بکه‌ن.}

^{لەدرێژەی ئاخەفتنی دووقۆلی‌دا، دوولایەن سەبارەت بە رێکارەکانی گوونجاۆ بۆ گەشەپێدان بە خەباتی مەدەنی/ سیاسی، هاۆشان و هاۆتەریب دەگەل شێوازگەلی دیکەی خەبات ئالوگۆری بیرورایان کرد،و سەبارەت بە پێویستی کاری هاۆبەشی نێوانحیزبی،و چۆنییەتی دۆزینەوە و دەستنیشانکردنی مکانیزمگەلی هەرە کارا لەپێناۆ رەخساندنی زەمینەی گوونجاۆ بۆ لێکنێزیکبوونەوەی حیزبەکانی رۆژهەلات، هاۆرا بوون، هەر لەم‌پەیوەندییەشدا شاندی دوولایەن بروایان وابوو، کە تەنیا ساغکرنەوەی هەماهەنگی گشت‌رەهەندی گووتاری و کرداری، وە مێدیاتیکی نێوان حیزبەکانە، کە دەتوانێت لەراستای دەستنیشانکردنی چەشنی تەعاموول، وە یان تەقابوولی گشتگیرانە روو لەتاران، رۆلی ئیجابی و کارساز و چارەنووس‌ساز، بۆ ئێستا و داهاتووی کوردی رۆژهەلاتی کوردستان، بگێرێت.}

^{لەکۆتاییدا دوولایەن هێوایان خواست کە بتوانن ئاستی هاۆکاری و پیوەندییە دێپلۆماسی و دووقۆلیەکانیان پەرە پێ‌بەدن، و بەم مەبەستەش دیدار و سەردانی بەردەوامیان وەک مکانیزمگەلی هەرە گوونجاۆ و کارا بۆ پاراستن و بەهێزکردنی پەیوەندی دووقۆلی، بە پێویست و ئیجابی دەستنیشان کرد.}

^{بزووتنەوەی کۆماریخوازانی رۆژهەلاتی کوردستان
٢٦/١١/٢٠١٧}