فه‌رید زامدار

^{كورد بەدرێژایی مێژووى نوێى سیاسیى خۆی به خەباتى چەكدارییشەوە، هەمیەه خۆشباوەڕ بووە و عاتیفەى سیاسى كاریگەریى نەگەتیڤانەى خۆى لەسەر سیاسەتى ناوخۆ و جیهانى دەرەوەى خۆى هەبووه}ڕۆمانسییانه لەگەڵ یاران و نەیاران و دژەكانى خۆى مامەڵەى كردووه، ئەوەندەى دژى خۆى بووه ئەوەنده دژى دوژمنەكانى نەبووه. بەدرێژایی خەباتى سیاسی، ئاشتیخواز بووه، ململانێكانیشى لەگەڵ نەیارانى له هەموو بوارەكانى سیاسى و ئاینگەرایی توندڕەو و فرەمەزهەب و فرەئایینى به ئاشتییانه كردووه .

^{سەبارەت بەهەڵدانى ئاڵاى كوردستان لەسەر دامودەزگا حكوومییەكانى كەركووك، دەڵێم دەبوایه بەرپرسانى كەركووك و كەركووكییەكان گەرماوگەرم لەگەڵ دواى مورافەعەكەى جەنابى مام جەلال له ئەنجومەنى حوكم له بەغدا كه نەخشەى شارى كه ركووك تا دەگاته حەمرین، به بەڵگەوه پیشانى عێراقییەكان و كوردستانیان دا و سەلماندى كەركووك له دێرزەمانه وه شارێكى كوردنشین بووه و دەوروبه رەكەیشى هەمووى كوردنشین بوونه.} نەوەك دواى ئەو هەموو ساڵه و لەناو ئەو هەموو گرژى و ئاڵۆزییانەى شەڕى داعش و ناكۆكییه دژوارەكانى نێوان هەرێم و بەغدا. دەبوایه هەڵوێستەیەك بكەین.

^{من دڵنیام هەموو كوردێكى دڵسۆز له ناخەوه بەو ئاڵایەى كوردستان له كەركووك دڵخۆش دەبن، بەڵام به ڕاى من ئەو ئاڵای كوردستانییه لەم دەمودەستەدا هیچ له مەسەله ستراتیژى و كێشه كانمان ناگۆڕێت، بەڵكوو كێشەیەكى قورستر بۆ خۆمان دروست دەكه ین. ناوەناوە بەغدا به موناسەبه و بێ موناسه به كێشەیەك بۆ هەرێم دروست دەكات، بۆ ئه وەى كێشە گرنگەكانى تر له بیر دەسەڵاتى سیاسیى كوردستان بباتەوه.}

^{كه واته ئێمەش دەبینە هاوكارێكى باش بۆ ئەو كێشانەى بەغدا دروستى دەكات، چونكه ئەو ئاڵایە هەڵبكرێت وە هەڵنەكرێت كورد لە هەڵبژاردنەكان له كەركووك زۆینەیه.}

^{ئه گینا زۆربەى جومگە گرنگەكانى دەسەڵات به دەست كوردەوەیە، وەك: (پارێزگار و قایمقامى مەركه ز و سەرۆكى ئەنجومەن) هەمووى كوردن و ئەندامانى ئەنجومەنى پارێزگاكه زۆرینەى ئەنجومەنەكه پێكدەهێنن، ئه وه خۆى له خۆیدا دەیسەلمێنێ كەركووك كوردییه و ئەوانى تر كه كەمینەن و هەر جومگەیەكى تریش له دەسەڵات ئەگەر هەیان بێت كورد پێیانى دەبەخشێ وەك بەخشیویەتى.}

^{لەلایه كەى تر كورد و هەرێمى كوردستان سەرگەرمى پرسى سەربەخۆیی كوردستانن، ئەندامێكى كوردى پەرلەمانى عێراق ئاڵا تاڵەبانى، لێدوان دەدات و دەڵێت: پڕۆژەى سەربەخۆیی كوردستان كارەساتێكى گه وره و پیلانێكى گەوره و هەڕەشەیەكى گەورەشه بۆ عێراق.}

^{ئه وەنده ڕۆمانسییانە موجامەلەى دەسەڵاتى عەرەبى عێراقى دەكات، كه هیچ عەرەبێك له عێراقدا به دەسەڵاتدارەکانشیەوه لێدوانى وایان نەداوه دژی سەربەخۆیی كوردستان و ناشی دەن، بەڵكوو لەگەڵ هەرێم له گفتوگۆدان. ئەوه جگە لەوەى کە كاردانەوەى خراپى لەگەڵ وڵاتانى ناوچەكه و وڵاتانى ترى جیهانى دەبێت.}

