^{بەیاننامەی بزووتنەوەی کۆماریخوازانی ڕۆژهەلاتی کوردستان، سەبارەت بە ئازادیی تێکۆشەر و ماف پەروەری گەلەکەمان محەمەد سەدیقی کبودوەند}

^{کۆمەڵانی خەڵکی تێکۆشەری کوردستان}

^{ئاشتیخوازان و ماف پەروەرانی وڵات؛}

^{ئەمرۆ بەخۆشیەوە دوای تەواوبوونی دە ساڵ حوکم و سزای بە ناحەق سەپاۆ، بەسەر سەرۆکی ڕێکخراویی مافی مرۆڤی کوردستاندا، سەرئەنجام تێکۆشەر و ماندوونەناسی گەلەکەمان محەمەد سەدیقی کبودوەند لە زیندان ئازاد کرا.}

^{بزووتنەوەی کۆماریخوازانی ڕۆژهەڵاتی کوردستان، هاوشان لە گەڵ گشت نیشتمانپەروەران و چالاکوانانی رەوتی خەباتی مەدەنی و مافی مرۆڤ، پر بەدڵ پیرۆزبایی لە بنەماڵەی کبودوەند و سەرجەم تێکۆشەرانی رێگای رزگاری خەلکی کوردستان دەکات، و هاۆکاتیش بزووتنەوەی کۆماریخوازان ئاواتەخوازە کە خەباتی ڕزگاریخوازانەی گەلەکەمان بەدوور لە زەبر و زەنگ،و هەروەها بە بێ تووشهاتن بە سیاسەتی سەرکووت و گووشاری دەسەلاتی فەرمانرەوا، بەئاشتی و ئازادی بگات،و لەئەنجامدا گشت چالاکوانانی گۆرەپانی خەباتی مافخوازی و شووناسخوازی کورد، لەزیندان ئازاد بکرێن،و رەوانەی ناوەندی گەرمی بنەمالەیی،و باوەشی دایکی گەورەی نیشتیمان، بکرێنەوە.}

^{شووڕای هەماهەنگی/ بزووتنەوەی کۆماریخوازانی ڕۆژهەڵاتی کورستان}

^{٢٢ی بانەمەڕی ٢٧١٧ی کوردی}

١٢مەی ٢٠١٧ زایینی