^{جمشت کۆماریخوازەیل ڕۆژهڵات، ڕفراندوم دموکراتیک ئەڕا سەربەخۆیی و ئستقڵاڵ کوردستان وە کلیل چارەێ یەێجارەکی خاست وداخوازی ڕەواێ کورد، لە هەریم کوردستان زانێدن.}

^{جمشت کۆماریخوازەیل ڕۆژهڵات کوردستان نۆڕین و نەزەرێ یەسە: خەڵک کورد وەگشتی،و هەریم کوردستان وەتاێبەتی لەوەر دەم دپیەک کردن و ئازمایش گەورەێ تاریخی و تەجرەبەێ گران بەهاو چارەنویس سازێگ، قرارگرتێە. جمشت کۆماریخوازەیل هەروەئێ خاترە وەگشت شیوەێگ پشتیوانی وپشتگیری خوەێ ئەڕا باوەت ڕفراندوم و دیاریکرددنی حەق چارەێ خوەێ نویسین کورد و ئستقڵاڵ کوردستان باشوور، بەیان کەێ.}

^{هەر ئەو جۆرەک خەوەردارین کە گردەوبوین و دانیشتنێگ ڕەسمی فرەێگ لە حزب و لایەنەیل کوردستان باشوورو لە سەر پرەسی سەرۆک هەریم کوردستان جناب مەسعوود بارزانی، ڕۆژ ٢٥ی سپتامبەریا ٣ی مانگ مێهر ئەڕا گشت پرسی(همەپرسی) دیاری کریا.}

^{گشت پرسی(ڕفراندوم) ئەڕا دیاریکردن حەق چارە نویس و سەروەخوەێ بوین لە هەریم کوردستان لە ژێر نەزەرو چاودێری نمایندەیل بین‌الملل ونمایندەیل ئتحادیەئرۆپا، وچەندین وڵات ترەگ قرارە ئەنجام بگرێد.}

^{دیدگاە و نەزەر جمشت کۆماریخوازەیل ڕۆژهڵات کوردستان لە باوەت ئەنجام ڕێفراندوم لە هەریم کوردستان موسبەت و ئەرێنیەو خوازیارڕیو هاوردن گشتێ لایەنەیل و حزبەیل وە رەو کۆ دەنگی و گرتنە وەر ڕێگە چارەی ئاشتی و دیالۆگ لەێ چوار چۆە سە.
جمشت کۆماری خوازەیل گشت هازو تەواناو تەقەلای خوەێ خەێدە کار تا حزب و لایەنەیل باشوور کوردستان و پارچەیل‌تر لە سەر ئەساس و بنەواێ هاو پەیوەندی نەتەوەیی (همبستگی واتحاد ملی)و ڕێ‌چارەێ دموکراتیکانە و سازیان نیشتمانی (توافق میهنی) وە هاو دەنگی موسبەت و ئومێد بەخش و وتن بەڵێ ئەڕا ڕفراندوم وە شیوەێ دموکراتیک ئەسڵ سەروەری سیاسی/ نەتەوەیی ئەڕا دورس کردن وڵاتێگ ودەسڵاتێگ کوردی سەر بە خۆ لە باشوور ئە نجام بێەن.}

^{/جمشت کۆماریخوازەیل دوای پرۆسەی ڕفراندوم و لە مرحلەو قۆناغی سەبەخۆیی "دەوڵەت نەتەوە "یی دموکراتیک کوردستان، وە سەمبۆڵ تەمام بوین ستەم ملی و پیشرەفت فەرهەنگی وتوسعە پێ داین شوناس سیاسی وبرایەتی ماوەین ملەتەیل و پێکەوەژیانە ئاشتیانە زانێدن."
لە گشت دەوڵەتەیل حاکم وەسەر خاک کوردستان و هەر ئیجۆرە خەڵکەیل هاوسامان ئنتزارو چاوەڕێ یە دیریم هەر ئەو جۆرەگ پشتیوانی و پشتگیری خوەێان ئەڕا ملەتەیل حەق خوریاو زوڵم وەڵێکریا لەو پەڕ جهان نیشان دەن، هەر ئەو جۆریشە وەچاو حورمەت و دڵ فراوانی و فکر وازێگ بنۆڕنە سەربە خۆیی و داشتن حەق دەوڵەتێگ ئەڕا کوردەیل لە کوردستان باشوور، و حەڵ مەسئڵەی کورد لە گشتێ بەشەیل کوردستان.}

