^{ئازاد محەممەدزادە}

^{کۆتایی 40 ساڵەی شەری ساردی ئامریکا و ئێران رێککەوتن و وتووێژە لەسەر پاراستنی بەرژەوەندییەکانی دوولایەنە}

^{هیچ کات ئێران و ئامریکا ئامادە نین گەروەترین و بەهێزترین بەرژەوەندییەکانیان لە ناوچەدا بخەنە مەترسییەوە لە پێناو شەرێک کە زەرەرمەندی سەرەکی خۆیانن، بە پێی گریمانەکان ئەو شەرە ساردەی ئێران و ئامریکا نابێت بە شەرێکی گەرم کە لە دەستدانی بەرژەوەندی و لاوازی پێگەی خۆیانی لێ بکەوێتەوە، چۆنکە تێچوویەکی پر دەست کەوت دەبێت بۆ دوو لایەن، ئەوان گەرەکیان نیە بکەونە ناو شەرێک دوورودرێژ ماوە و بێ ئەنجام.}

^{کورد لە ئێران و زلهێزان:
پێویستە کوردی ئێران پرسی خۆی تێکەڵ بە ململانێی زلهێزان لەگەڵ تاران نەکات، تا ئێستا زلهێزان و بە تایبەتی ئامریکا لە رووی سیاسی، مەحنەوی، مادی، لۆجستیکی و تەنانەت پاراستنی کەمپ و بارگاکان هیچ جۆرە پشتیوانییەکی حیزبە کوردیەکانی رۆژهەڵات و خەڵکی کورد لە ناوخۆی ئێرانی نەکردووە، وڵاتانی زلهێز و گەورەی جیهان و بەتایبەتی ئامریکا ئەوەی لەبەرچاویان نیە و بۆیان گرینگ نەبووە پرسی کورد لە ئێران و رەوشی گەلانی تری ناو ئەووڵاتەیە، چۆن لە حەقیقەت دا کورد ناتوانێ بەرژەوەندی کەلان و دڵخواز بۆ زلهێزان دەستەبەر بکات. ئەو بی مولاباتی و پشت گوێخستن و ئیهمال کردنەی ئەورووپا و ئامریکا لە ئاست کورد لەئێران مێژوویەکی دوور و درێژی هەیە، لە پشت کردن لە سمکۆ تا گەمارۆدان و رووخانی کۆماری کوردستان، هەروەها تیرۆری رێبەرانی کورد دوکتۆر قاسملوو و دوکتۆر شەرەفکەندی کە دوایین نموونەش موشەکبارانکردنی قەڵای دێموکرات حدک و فێرگەی حدکا لە مانگی خەرمانانی ساڵی پار 2018 دا بوو، کە ئامریکا و کۆشکی سپی و ئەورووپا هیچ هەڵوێستێکیان نەگرت و تەنانەت وەها خوێندنەوەی بۆ دەکرێت کە ئامریکا حیزبە کوردیەکانی رۆژهەڵات و ئۆپۆزیسیۆنی ئێرانی فیدای بەرژەوەندی و ئیمتیاز وەرگرتن لە ئێران و رێگا خۆش کردن بۆ وتووێژ لەگەڵ تاران بکات یان ئەوەی کە لە داهاتوودا بە عەلەنی بکرێت.}

^{خواستی کورد لە ئێران بەرحەق و رەوایە، لە لایەکی ترەوە شۆرشی کورد لە ئێران لە رووی فکری و سیاسی و ماڵی تا ئاستێکی بەرز سەربەخۆ بووە، گەر توانای رووخانی رێژیم لە هێز و توانای کورد و ئۆپۆزسیۆن بەدەرە، با رێگای مسالحە بگیردرێتە بەر، یا شەفافتر بڵێین دیالۆگی نێوان کورد و تاران باشترین بژاردەیە بۆرەوشی ئێستای کورد لەسەر پرسە چارەنووسازەکان.}

