^{هەواڵی کۆچی دووایی هونەرمەندی کورد کاک ئیسماعیل سابوری مان لە شاری سلێمانی پێ گەییشت کە جێگای رێز و خۆشەویستی گشت لایەکمان بوو، کە بوو بە مایەی خەمباری و دلگرانیمان. بزووتنەوەی کۆماریخوازی رۆژهەڵاتی کوردستان کۆچی نابەوەختی هونەرمەندی کورد کاک ئیسماعیل سابوری وەک کەساییەتێکی هونەرمەند و نیشتمانی و نەتەوەیی کە شوێنپەنجەی بە سەر گۆرانی و ئەدەب و فۆلکلۆری کوردیدا دیار و بەرچاوە وەک خەسارێکی گەورە و قەرەبوونەکراوە دەنرخێنێت. بۆیە بە کۆچی ناوبەختی گشت لایەکی تووشی شوک و هەژاندن کرد. لەم پەیوەندییەدا بزووتنەوەی کۆماریخوازانی رۆژهەلاتی کوردستان سەرەخۆشی لە بنەماڵەی گەورەی کورد و کۆمەڵگای فەرهەنگ و ئەدەبی کوردی و بنەماڵەی بەڕێزیان و کەس و کاری نزیکی و دۆستان و خۆشەویستانی خوالێخۆشبوو کاک ئیسماعیل سابوری و گشت هونەر دۆستان ئاراستە دەکەیین، خۆمان بە شەریکی غەم و پەژارەیان دەزانین. و لە خودای گەورە داواکارین، روحی ئەو هونەرمەندە خۆشەویستە بە بەهەشتی بەرین شاد بکات
دەگەل رێزماندا
شوورای هاوئاهەنگی بزووتنەوەی کۆماریخوازی رۆژهەڵاتی کوردستان}

^{26 ی جۆزەردانی 2719 ی کوردی
26 ی خوردادی 1398 ی هەتاوی
16 ی ژوئەنی 2019 ی زایینی}