^{‎شاندێکی بزووتنەوەی کۆماریخوازانی رۆژهەڵاتی کوردستان سەردانی پەیوەندییە گشتیەکانی یەکییەتی نیشتیمانی کوردستانیان لە شاری سلێمانی کرد.
‎رۆژی چوارشەممە رێکەوتی 10ی دیسامبەری 2019 شاندێکی بزووتنەوەی کۆماریخوازانی رۆژهەڵاتی کوردستان پێکهاتوو لە ئازاد محەممەدزادە بەرپرسی پەیوەندییەكان و وتەبێژی شوورای هاوئاهەنگی، محمد کەبیری راد ئەندامی شوورای هاوئاهەنگی، میعاد ئەحمەدی چالاکوانی بزووتنەوە، سەردانی مەکتەبی پەیوەندییە گشتیەکانی یەکییەتی نیشتیمانی کوردستانیان لە شاری سلێمانی کرد و لە لایەن بەڕێزان ماموەستا ئەکرەم بەرپرسی پەیوەندییە گشتیەکانی یەکێتی، ماموەستا مەحموود دەربەندیخانی بەرپرسی پەیوەندییە کوردستانیەکان، هەروەها بەرپرسی ژووری پەیوەندیەکانی یەکێتی نیشتمانی بۆ نرشی رۆژهەلات و وڵاتی ئێران، بەگەرمی پێشوازیان لێکرا.}

^{‎لەم دیدارەدا سەرەڕای ئاڵوگۆڕی بیرورا سەبارەت بە رەوتی گۆڕانکاریەکانی جیهانی و ناوچەیی و بە تایبەت کوردستانی دوو لایەن لەسەر رەچاگرتنی رێکاری ئاشتەوایی بە سوودوەرگرتن لە میکانیزمی دیالۆگ بۆ چارەسەی پرسی کورد و دەستەبەرکردنی سەروەری سیاسی و مافەنەتەوایەتی و دێموکراتیکەکان لە گشت بەشەکانی کوردستان کۆک و هاودەنگ بوون.}

^{‎لەم دیدارە دۆستانەیەدا، لە لایەن شاندی بزووتنەوەی کۆماریخوازان باسی رەوشی کورد لە رۆژهەڵاتی کوردستان کرا،و ئاستەنگەکان و دەرفەتەکانی بەردەم چارەسەری پرسی کورد لەو بەشەی کوردستان خرانەروو و لەسەر زەروورەتی یەکگوتاری و یەکانگیریەکی بەهێزی نەتەوەیی لەسەر ئاستی هێزە سیاسیەکانی رۆژهەڵاتی کوردستان جەخت کرایەوە.}

^{‎لە کۆتایی دا دوولایەنی بزووتنەوەی کۆماریخوازان و یەکیەتی نیشتمانی کوردستان لە سەر درێژەی پێدانی دۆستایەتی و پەیوەندییەکان و قایم راگرتنی پەیوەندی دووقۆڵی پێداگریان کرد.}

^{‎بزووتنەوەی كۆماریخوازانی رۆژهەلاتی كوردستان}

22/12/2019

نەخشەرێگا لە پێناو دەستەبەرکردنی سەروەری سیاسی و پێکهێنانی حکومەتی دیفاکتۆی تەواقی، ئێتلافی و ئیتقالی لە تەبعیددا بۆ کورد ی رۆژهەڵاتی کوردستان وەک مەرجەعێکی سیاسی لە شکلی مومکینی خۆیدا

http://www.komarixwaz.com/ku/index.php/2011-10-20-07-47-56/9594-2019-05-04-00-33-09