^{رۆژی ١٤ئابریل ٢٠١٧، رۆژی ئەنفال، واتە ٢٩هەمین ساڵرۆژی دەستپێکی شێوەیەک لە وەحشیانە وبگرە ترسناکترین چەشنی سرینەوەی نەتەوەیەکی بێ‌دەسەلات و بندەستە کە تاکوو هەنووکە، مێژوویی کۆمەلگای مرۆفایەتی متەمەدن وەها کارەسات و تراژدیایەکی سامناکی بەخۆیەوە نەدیووە. ئەم کارەساتە لەدرێژەی سیاسەتی تەعقیب و ئەشکەنجە و کووشتن و برین، تەبعید، تەخریب، تەعریب،،،، وەک گەلالەیەکی دارێژراۆ بۆ سرینەوەی نەتەوەیەک بەئەژمار دێت، کە لە راستای تەکمیلی سیاسەتی ژینۆسایدی نەتەوەی کوردی بندەست و بێدەسەلات، وە لەبەرچاوویی دوونیای مووتەمەدن و موودەعی ئاشتی و ئازادی، مافی مرۆف و دێمۆکراسی، لە چەندین قۆناغی یەک لەدوای یەک ئەنجام دەدرا.}

^{دروست ٢٩ ساڵ لەمەۆپێش بوو، کە رژێمی بەعسی ئەفلەقی عێڕاق، بە پێی بڕیاری١٦٠ی "شوورای سەرکردایەتی شۆڕش" پرۆسەی سرینەوەی نەتەوەکەمانی لە چەند قۆناغدا دەست پێکرد و بەم چەشنە بێباکانە دەستی کرد بە کۆمەلکووژی وسرینەوەی نەتەوەکەمان لە باشووری کوردستان. ئیراقی ئەفلەقی ئەم پرۆسەی بە کۆمەل کووشتن و تالان کردنی سەرومال و سەروەتی سەر عەرز و بن عەرزی کورد و کوردستانی، لەژێر ناویی ئەنفال و بە پێ ئایەی ئەنفالی قورئانی پیرۆز، بەحەلال دەقبلاند و بەم چەشنە پێاۆکووژەکانی ئەفلەقی لەئاست، ئازاری ویژدانی و قەهر و غەزەبی ئیلاهی ئازاد و دەرباز دەکرد، بۆیە جەلادانی بەعسی لە زنجیرە چالاکیگەلێکی سەربازی دا، بێرحمانە دەستیان دایە خاپوورکردن‌و سوتاندنی خاک و سروشتی رازاوەی کوردستان و سرینەوەی کەلەپوور و کوولتوری کوردی و لەوەش وەحشیانەتر زیندەبەچالکردنی بەکۆمەلی ژن و مندال و لاۆ و پیر و پەککەۆتەی کوردی.}

^{رژیمی داگیرکەری ئێراقی ئەفلەقی، لە راستای سیاسەتی ژینۆسایدی نەتەوەی کورد و بۆ تەکمیل و بەیەکجاری سرینەوەی نەتەوەکەمان لەم بەشە لە خاکی داگیرکراوەکەمان دا، تاوانی ئەنفالی کوردی بە ٨ قۆناغی جێواز بەلام زنجیرەیی و یەک لەدوای یەک دا دەست پێکرد، کە تیدا ٦ لشکری عێراقی بەشدار بوون. لەم زنجیرە چالاکیە پرتاوانەیەدا، سەرەرای وێران و خاپوورکردنی گووندەکانی کوردستان و تەقاندنەوەی کانیەکان و سووتاندنی باغ و رەز و بێستانەکان، هەموو دانیشتوانی ئەم گووندانەیان بە چووک و گەۆرە و ژن و پیاوەوە راپێچی بیابانەکانی خوواروی عێراق دەکرد و بەخری زیندەبەچال دەکران. بەپێ ئامار و ئەرقامی جێگای باوەر لەم تاوانە دژە ئینسانیەدا هاۆرێ دەگەل ٨٠٠٠ بارزانی کە لەسالی ١٩٨٣ بەکۆمەل کوژرابوون، بەگشتی نێزیک بە ٢٠٠٠٠٠ مرۆفی بێتاوان بە جوورمی کورد بوون لە ناۆچوون.}

^{بزووتنەوەی کۆماریخوازانی رۆژهەلاتی کوردستان، سەرەرای دەربرینی هاۆغەمی دەگەل بنەمالەی شەهیدانی کارەساتی ئەنفال، ئەم تراژدیە سامناکەی ئەنفالی کوردی، مەحکووم دەکات و هێوادارە لەدوونیای گلۆبالی هەنووکەییدا، کە بە جیهانی فرەکولتووری و فرە شووناسی و دوونیای پر لە تەعاموول و لێکتێگەیشتن و هاۆژینی بە ئاشتی پێناسەکراوە، نەک کورد بگرە هیچ نەتەوەیەکی دیکەی سەرتۆپی ئەم زەویە، تووشی وەها کارەساتێکی سامناکی وینەی ئەنفالی کوردی نەبێتەوە.}

^{شوورای هەماهەنگی بزووتنەوەی کۆماریخوازانی رۆژهەلاتی کوردستان}

^{١٤ی ئابریلی ٢٠١٧}