ئەسرین محمدزادە

^{لە یەک مانگی ڕابردوو بە پێێ ئامار و داتاکان لە ڕۆژهەڵاتی زێدمان زیاتر لە بیست دیاردەی خۆکوژی ژنان لە ناوچە جیاجیاکانی کوردستان تۆمار کراوە وبە داخێکی گرانەوە زۆرینەی ئەم کارەساتەمرۆڤایەتیە لە بیدەنگی ویژدانەکان ڕووی داوە و ڕووشدەدات .
ژنان بونەوەرێکن کە تەواو کەر و ئیلهام بەخش و تروسکەی ڕووناکی ژیانن لە هەموو کۆمەڵگایەکی مرۆڤایەتی ، رەنگە ئینسان نەتوانێ وەک پێویست تیشک بخاتەسەر بنەمای ئازارەکان و وەک خۆی هەستیان پێ بکات چونکە ژن بوون خۆی لە خۆی دا تەواو هەڵگری کێشە و گرفت و دیاردە قێزەونە خوازیار و نە خوازایارەکانی کۆمەڵگای مرۆڤایەتین بەگشتی و لە کوردستان بە تایبەتی.}

^{کۆمەڵگایەک کاتێ لە هەموو ڕوویەکەوە گە شە دەکات کە بتوانری رەچاوی چەند خاڵی گرینگ و جێی رامان بکرێت:
الف: ژنان خۆیان و پێگەیان و چۆنیەتی هەڵسوکەوت و ویست و خواستیان لە ژیان دیار و هاوکات خۆیان ڕچەشکین بن لە هەمبەر ئەو زوڵم و زۆرەی بەرانبەر بە خۆیان دەکرێت و سەیر نییە کە بڵیم ئێمەی ژنان بەشێکی گەورەی هۆکاری پێشێل کاری مافەکانمانین ، کاتێ لە ژیان تەنی بیر لە مادیات و ....... بکەینەوە زۆر ئاساییە ڕەنگە لەبەر ئەو ویست و خواستە سروشتیەی ئێمەی ژنان چاو پۆشی لە زۆر کارەسات و پێشێلکاری مافەکانمان بکەین. کە واتە تا خۆمان وەک ژن ئەو بەستێنە نەشکێنین و خۆمان دوورە پەرێزی ئەو شتانەی ئاماژەم پێکرد لە لایەن کۆمەڵگا و تەیفی بەرانبەر هیچ کات ناتوانین چاوەڕوانی ڕیز وئەمەگ بەرانبەر بە مافی ئینسانی خۆمان بین.}

^{ب: دەبێ بڕوامان بە مافی ئینسانی خۆمان واتە ژنان هەبێت و نەک مافی رەگەزی وبە چاوی کاڵایک و خزمەتکارێکی بێ موراد لە چوار چێوەی زاوزێ و ماڵەوە سەیر بکرێین.
ج: پیویستە بەم مکانیزمە تامول لە گەڵ کۆمەڵگا و رەگەزی بەرانبەر وەک هاو ژین و دۆست و ناسیار ولە قەوراەی گەورە تر دا کۆمەڵگا هەست بەرپرسیارەتی بە واتای راستەقینەی بکات و ڕیز لە ماف و کەرامەتی ئینسانی ژنان بگرێت.}

^{ئەم سێ خاڵەی ئاماژەم پێکرد دەور و ڕۆلی بەرچاویان سەبارەت بە دیاردە کۆمەلایەتییە کانی ژنانەوە هەیە لە روانگەی دەروون ناسیشەوە ڕەچاو نەکردنی ئەو سێ خاڵە کۆمەڵگا تووشی ئالۆزی و بێ متمانەیی دەکات . خەسار ناسی و هۆکاری دیاردەی خۆ کوژی ژنان ئەوەندە بەرفراوانەو کە ناتوانین لە یەک و دوو بابەت دا ئاماژە و شیکاری بۆ بکەین ،بەلام ئەوەی دیارە کۆمەڵگای کوردی بە هۆی داب و نەریتی هەلە و گێرە خۆڵقێن لە لایەک و ئایین لە لایەکی تر وای کردووە کە زۆرترین زولم و نابەرابەری بەرانبەر بە ژنان بکردرێت. هەر بۆیەش بە ناچاری ژنان پەنا دەبەنە بەر دیاردەی خۆکوشتن جا بە هەموو جۆرەکانیەوە کە جێ داخ و خەفەتە بۆ ویژدانی ئینسانێکی ئازادیی خواز و دادپەروەر ....
پێویستە کۆمەڵگا بە مافی ئینسانی ژنان ئاشنا و پێناسە بکرێت ، دەبێ هەر لە مناڵییەوە لە پۆلی یەکی قوتابخانەوە مناڵان وا رابێنین فێری ڕیز و پێناسەی مافی ئینسانی ژنان وەکوو پێکهاتەی سەرەکی و بنەمای بنەماڵەکان کە پێک هێنەری کۆمەڵگان ، هیوادارین لە بارودۆخی ئێستادا چالاکوانانی مەدەنی ناو خۆی ولات بتوانن لەم بابەتەدا دەور و ڕۆڵی کاریگەریان هەبێت لە نەبوونی دەوڵەتی کوردی و سیستمێکی دڵسۆز و داد پەروەر تەنیا مکانیزممان ڕێکخراوە مەدەنییەکانی نێو خۆی ولاتە بە هەموو پێکاهاتەکانییەوە کە بتوانی بە کردەوە هەنگاوی بۆ هەڵ بگریت و کاری بۆ بکرێت.}

^{ئەسرین محمدزادە}

^{لێپرسراوی شوڕای ژنانی بزووتنەوەی کۆماریخوازانی ڕۆژهەلاتی کوردستان
٩/٣/٢٧١٢٧}

^31/5/2017