^{خەڵک وریا و مبارز کوردستان!}

^{جمشتەیل و حزب وهێزەیل سیاسی وئازادیخواز و کۆمەڵەیل چینایەتی و چالاکەیل مەدەنی ڕۆژ هڵات کوردستان!}

^{هەر ئەوجۆرە گ زانین سیاسەت سیستماتیک سەرکوتکەرانەێ ڕژیم دەسڵاتدار لە ئێران لە وراێوەر کوردستان ،بیەسە مدووم بێکاری فرەترو نەوین سەرمایە گوزاری و کەمی مەنتەقەیل ئازاد تجارەتی وبازرگانی کردن وشایان نەوین بەرنامەڕێژی ئەڕاوە سەر کار بردن جوانەیل وهەر ئیجۆرو ژیان خەڵک کوردلەڕۆژهڵات، ڕۆژ لەڕۆژ سەخت ترو پڕڕەنج تر کردێە.}

^{فرەێگ لەخەڵک کورد وە ناچاری ئەڕاوەدەس هاوردن گۆپێ نان وە ڕەنج خوەیان ،ڕوو لە کوڵبەری هاوردنە کە هەر چەن پیشەو کاردڵخوازو ئاسانێگ نیە و بڕێگجار وەدەس هاوردن تۆشەو نان وە نرخ وە کیس چین گیان ئەڕایان تەمام بوود،ئەما لە لاێگیشەو چۆن لە ئارەق ڕشانن وەڕەنج ،نان و ە دەس تیەرن پیشەێ شرافەتمەندانەێگە ئەڕایان.
هەر لەێ پێوەندی و باوەتە ،نزیک دوو دەهەس دوینیمن کۆڵبەرەیل بێ تاوان کوشتار بوون و کەل وپەل وکاڵایلیان وە زۆر لێان سنن وتەنانەت بەزەیی وە ئەسپ ووڵاخەیل بارکیش ئەوان نیەکەن و لە لایەن نیروەیل مەرزی ڕژیم کۆمار ئیسڵامی ئێران ،ئەنقەس دریەنە دەم گوللە ودەسڕێژ لێان کەن.}

^{توەنیم بویشیم لە دریژای ساڵەیل وەرین کوڵبەرەیل تویش ڕەفتارەیل فرە سەخت وبێ بەزەییانەو دوورلە ئنسانیێگ لە لایەن کارەدەسەیل و نیروەیل مەرزی ڕژیم دەسڵاتدار ئێران بینە.}

^{جمشت کۆمارخوازەیل ڕۆژهڵات کوردستان لە جم وجویل حە قخوازانە و ناڕەزایەتی نیشان داین خەڵک بانە و باقی شارەیل تر کوردستان پشتیوانی کەێدو هاودەنگی و وە هاناچین و هوم خەڵک کورد وەگەرد ئەوان ئەڕا ڕەسین وە خاستەیل ڕەواو حقووق ئنسانی و پیشەئیان ،هەوەجە زانێد.}

^{هەر ئەوجۆرەگ دیمن لە ڕۆژەیل دوشەمە وسێ شەمە ١٣ و ١٤ مانگ ناو خەرمان لە باوەت کوشیان دو کوڵبەر کورد لە مەرز هەنگەژاڵە سەروە شار بانە کە وە دەسڕێژ ڕاساێ ڕاس وئەنقەس نیروەیل ڕژیم گیانیان لە دەس دان، خەڵک بانەیش ئەڕا ماکۆم کردن ئێ زوڵم وجنایەتە لە وراێوەر فەرمانداری شار بانە دەس کردنە ناڕەزایەتی نیشان داین،ئەوان یەکمجار وە ڕێ ئاشتی خوازانەو شێوەی مەدەنی تواسن لەێ باوەتە کارەدەسەیل ڕژیم لە لایەن قانوونی پەێجۆری بکەن و هەرچێ زووتر وە حەقێان بڕەسن، کە وە داخەوە ئێ جم وجویل مەدەنی و عەداڵەت خوازانە ێ خەڵک بانە لە نواێ فەرمانداری لە لایەن نیروەیل ڕژیم بێ جواو مەن و تەنانەت ورەو تون وتێژی کیشیاولە ئاخریش ئێ ناڕەزایەتیەیلە ورەو شارەیل تر کوردستانیش بڵاوو پەخشەو بی و هێمانیش هەر بەر دەوامە و دریژە دیرێد و خەڵک کورد لە سەر ڕەسین وە خاستەیل بەر حەق و عداڵەت خوازانەێ خوەیان و وسانن یەکجارەکی کوشتن کوڵبەرەیل،پاوە گەزدان ومقاومەت کەن.}

^{جمشت کۆماریخوازەیل ڕۆژهڵات کوردستان لە گشتێ خەڵک کوردستان و چین وتوێژەیل وڕێکخراوەیل مەدەنی و سازمانەیل سیاسی کوردو ئازادیخوازەیل ئێران وهەر ئیجۆرە لە ڕێکخراوەیل پارێزگاری لە ماف مرۆڤ ، تواێدن کە لەئێ هەڵسان و جم وجویل عەداڵەت خوازانەو مەدە نیەی خەڵک کورد لە ڕۆژهڵات کوردستان،پشتیوانی بکەن.}

^{شەوراێ هەماهەنگی/ جمشت کۆماریخوازەیل ڕۆژ هڵات کوردستان}

^{١٣٩٦/٦/١٤
٥/٩/٢.١٧}