^{جمشت جمهۆریخوازەیل ڕۆژهڵات کوردستان،دەسکەفتەیل و بەرهەمەیل ٧٢ ساڵ مبارزە وتەقەڵاێ پڕ لە سەختی و پاوە گەزدان بنەماڵەێ گەورەی حزب دموکرات کوردستان و تاریخ زەڕین هەنزاێ کۆمار کوردستان و هەر ئیجۆرە بەرجەستە کردن سەروەری سیاسی ونەتەوەیی کوردەیل وە شێوەی کۆمار،پڕ قورپ و ئەرزشدار زانێد.جمشت کۆماریخوازەیل ڕۆژهڵات ئاوەختی خوازە جۆر پێشەوای گەورە وە کردەوە وعەمەڵی ئەڕا ڕەسین و پاراستن بەرژە وە ندیەیل نەسەوەێ کورد لە مەیدان سیاسەت ودیپلۆماسی بجویلیەن وسیاسەت گوزاری بکەن ولە فرسەتە یل ئستفادە بوەن و دوور لە فداکاری ودڵسۆزی و سیاسەت کوردە نامۆسی ،بەسریاو وشک وبێ خەم وچەم وە گەرد دۆس ودشمن و ترەف وراوەر ڕەفتار نەکەن . بەڵکم ئیرنگە ک حدکا"حرەکەت ڕاسان" خستێەسەڕێ تا لە وساین مبارزە نواگری بکەێدوهە ماهەنگی لە مابەین مبارزە شاخ وەگەرد شار لەی حرەکەتە، هەدەف خوەێ زانستێە،هەوەجەس ڕاسان فرەتر وە کاراکتێردموکراتیک تەیار و بتەو بکریەدو لە تەک بعدی یایە جانبە کردن کاراکتێر ڕاسان جۆر مبارزەێ مسلحانەو موتلەق زانستن ئێ شیوە لە مبارزە،و کەم تاسیر نۆڕین پرۆژەێ ئاشتی خوازانە و لە لاناین هەڵوژاننەیڵێ تر ئەڕا چارەسەری ئاشتیانەێ گیچەڵ کورد ،خوەێ دوور بگرێد و ئەڕاوەدەس هاوردن و پاراستن بەرژەوەندی و منفعت ملی ،گشت سات ووەختێ هەوەجەس لە شیوەیل تر مبارزە ئستفادە بکەد. توانریەێ خاڵ ئەمنیەتی لەوەر چاوبگرن و لە گەرد لایەنەیل ئەڕادیالۆگ و ئاشتی بنیشن ولەێ باوەتە هەوڵ وتەقەلای فرەتر بێریەد. هەر ئەوجۆرە گ زانیم ئەگەروەڕێ چارەێ ئاشتی نەڕەسیم شەڕو دەرگیری خەسارەت وقوروانی وهەزینەێ فرەتر هەس ،گشتێ شەڕو گیچەڵەیلیش ئاخر سەر هەروەڕێ ئاشتی ودیالۆگ چارە سەر بوود.}

^{جمشت جمهۆریخوازەیل ڕۆژهڵات کوردستان،هاووەخت لەگەرد بمارک وتن وقورپ گرتن لە ٢٥ گەڵاوێژ ساڵڕۆژ دامەزرانن بنەماڵەی گەورەی حزب دموکرات،لە گشتێ کاروەدەسەیل وکادرو ئەندامەیل حزب و خەڵک حەقخواز کوردستان،پیرۆزبایی کەێدو هەر لەێ ڕابتەیش قەوڵ دەیمن ئەڕا ئدامە داین وە دۆسیەیل و فرەتر بەرقرار کردن ڕابتەیل ماوەێن حزبەیل و فراوانتر کردن بنەوایل فکری و فەلسەفەیی زەمان کۆمار هەوڵ وتەقەلاێ فرەتر نیشان بەیم وهەر لەێ خاترە بێ وچان، ئەڕا فەرهەنگ سازی وە باوەت زنێ هیشتن وقورپ گرتن سەمبۆڵەیل وسیگناڵەیل نەتەوەیی، کار کەیمن.
تەقە لاو هەوڵ جمشت یەسە ئەسڵ سەروەری سیاسی ونەتەوەیی جۆر هەدەفێگ ئەساسی وگشتگیر ئەڕارەسین وە حەق ڕەواێ خەڵک کورد،لە ناو کوردستان ڕۆژهڵات بەر جەستە بکەێد.}

^{بمارک بوو یادویادمان ٢٥ گەڵاوێژ ساڵڕۆژ دامەزرانن حزب دموکرات.}

شەوراێ هەماهەنگی/جمشت جمهۆریخوازەیل ڕۆژهڵات کوردستان

^{٢٠١٧/٨/١٥}