^{ئەوهتا وتەبێژى وەزارەتى دەرەوەى ئەمەریكا كه نزیكترین دۆستمانە ڕای دەگەیەنێ و دەڵێ: بۆ پرسى ئاڵاى كوردستان له كەركووك پەیوەندى به (به غدا)ەوه بكەن و توركیاش ڕای دەگەیەنێ و دەڵێت: كاتى خۆى سەرۆکی حکوومەتی هەرێم گفتى ئه وەى داینێ كه ئاڵاى كوردستان له كەركووك به رز نەكرێته وه و ئێرانیش له په یوەندییه كى چڕوپڕدایه لەگەڵ چه ند بەرپرسێكى سیاسیى كوردستان بۆ ئه وەى هەوڵەكه پووچەڵ بكاته وه.}

^{دەوڵەتى قانوون له پەرلەمانى عێراق و وتەبێژى سەرۆكایەتیى ئەنجومه نى عێراقیش (سعد الحدیپی) ده ڵێت: كەركووك هێڵى سووره. پشتگیرییه ناوخۆییەكانیش زۆر لاوازن. بەڕاى من ئەو بڕیاره تەنیا پارێزگارى كەركووك و چه ند لایەنێك دەریانكردووه و پرس و ڕایان تەواویان لەگەڵ سەرکردایەتیی سیاسیی کوردستاندا نه كردووه.}

^{دەنگۆیەكى ئه وەش هەیە كه هەوڵێکی بەرپرسانى تر شارەکەیە بۆ شاردنه وەى گەندەڵییەكان، بەتایبەتى له بوارى هەناردەكردنى نەوت و بازرگانیى نەوت، بۆ ئەوەى ماوەیەك كەركووكییەكان به تایبەتى و جەماوەرى كوردستان به گشتى سه رقاڵى ئەو مەسه لەیهبن.}

^{كورد له خەباتى سیاسیى خۆیدا چەندین ساڵه له پەیوەندییه سیاسىییەكانى هەوڵی داوه و تا ڕادەیەكى باشیش پەیوەندییەكان ئاسایی بوون و هه موو پێكهاتەكان بەشى خۆیان له دەسەڵات و ئەنجومەنى پارێزگا هەبوو. خۆ ئەگەر ئاوڕێكى خێراش بۆ مێژووى نزیكمان بدەینەوە، رێککەوتننامەكەى ساڵى ( 1970 ) كه باشترین بەڵگەنامەیه كه به ڕۆمانسییانه سیاسەتمان كردووه و ئەنجامەكەى فڕوفێڵێكى لایەنى بەرامبه ر بووه و تەنیا سەركرده و سیاسەتمەدارێكى گەورەى وەكو )بارزانیى نەمر( هەر لەسەره تاوە دركى بەوه كرد كه حكوومه تى بەعس ڕاست ناكات. ئەوه ئاڵاكانى سمایل ئاغاى شكاك (سمكۆ) و (قازى محەمەد) و (شێخ سەعیدى پیران) و (شێخ مەحمودى حەفید) و هەتا دوایی، (سمكۆ) به پیلانێكى ڕەزا شاى ئێران دەعوه تى دەرەوەى شارى )شنۆ( كرا و له وێش تیرۆریان كرد.}

^{ئه گه ر بۆ مێژووى كۆنیش بگەڕێینەوه ئەوه (سەڵاحەدین ئەیوبی) ئه وەندەى خزمەتى عەرەب و ئیسلامى كرد، هیچ خزمەتێكى به نەتەوەكەى خۆى نەكرد، خۆ دەیتوانى هەر زوو كه بارودۆخ لەبار بوو دەوڵه تێكى كوردى ڕاگەیاندبا كە دڵنیام ئەوەى پێ دەكرا، بەڵام ئەویش ڕۆمانسییانه لەگەڵ عەرەب و ئیسلام شه ڕ و شۆڕى بۆ ئه وان ده كرد و (قودس)ى بۆ ئازاد كردن، بێ ئه وەى هەوڵێكیش بدات نەتەوەى كوردیش له پارچەیەكى جیهانى ئیسلامى بۆ كورد دابمەزرێنێ و ئازادى بكات.}

^{له كۆتاییدا ده ڵێم: تا ئێمەى كورد بەو شێواز عاتیفیانه و ڕۆمانسییانه سیاسەت بكەین، بەردەوام خۆمان زەرەرمەنددەبین، دەبێت ئەوەش لەبیر نەكەین كە سەربەخۆیی كوردستان و ئاڵاكەى داخێكى گه ورەیه له هه ناوى دوژمن و نه یارانى کورد و کوردستاندا.}

^6/4/2017