^{هەر لەێ مدوومەسە جمشت کۆماریخوازەیل کوردستان باوەڕێ یەسە کە ئاخر گشتێ گیچەڵەیل وشەڕەیل هەر چوودە بان ڕێ ئاشتی و هەڵگەردیان وە سەر مێز دیالۆگ ومزاکرە لە ماوەێن ترەفەیل و لایەنەیل، ئمجا چ لە چوار چۆ یەکاگیری و هەماهەنگی ناو ماڵ کوردی بوو یا چ لە گەرد ئەو دەوڵەتەیلە کە تویش گیچەڵ و مەسئەڵەێ کوردن هەر بایەس ڕێ چارەێ دموکراتیک لەوەر چاو بگریەێدو قەبوول ئەمرواقع وقودرەت و شەخسیەت کورد بکەن.}

^{جمشت کۆماریخوازەیل لەسەر ئێ باوەڕەسە ک نۆستاڵۆژی (خاطره) جمهۆری مستقل کوردستان وە ڕێبەری پێشەوا قازی مامەد و زندە یاد مەلا مسەفا بارزانی(١٩٤٥) جۆر دۆ بازۆی پڕتەوان سیاسی/ نزامی دەسڵات کوردی لە ڕۆژهڵات کوردستان، ئەو قودرەت تحرکە لە هەر فەردێگ کورد لە کۆمەڵگا دورس بکەێد. هەر ئەو جۆرە گ کۆمار دوای هدەف ئستراتیژیکی و دریژماوەێ خوەێ، دورس کردن دەوڵەتێگ ملی /دموکراتیک و ئستقڵاڵ بیە، هەر وە ئەو شیوەیشە ئێرنگە هەوە جەس و بایەس ڕۆڵەیل نیشتمان‌پەروەر کورد، وەزیفە و ئەرک سەرشان و رساڵەت تاریخی و ملی خوەێان بزانن، کە ئەڕا دورس کردن دەسەڵات وکیان خاوەن سەروەری سیاسی هەڵسن و دەس بەنە دس یەکتر و ئەڕا هەمیشە خوەێان لە ژێر دەسی و ڕەنج و بەدبەختی نجات بێەن.}

^{جمشت کۆماریخوازەیل ڕۆژهڵات کوردستان هەڵوێست و مواضع افکارعمومی جهان له باوەت سه نگ وقورسایی کورد وه خاس زانێدو یەیشە ئفتخارو شانازی گەورەێگە ئەڕا کورد کە لە مەنتەقەێ خاوەرمیانە، کوردستان وە قوبڵەێ ئومێد و پەناگاێ ئەمن ملەتەیل وجی پێکەوە ژیان ئاشتیانە و وڵاتێگ خاوەن دموکراسی ناو دەرکردێەو شناسیاێە.
هەر ئیجۆرە حاشاهەڵنەگرە کە ئیمڕۆ کورد لە ناو جەهان شوون و شان وشەوکەت و هەمیەت وەر چاوبگرێ دیرێد، ئەڕایەیشە سە کە کوردستان لە پرۆژەی سیاسەت کەڵان وڵاتەیل پڕ قەدرەت جەهانی قرار گریاێە.}

^{وە ئێ خاتریشە قودرەتەیل جەهانی نەخشەێ تەغیرو گوەڕیان ژئۆپۆلتیک و پرۆسسی دموکراتیزاسیۆن ڕۆژهڵات ناوەێن (خاورمیانە) لە ڕێ کورد دوینن ولە گشت ڕیو و لەحازێگ وە تاێبەت(مخصوصا) له باوەت ئی چەن خاڵ مهم خوارە، کورد ئیمڕۆ فرەتر بیەسە جی باس و مسئڵەی ڕۆژ:}

^{_ ڕەوا بوین شۆڕش نەتەوەیی کورد}

^{_ شەڕ لە وراێوەر ترۆریس}

^{_ مەسئڵەی حقووق بەشەر وعداڵەت ئجتماعی}

^{_ پێش گرتن رێ سیاسەت حەکیمانە ئەڕا دورس کردن هاوسەنگی و توازن قوا لە ماوەێن قودرەتەیل جەهانی ومەنتەقەیی.}

