^{ڕۆژی سێشەمە ڕێکەوتی ١٠ی ڕێبەندانی ١٣٩٦ی هەتاوی بەرانبەر بە ٣٠ ژانویەی ٢٠١٨ی زایینی وەفدێکی بزووتنەوەی کۆماریخوازانی ڕۆژهەڵاتی کوردستان بە سەرپرشتی هێما سۆفی ئەندامی شووڕای هەماهەنگی و بەرپرسی پەیوەندییە گشتییەکان با یاوەری هاوڕێیان ئازاد محمدزادە و ژیلوان شەمامی ئەندامانی شووڕای هەماهەنگی سەردانی بارەگای پارتی یەکێتی دێموکراتیکی کورد لە سوریەیان لە شاری هەولێر کرد و لەلایەن ئەندامانی ڕیبەری pydks هەریەک لە بەڕێزان محمد مێهمەت { بەرپرسی پەیوەندییەکان} هەروەها ساڵح بۆزان ، ئیسماعیل سامۆ، محمد عەبدی و وەیسی مستەفا بە گەرمی پێشوازییان لێکرا.
لە دەستپێکی ئەم دانیشتنەدا تیشک خرایە سەر دوایین بارودۆخی عەفرین و هەردوولایەن ئۆپراسیۆنەکانی دەوڵەتی تورکیەیان شەرمەزار کرد و جەخت و پێداگرییان لە سەر یەکڕیزی و هاوهەڵوێستی نەتەوەیی لە پێناو ڕێگری و کۆتایی هێنان بە پیلان و گەلەکۆمەێی داگیرکەرانی کوردستان کرد..
لە درێژەی ئەم دیدارەدا ڕەوشی سیاسی ناوچەکە و هەر کام لە بەشەکانی کوردستان بە چەشنی خواروو خرایە بەرباس و تاوتوێ کردن :
پرسی باشووری کوردستان دوای بەڕیوەچوونی ڕێفراندۆم بۆ سەربەخۆیی و تێک چوونی ڕەوشی ئاسایی هەرێمی کوردستان و داگیرکردنی کەرکوک بە گەلەکۆمەی داگیرکەرانی کوردستان
باکووری کوردستان و ڕەوتی ڕەشبگیری چالاکانی سیاسی و مەدەنی لە لایەن دەوڵەتی تورکییەوە و بە بۆنبەست گەییشتنی پێواژۆی ئاشتی
بانگەوازێک کە هەڵگری پەیام و گوتاری نەتەوەیی بێت لە هەمبەر کۆتایی هێنان بە گەمارۆ و هێرشەکانی سەر عەفرین و ڕۆژئاوای کوردستان ڕوو بە کۆمـەڵگای نێو نەتەوەیی
ڕوانگەی بزووتنەوەی کۆماریخوازان سەبارەت بە بارودۆخی ڕۆژهەڵاتی کوردستان و دوایین پێشهاتەکانی نێو خۆیی ئێران کە تێیدا پێداگری لە سەر زەرورەتی یەکریزی نەتەوەیی سەرجەم هێز و لایەنەکانی ئەم بەشەی کوردستان بۆ گرێدانی کۆنفرانسی ئاشتی و کۆنگرەی نەتەوەیی و ئاکامەکەی گەییشتن بە قەوارەیەکی سیاسی ،ئیداری کوردستانی لە شکلی حکومەتێکی دیفاکتۆی ئینتقالی لە تاراوگە بە پێوست و گرینگ وەسف کرا .
لە کۆتایی ئەم دانیشتنەدا هەر دوولایەنی کۆماریخوازان و pydks خۆشحالی خۆیان لەم دیدارەدا دەربڕی و جەختیان لە سەردرێژەی پەیوەندی و سەردانەکان و هاو هەڵوێستی وکاری هاوبەش و گوتاری نەتەوەیی کردەوە .}

31/1/2018