^{ئە حمەد مورادی}

شەر بۆ بەردەوام بوونی شەر ناکەین
^{بزووتنەوەی کورد لەسەر ئەسڵی مافی دیاریکردنی چارەنووس ( حق تعیین سرنوشت) تێکۆشانی کردووە و بەردەوام دەبێت.}

^{دەسپێشخەری بۆ دیالۆگ و دانیشتن لە گەڵ داگیرکەر و لایەنی زۆردار نیشان لە دووڕاندی بیری شۆڕشگێڕی و لاوازی لایەنی چەوساوە نییە، نیشاندانی هەست کردن بە بەرسیارەتیە کە بە شێوەی ژیرانە کاربکەین بۆ قەناعەت کردن بە لایەنی بەرامبەری غەددار تەنانەت ئەگەر لاوازیش بین !
جا داگیرکەر بە قەناعەت نەگەیشت، ئیتر تو وەک کورد بەرپرسیار نابیت و دەستپێش خەر نابیت لە سەرھەڵدانی ھەر خۆێن ڕشتن و بەردەوامی شەڕدا، کە بێشک دیسان ئەو شەرە بێ دیالۆگ ناگات بە ئەنجام !}

^{بۆ چارەسەر کردنی کێشەی کورد لە ژیر دەوڵەتی داکیرکەری ئێران دا
پێویستە ئیمە دوو باڵی « شەڕ و ئاشتی »نیشانی داگیر کەر بدەین ، بە ھەر کامی بە قەناعه ت گەیشت لە گەڵی تەعامۆل بکە ین. دوو باڵی شەڕ و ئاشتی تەواو کەری یەکترین ئەگەر چی سەرەنجامی هیچ شەرێک تا سەر نیە بەڵکوو هەموو شەرێک بۆ گەیشتن بە تەفاهوم و ئاشتی و سازانە!.}

^{مادام کە تەقاندنی ھەر فیشەکێک لە بەر ژەوەندی کۆمپانیا زەبەلاحەکان و وڵاتانی زلھێزدایە، مەحالە ئەم وڵاتانە بهێڵن ئەم گەل ژێردەست و دەوڵەتە داگیرکەرانە، کێشە کان لە رێگای موزاکرە و دیالۆگ چارە سەر بکەن، چۆن بازاری زلهێزان بەندە بە شەر و ئاژاوە نانەوە لە نێوان گەلانی ژێر دەست و داگیرکەران دا.}

^{لە ڕاستیدا تا ئێستا نەبووە بێ رێکخستن و نیشاندانی هێز و خەباتی جەماوەری کێشەی گەلێک وا بە ئاسانی چارەسەر بووبێت.
لە گەڵ ئەوەی دا کە دەبێ حەرەکەتێکی نەتەوەیی و ئازادی خوازی پشت ئەستوور بێت بە هێزی ئینسانی و جەماوەری، لە سەر هەمان بنەما لە جیهان دا زۆربەی کێشە سیاسی و نەتەوەییە کان لە رێگای تەوافق و تەفاهووم و دیالۆگی شەفاف و ئاشتەوایی چارەسەر بوون ، بە جۆرێک ئەگەر سەد ساڵی تریش شەر بکەین دیالۆگی دوو لایەنە حەلالی هەموو بەربەستەکانە و رێگایەکە بۆ چارەسەری یەکجارەکیە.}

^{لە ئەساسدا شەڕی ئیمەی کورد بۆ سەقامگیر کردنی ئاشتی و دەستەبەر کردنی مافە نەتەوەیی و دێموکراتیکەکان و یەکسانیە .}

^{بۆیە ئێمە وەک بزووتنەوەی کۆماریخوازی رۆژهەڵاتی کوردستان لە گەڵ ئەوەی دا وەک جەریانێکی فکری و سیاسین ، تێکۆشانی گشتگیر و فرەرەهەند بە هەموو مێتۆدەکانی خەبات بۆ دەستەبەربوونی مافە نەتەوەیی و حاکمیەتی سیاسی بەرەوا دەزانین،
هاوکات لە لایەکی تریشەوە وەک زرفێکی ئیستراتیژیک بۆ پرسی کورد لە رۆژهەڵاتی کوردستان دەردەکەوین و بە پرۆژەی یەکگوتاری و یەکریزی و یەکتر قەبووڵکردن و دیالۆگ لە ناو ماڵی کورددا، بە نەخشە رێگایەک بۆ پێکهێنانی حکومەتی دیفاکتۆی تەوافقی و ئێتلافی و ئینتقالی لە تەبعیددا وەک مەرجەعێکی سیاسی و نەتەوەیی و ئیداری بۆ رۆژهەڵاتی کوردستانمان خستۆتە بەردەم کۆی حیزب و رێکخراو و جەماوەری کورد و چین و توێژە سیاسی و ئاکادێمی و حقوقی و ئایینی و نەتەوەییە کان ،
حاکمیەتێکی سیاسی بۆ کورد وەک سەری سەروەری سیاسی لە شکلی مومکینی خۆیدا چ ئێستا و چ داهاتوو پێویستە، باشترە ئێستا لە دەرەوە لە قاڵبی حکومەتی دیفاکتۆ وەک ئەزموون بیخەینە بواری پراکتیکیەوە.}

^{هاوکات بۆ قۆناغی گواستنەوەی حکومەت و رەخساندنی زەمینە بۆی بۆ ناوخۆی رۆژهەڵاتی کوردستان ، باوەڕمان بە ئەسڵی دیالۆگی شەفاف و چارەنووساز لە نێوان کورد و دەسەڵاتی تاران و ئۆپۆزیسیۆنی سەراسەری دا هەیە ، چ نیزامی ئێستا و چ لە دەرەوە و ناوخۆ و تەنانەت لە داهاتووش دا.
لە پاشان لە گەڵ گواستەوەی حکومەتی دیفاکتۆ بۆ ناوخۆی وڵات ئەوە خەڵکی رۆژهەڵاتی کوردستانن کە بە بەشداری خۆیان لە پرۆسەی دەنگ دانی سەرتاسەری دا جۆری سیستەمی حوکم رانی و شکل و چوارچێوەی دیاری دەکەن و هەڵدەبژێرن.}

^{سەرکەوتن بۆ بزووتنەوەی میلی_دێموکڕاتیک و ئاشتی خوازانی گەلی کورد}

١٤/١١/٢٠١٨