^{_ لەوەرچاو گرتن ئەسڵ پلۆرالیسم سیاسی.}

^{_ وە کار بردن و پەیڕەو کردن تجربەێ دموکراسی ئیمڕۆژیانە.}

^{_ قورپ و حورمەت گرتن لە کەمینەو ئەقلیتەیل ئائینی}

^{_ ئرتبات و پەیوەندی گەرم‌وگوڕ لە لحاز دیپلۆماسی وسیاسی لە گەرد قودرەتەیل جەهانی و پەیوەس کردن کوردستان وە بازاڕەیل ئابووری (اقتصادی) جەهانی.}

^{_ گشتێ ئێ خاڵەیلە جۆر کارنامەێ زەڕین ودرەوشیاێ جمشت حەق‌خوازانەێ ملەت کورد و دەسکەفتەیل وبەرهەمەیل موهم هەریم کوردستان ناسریانە.}

^{هەوە جەس بزانریەێ وە گوزەشت تاریخو لە ئدامەێ ژیان سیاسی و تەقەلاو فداکاری و قوربانی دان ملەتەیل و نەتیجەێ شۆڕش خەڵکەیللە ناس جەهان، سەدان وڵات ودەوڵەت نۆ دورس کریاێە ک تا ئیمڕۆ خاون چوارچۆ ئداری وسەروەری سیاسی وقانوون نۆن ئەڕا حفزو پاراستن بەهای نەتەوەیی و ئاسایش گشتی(رفاەوامنیت عمومی) و پیشڕەفت کردن فەر هەنگ خوەێان}

^{هەر ئەڕایەیشە ڕفراندوم و مافی دیاریکردنی چارەنویس (حق تعین سرنوشت)ئەڕا ملەتەیل ژێر دەس و ئازادیخوازو زوڵم وە لێ کریا، یەێ حەق تەبیعی ومەشرووع و ڕەواێگە و ئێ مەسئە ڵەێ موهمە جۆر ئەسڵ و خاڵێگ دیاری ووەرچاو لە چوارچۆ جاڕنامەێ ڕێکخراو نەتەوە یەکاگیرەگان (منشور سازمان ملل متحد) و کۆنواسیۆنەیل بین‌المللی ئەڕا ماف مرۆف (حقوق بشر) وە حەق مەشرووع و ڕەواێگ زانریاێە.}

^{یە وە ئێ ماناوواتا تێ ک سەنین ئەو حەق ڕەوایە لە ترەف هەر قودرەت و هێزێگ، حەساو بوو لەسەر فاشیزم وئنکار و سڕینەوەی شوناس شەخسیەتی ئەو خەڵکە هویەت خواز و ئازادیخوازە،و زدیەت ودژایەتی حقوق ملی ودموکراتیک وئنسانیەو یانە لە جمڵەێ پاماڵ کردن و لەژێر پاناین پرەنسیپ و قانوونەیل بین‌المللی حەساو بوون.}

^{جمشت کۆماریخوازەیل ڕۆژهڵات کوردستان، حورمەت لە ئیرادەو قرار خەڵک کورد لە باشوور کوردستان گرێدو، ئمێدەوارە کە لە لاێ گشت لاێگ ئێ دەسکەفت ئەرزشدارو ئەو تەجرەبەێ گران بەها کە ڕۆشنای ئومێدو شکۆمەندی وەگشتێ بەشەیل کوردستان بەخشێ، بپارێزیەێدو گشتێ هەوڵ وتەقە لایگ ئەڕا پێش خستن و سەرکەفتن وەکار بوریەێد.}

^{سەر بەرزی و سەرکەفتن ئەڕا خەڵک کورد}

^{بەڵێ ئەڕا ئاشتی و برایەتی وحەق ڕەوا}

^{جمشت کۆماریخوازەیل ڕۆژهڵات کوردستان}

^{۳۱ی جولای ٢٠١٧
۹ کردار( گەلاوێژ) ٢٧١٧کوردی
٢٤خرداد ١٣٩٦}