ئومید خۆشناو

^{یەکێک لە شانازی و شاکار و سەروەرییەکانی خەڵکی کوردستان کە تا مرۆڤایەتی ماوە گەلی کوردستان پێیەوە سەربەرز و خودان ئیرادە بێت، جەژنە ڕیفراندۆمی ٢٥ی ئەیلولی پیرۆزە، ھەرچەند بەداخەوە ئێستا لەمپەر و کۆسپی گەورە، لەبەردەم جێبەجێکردنی ئەنجامەکانی ئەو شانازییە دروستکراون، بەڵام ئەوە کاتییە و تاسەر نابێت.}

^{لەلایەک دوژمنانی کوردستان خۆیان لەبەرامبەر ئیرادەی ئاشتیخوازانەی گەلی کوردستان نەگرت و ھەرچی توانا ھەبوو خستییانە گەڕ بۆ سەرنەکەوتنی ڕیفراندۆم و ئەنجامەکانی، لەلاکەیتریش خیانەتی ناوخۆیی گورزێکی شەرمەزاری لە ئیرادەی گەل و خواست و ئامانجەکانی و ھاتنەدیی ھیوای ملیۆنان مرۆڤی کورد و کوردستانی دا و خەنجەری ژەھراوی و خیانەتی سرەواندە کەمەری کوردستان و ھەناوی ڕیفراندۆم!}

^{لەبەرامبەر شکستھێنان بە پلاو پیلان و گەلەکۆمەکیی دوژمنان و ناحەزانی کوردستان و ڕێگری کردن لە بەدیهێنانی ئامانجی خۆفرۆشان، سەرکردایەتیی سیاسیی و حکومەتی کوردستان و خەڵکە شەرەفمەندەکی بەرگەی زۆریان گرت و حەکیمانە، ڕێگای دروستی مۆڕاڵ بەرنەدان و بەرگری و بەکارھێنانی تاکتیکی کاتییان گرتەبەر.}

^{بەڵام حەیفێ ئێستا دوژمنان خەریکە واز لە بەھانەی نادروستی وەستانەوە بەرامبەر بە خواستی حەقیانەتی خەڵکی کوردستان و ڕیفراندۆم دەھێنن، کەچی ھەمدیسان لەناوەخۆ عەقڵ پووچەکانی بەردەم شەرمەزاری، ھەر بەردەوامن لە بەھانە و لە ڕێگای میدیاو کۆڕ و کۆبوونەوەکان و گۆتن و کرداروگفتاریان، بەرۆکی ڕیفراندۆم بەرنادەن و ھەر ڕۆژێ بە شێوازێک دژی دەوەستنەوە و نیازیتیان لەگۆڕی بنێن.}

^{وەلێ ئەوان و ئێمەش و دونیاش باش دەزانین، ھیچ ھێزێک نیە، بتوانێ خەونی گەل و خواستی میللەت لەگۆڕ بنێت.}

^{بۆیە ڕیفراندۆم و ئەنجامەکەی ھەرچی بێت، خواستی نزیکەی سەدا نەوەد و سێی خەڵکی وڵاتە و ملیۆنان کوردی جیھانیش پشتگیری دەکەن، کەوایە تەنھا ئیرادەی گەلە کە چۆن و کەی و لەکوێ ھەڵسوکەوت لەگەڵ ڕیفراندۆم و ئامانج و ئەنجامەکانی دەکا؟}

^{دەمی ئەوەیە، بگەڕێمەوە سەر ناونیشانەکە،(ڕیفراندۆم و ژاژی)، ژاژی خواردنێکی بەلەزەتی خزمانی ھەرکییە، زۆر جاران لە کوێستانەکان، بەشێک لەو ژاژیە سڕ دەکرێت و دەخرێتە ژێر خۆڵ، بەڵام کاتێک دەردەھێنرێت، کاتی خواردنی دێت، زۆر بەلەزەت تر و بەچێژتر دەبێت.}

^{ئیتر پێویستە ئەو دەنگ و دۆر و ژاوەژاوەی لەناوخۆ ھەیە، دژی خواستی گەل، ئەو ڕاستییە حەتمییە بزانن، ڕاستە ئێستا ڕیفراندۆمی کوردستان سڕکراوە، بەڵام یەقینمان ھەیە ئەو ڕۆژ و زمەنە دێت، ڕیفراندۆم ئەو کارتە بەھێزەی خەڵکی کوردستانە و کاری پێدەکرێت.}

^{ئەوکات گەل شاناز و سەرفراز دەبێت و خاکفرۆشانیش بۆ ھەمیشە سەر شۆڕدەبن.}

19/11/2017