^{دوانیوەڕۆی ڕۆژی دوو شەممە ۲۲ جۆزەردان بەرامبەر به ۱۲ی ژوئن ۲۰۱۷ی زایینی شاندێکی بزووتنەوەی کۆماری خوازانی ڕۆژهەڵاتی کوردستان پێکهاتوو له بەڕێزان هێما سۆفی بەرپرسی پەیوه ندیەکانی بزووتنەوه و ئەندامی شۆرای هەماهەنگی، نەسرین محەممەد زاده ئەندامی شۆرای هەماهەنگی و بەرپرسی شۆرای ژنان، ئازاد محەممەد زاده ئەندامی شۆرای هەماهەنگی و ژیلوان شەمامی کارگێری پەیوەندیەکان سەردانی یەکیەتی دێموکڕاتی کوردستانیان کرد و له لایەن شاندی خانه خوێ بەسه رپرشتی د. شاخه وان خالید کارگێری مەکتەبی سیاسی و هاشم شاکر ئەندامی سەرکردایەتی و فاخیر نانەکەلی کارگێری مەکتەبی ناوەندی YNDK پێشوازیان لێکرا.}

^{لە دەستپێکه‌دا ئەم دیدارە دۆستانەیە بە مەبەستی بەرده وامی دیدار و چاوپێکەوتن و هاوکاری و هاوپەیوەندی له نێوان هەردوولایەن رێکخرا بوو، پاشان تێیدا کۆمه ڵێک باس و بابەتی رۆژ تاوتوێ کران و هەر دوو لایەن بە خوێندنەوەی خۆیان ڕوانگەی خۆیان لە مەر ئەم بابەتانە هێنایە بەرباس.
شایانی باسە خاڵی ئەساسی ئەم دانیشتنە هەڵسەنگاندنی مژارە گرینگە سیاسیەکانی کوردستان و ڕۆژهەڵاتی کوردستان بوو. هەر لە درێژەی ئەم دانیشتنەدا زووم کرایە سەر یەکگرتووییەکی بەهێزی نەتەوەیی لە چوار بەشی وڵات سەبارەت بە بابەتە هەستیارە نەتەوەیی و پرسە چارەنووس سازە کانی کورد، لەوانە پرسی رێفراندۆم بۆ سەربەخۆیی لە هەرێمی کوردستان کە بابەتی گەرمی رۆژە و هەر دوو لا سوور بوون لە سەر ئەوەی کە پێویستە هەموو بە خەمخۆری و هەست بە بەرپرسیارەتییەکی زیاتر و چاوی هیواوە بڕواننە داهاتووی کورد لەو بەشە، کە هەموو لایەنەکان و کورد بە گشتی بە هەموو شێوەیەک هاوکاری و پشتگیری تەواوی ئەم پرۆسیە بن و کار بکرێت بۆ سەرخستی بۆ ئەوەی کورد لە باشووری کوردستان بتوانێ بەرهەمی فیداکاری و قوربانی دان و تێکۆشانی سەدان ساڵەی کە مافی دیاری کردنی چارەنووس و گەڕاندنەوەی سەروەری سیاسی وچێ کیانی مۆدیرن و دەسەڵاتی دێموکڕاتیکە بکات بە ئەمری واقع کە ئامانجی سەرەکیە.
جێگای ئاماژە پێدانە بەشێکی گرنگی ئەم دیدارە تەرخان کرابوو سەبارەت بە رەوشی ئێران بە گشتی و بە تایبەتی دۆخی ئەمرۆی رۆژهەلاتی کوردستان و پرسی کورد لە و بەشە کە بە جدی ڕووبەڕووی قەیرانی سیاسی و گرفتە کۆمەلایەتیەکان بۆتەوە کۆمەلێک لێدانەوەی لە سەر کرا، پاشان لە سەر دوایین ئاکامی هەلبژاردنەکانی شۆرای شارە و گوندەکان لە رۆژهەڵاتی کوردستان هەر دوو لایەن بۆچوونی خۆیان باس کرد ، هەروەها سەبارەت بە پرۆژەی ئاشتەوایی بزووتنەوەی کۆماریخوازان و هەوڵدان بۆ گەڕانەوەی کورد و تاران بۆ سەر مێزی دانووستاندن و کۆتایی هاتن بەم دۆخەی ئێستا و چارەسەری پرسی کورد دولایەن بە تێبینیەوە پێشنیارو سەرنجەکانیان خستەروو ، خاڵێکی گرینگ لەم پەیوەندیە دا بابەتی یەکریزی و کۆدەنگی نێوان هیزەکانی رۆژهەلات بوو و پرسی یەکگرتنەوەیان وەک زەروورەتێک بۆ هەرچی زیاتر پێشخستنی خەباتی سیاسی و نەتەوەیی ئەم پارچەیەی کوردستان دانا.
جێگای ئاماژه پێدانه بەشێکی ئەم دیدارە تایبەت کرابوو له سەر چۆنیەتی هاوفکری زیاتروتەعامول کردن لە گەڵ ئەو وڵاتانەی لە گەڵ پرسی کورد بەرەوڕوون و بە لەبەر چاوگرتنی جیاوازی پرسی سیاسی و نەتەوەیی کورد لە هەرکام لەو بەشانەدا خرانە بەر راو و سەرنج و لێکدانەوە. دولایەن کۆک بوون بە تەبیعەتی مەسەلەی کورد لە رۆژهەلاتی ناوەراست دا زه رووت وا دەخوازێ ناوماڵی کورد زیاتر رێکبخریت و یەکگوتاریان بەهێز و یەکگرتوویان پتەوتر بکڕێت.
له کۆتایی ئەم دانیشتنه دا دوو لایەنی YNDK و BKRK کۆک بوون له سەر ئەوەی که به شێوەیەکی چڕوپڕ و بەردەوام چوارچێوەی هاوپەوەندی نەتەوەیی و نیشتمانی دا له پڕۆژەی گەورەتردا درێژە به چالاکی هاوبەش بدەن.}

٢٠١٧/٦/٢٢زایینی