^{بێستون هەورامی  
72 ساڵ بەر لەئەمڕۆ ڕەخساوی سەقای سیاسی لەئێران و بە هێزی ناسونالیزمی کوردی و یەکگرتویی وایکرد پێشەوا(قازی محمد)لە1946/1/22کەسەرەتای دەستپێکی جەنگی سارد بوو بەهاوکاری سۆڤیەت کۆماری کوردستانی لەمهاباد ڕاگەیاند .}

^{دوای 11مانگ لەتەمەنی کۆماری کوردستان حکومەتی ئەو کاتی سۆڤیەت لەبەرانبەر وەرگرتنی نەوتی باکوری ئێران و هەروەها گەف و داواکاریەکانی(هاری ترۆمان)ی سەرۆکی ئەو ئەمەریکا تەواوی هێزەکانی خۆی کشانەوەو دەستبەر داری هەموو هاوکاریێکی کۆمار بوو .}

^{بەم هۆیەوە سوپای ئێران بەهاوکاری چەند هێزێکی بەکر ێگێراو هێرشێکی بەربڵاوی کردە سەر کۆمارو سەرئەنجام لەماوەی چەند ڕۆژێک شەڕو پێکدادان کۆماری کوردستان دوچاری ڕوخاندن و هەروەها پێشەوا ڕوبەڕوی سزای لە سێدارەدان کرایەوە .}

^{٭- لەدوای تێپەڕینی29ساڵ بەسەر ڕوخاندنی کۆماری کورد ستان و هەمان ساڵ بۆ بەرپابونی شۆڕشی ئەیلول کاتێک ئەم شۆڕشە لەڕێگەی گفتوگۆکانی لەگەڵ حکومەتی بەغدا گەلی کوردی بەدوا مەزڵگەی مافەکانی خۆی دەگەیاند وێڕای هاوپەیمانی و هاوڕاییەکانی بۆ سەرخستنی سیاسەتی کۆمەڵگای نێودەوڵەتی لەچوارچێوەی ڕێککەوتننامەیەکی هەرێمی ونێودەوڵەتی و بەهاوبەش ئەمەریکاو بەئاگاداری وڵاتانی ڕۆژئاوا (جەزائیر)دا دوچاری نسکۆ کرایەوە .}

^{٭- لەدوای تێپەڕبونی71ساڵ بەسەر ڕاگەیاندنی کۆماری کورد ستان و هەروەها 25ساڵ خۆبەڕێوەبەری و پەیوەندیە کانی هەرێم و زۆربەی وڵاتانی ڕۆژئاواو ئەمەریکاو ناوچەکە و شەڕی تیرۆرو هتد..لە2017/9/25دا گەلی کورد لەهەرێم وەک مافێکی دەستوری و دیموکراسی ڕیفراندۆمی ئەنجام داو بەهۆی ئەو ڕێککەوتنە هەرێمیەوە لەنێوان بەغدا تاران ئەنقەرەو ئەو چەند بەکرێگیراویەی ناو یەکێتی سوپای ئێراق و پاسداران و حشد هێرشێکی بەربڵاویان کردە سەر شاری کەرکوک و دوزخورماتوو .}

^{کۆمەڵگای نێودەوڵەتی بەگشتی و ئەمەریکاو ئەوروپا بە تایبەتی نەک هەر بەهۆی بەرژەوەندیەکانیانەوە پشتیوانیان لەڕیفراندۆم نەکرد بەڵکو بێدەنگیان هەڵبژارد لەبەرانبەر ئەو تاوانانەی دەرهەق بەهاوڵاتیانی کەرکوک و دوزخورماتوو ئەنجامدران .}

^{٭- ئەمڕۆش لەدوای تێپەڕبونی7ساڵ بەسەر هاوپەیمانی پەیەدە لەگەڵ ئەمەریکا ڕوسیا ڕۆژئاواو هەروەها پێکەوە شەڕکردن لەدژی تیرۆریستان لەچوارچێوەی هەمان ڕێککەو تننامەی 16/ئۆکتۆبەر سوپای تورکیا هێرشێکی بەربڵاوی کردە سەر عەفرین و تاهەنوکەش دەیان هاوڵاتی سڤیلی ئەو شارەیە بونەتە قوربانی و بەهەمانشێوەی 72ساڵ بەر لەئەمڕۆی کۆماری کوردستان و هەروەها چەند مانگی ڕابردوی 16/ئۆکتۆبەر کۆمەڵگای نێودەوڵەتی بێدەنگیان لەو هێرش و تاوانانەی سوپای تورکیا بۆسەر شاری عەفرین و دانیشتوانەکەی هەڵبژاردووە .}

31/1/2018