^{گرێوی کورد و حیزبەکان و ئۆپۆزیسیۆن لەسەر شەڕی نێوان ئێران ئامریکا و ورووخانی رێژیم، دۆڕانێکی گەورەیە کە زەرەرمەندی سەرەکی کوردە و هیچ سوودێک بە کورد ناگات و گەرانەوەی بۆ سەر خاڵی سیفر و ساجی عەلی.}

^{لە روویەکی تریشەوە ئەگەر تاران ئامادەی وتووێژ لەگەڵ کورد و حیزبەکان نیە، یا ئەو نیەت پاکییە و جدی بوونە لە تاران دا نابیندرێت و دڵنیایی تەواو لە رێژیمی حاکم لە ئێران روو لە کورد بەدی ناکرێت، ئەوەش دەگرێتەوە بۆ سەرەرۆیی و سەرکەشیی و ناتێگەیشتوویی تاران لە مەسەلەی کورد یان وەک رابردوو حاشا کردن لە ماف و ئازادییەکان و سەروەری سیاسی کورد.
لەم شەرایەتەشدا ئاڵترناتیو بۆ کوردی رۆژهەڵات هەیە، گەر بخوازێت لە ئاستی ناوخۆ و دەرەوە و ناوچەدا ببێتە خاوەن پێگە وقورسایی، روونتر بڵێم بێتە ناو بازنەی هاوکێشە سیاسیەکان و باندۆری قورس لەسەر تاران دابنێت بۆ پەلکێشانی بۆ سەر مێزی دیاڵۆگ و دانووستاندن، زەروورەتە کە لەو چەند دەنگی و چەند سەریە خۆی دەرباز بکات و خاوەنی گوتارێکی یەکگرتوو و پلاتفۆرمێکی هاوبەش بێت.
لە وەها حالەتێک دا کورد دەبێت بە ئادرەسێکی بەقوەت و موحەد و یەکگرتوو کە هێزەکانی بەشدار لە گۆرەپانی خەباتی نەتەوەیی و جەریانەکانی دەخیل لە کەیسی کورد خۆیان لەگەڵ یەکتر بکەونە دیاڵۆگ و سازان و پێکەوە کارکردن، هەر بۆیە پێویستە حیزب و جەریانەکان و کۆی کەسایەتیەکانی دەرەوەی رۆژهەڵات ئیرادە بکەن و بەرژەوەندی کاتی و تاکی و گرووپی خۆیان وەلا بنێن و ئەولەویت بدەن بە بەرژەوەندی باڵای کورد، ئەوان دەتوانن بە کەڵک وەرگرتن لە نەخشە رێگای بزووتنەوەی کۆماریخوازانی رۆژهەڵاتی کوردستان حکومەتی دیفاکتۆی تەوافقی لە تەبعییدا وەک ساختارێکی سیاسی و نەتەوەیی مودیریەتی یەک دەست لە شکلی مومکین و پارلمانی رۆژهەڵات لە تاراوگە دروست بکەن، واتە بە چێ کردنی حکومەتی دیفاکتۆ و پارلمانی رۆژهەڵات وەک مەرجەعێکی مەشرووعی بۆ بریارداتی کەلان ئیتر کۆی ململانێ ناسالمە نێوان حیزبیەکان و پێکدادانە بێ دەستکەوت و بێ ئەنجامە دەروون رێکخراوەییەکان دەگوازرێنەوە بۆ خانەی بەشداری پۆزەتیو، شەراکەت ئیداری و هاوپەیمانی و تەوافقی سیاسی هەمە لایەنە لە ناو سیستەمێکی یەکدەست دا، لە ژێر چەتری حکومەتی دیفاکتۆ دا کورد دەبێت بە خاوەنی هێزی پێشمەرگە میللی، دیپڵۆماسی و لابی ئەکتیو، میدیایی نەتەوەیی، مودیریەتی شۆرشی مەدەنی ناوخۆ، تەوافق لەگەڵ ئۆپۆزسیۆن، بریاری شەر و دیالۆگ روو بە تاران.}