رەحمان غەریب

^{بانگهێشتكردنی لایەنەكان بۆ چارەسەری قەیرانی سیاسیی هەرێمی كوردستان لە رێگەی گفتوگۆ و كاراكردنەوەی پەرلەمان و هەڵبژاردنەوەی سەرۆكایەتییەكی تازە بۆی و، رێككەوتن بۆ دامەزراندنی حكومەتێكی نوێ، دەستنیشانكردنی كەسێك بۆ سەرۆكایەتیی هەرێم هەتا كاتی هەڵبژاردن، گرنگترین خاڵەكانی پەیامەكەی بارزانی بوون. ئێ ئێستا تۆپەكە هەر لە گۆڕەپانی بارزانییە ؟}

^{بۆ تێپەڕاندنی ئەم دۆخە چەقبەستووە، دەكرێت پەیامەكەی سەرۆك بارزانی بكرێتە هەنگاو بۆ ئامادەكاری و سەرەتایەك بۆ بەستنی چەند كۆبوونەوەیەكی ئامادەكاری و بیروبۆچوونەكانی تێدا نزیكبكرێنەوە، هەروەها ژینگەیەكی لەبار بۆ راستكردنەوەی رێڕەوی پرۆسەی سیاسی بڕەخسێت. دە دانیشن لەسەر مێزی گفتوگۆ و كۆببنەوە، بەڵام كۆبوونەوەی كار نەك پرۆتۆكۆلی.} با پەیامەكە بكرێتە فرسەتێك بۆ دەربازبوون لە قیرانەكان و نۆژەنكردنەوەی ماڵی كوردستانی، وەك هەنگاوێك بۆ كاراكردنەوەی دامەزراوە شەرعییەكانی لێكبدیەنەوە، سەرتایەكیش بێت بۆ پرۆسەی گواستنەوە لە قۆناغی دەستبادان و هەوڵی ملكەچكردنی ئەوی دی، بەرەو گفتوگۆی بنیاتنەرانە، تەنانەت بۆ ئاشتبوونەوەی نیشتمانیش. بۆ نا؟

^{ئەی ئەزموونی دەوڵەمەندی گەلان لە دابڕانیان لە قۆناغی شەڕ و ململانێی ناڕەواو بێ ئەنجام، نەیبردنە سەر راستەڕێی گەڕانەوەی ئاشتی كۆمەڵایەتی و گەشەپێدانی ئابووری و سەقامگیری سیاسی و یەكڕیزی نیشتمانی، ئەی ئەمە نەكەین؟ دانیشین بەدیار رابردوو هەر ناكۆكییەكانمان قوڵبكەینەوە و رەنجی كوردستانیان بۆ ئازادی و سەربەخۆیی بدەین بەدەم (با) دا ؟}

^{ئێستا لەم بارودۆخە سیاسییەدا، پرسی گفتوگۆی لایەنەكان بە ئاراستەی ئاشتبوونەوەی نیشتمانی و گرنگی ئێجگار گەوروەی هەیە، بەڵكو لە پێشەوەی ئەركە هەنووكییەكانمانە، بەڵام گفتوگۆی بەرپرسانەو بنیاتنەرانە. كۆبوونەوەیەك بۆ لێبوردەیی نەك سزادان و تۆڵەكردنەوە.}

^{ئامرازی گرنگ بۆ  یەكێتی نیشتمانی و رووبەڕووبوونەوەی داعش و شێوازەكانی دیكەی ئیرهاب و مەترسییە كۆن و تازەكانی بەردەم ئەزموونی دیموكراتی گەلەكەمان، دانوستاندن و گفتوگۆیە، هەمووتان وادەڵێن، ئەی بۆ كاری پێناكەن ؟}

^{ئایا خەڵكی برسی و بێ مووچە و رەشوڕووتی وڵاتەكەمان حەزی لە گفتوگۆی لایەنەكانە بۆ چارەسەر، یان قسەكردنی لایەنەكان لەڕێی میدیا و لێدوانی ئاگرین؟}

^{بێگومان بۆ ساڕێژكردنەوەی برینەكانی رابردوومان تەنیا ئەم رێگایەمان لەبەردەستدایە، خۆتان دڵنیان پاش سەدەیەكیش ناكۆكی هەر دەچنەوە سەر مێزی گفتوگۆ، ئیدی چاوەڕوانی چین ؟}

^{نەخشەڕێگای ئەم پرۆسەیە بە لووتبەرزی و دۆگما ناگاتە مەقصەد، بەڵكو بە رێوشوێنی سیاسی روون، ئامادەكاری جددی و بەرپرسانە نەك بە بەیاننامە و لێدوانی كەموكورت و نەزۆك و بێ ئەنجام و نمایشی سەر كەناڵەكانی راگەیاندن. جەماوەری ئاشتیخواز چاوی بڕیوەتە ئێوە، بۆ دەستپێناكەن؟}

^{با لەم قۆناغە لاپەڕەیەكی نوێی پەیوەندییەكانی لایەنە سیاسییەكان بكرێتەوە بە پشتبەستن بە چەمكی لێبوردەیی و رێزگرتن لە یاساو دامەزراوە شەرعییەكان، بە راستگۆیی و رۆحی بەرپرسیارێتی، نەك دەستبادان و دەستشكاندن و ملشكاندن و ملكەچكردنی ئەویدی بۆ ئەجێندای یەك لایەن.}

^{نەك ئێستا، چارەكە سەدەیەكی پاش راپەڕین، سەرباری دەسكەوتەكان، كوردستانەكەمان بە ململانێی سیاسی و گرفت و ئاستەنگی ناوخۆیی ئێجگار گەورەدا تێپەڕی، بەڵام بوون بە رووداوێك لە رابردوو، ئەمەش تێدەپەڕێ، بۆ نا؟
23/11/2016}