مەسعوود بارزانی سەرۆکی هەرێمی کوردستان لەگەڵ جێگری سەرۆكی پارلەمانی ئەورووپا کۆبووەوە و لەبارەی رەوشی کوردستان و دواپێشهاتەکانی ناوچەکە گفتوگۆتان کرد.

^{لەو دیدارەدا جێگری سەرۆکی پەرلەنای ئەورووپا باسی رۆڵی کوردستان لە گۆڕانکارییەکانی ناوچە و رەخساندنی کەشی پێکەوەژیانی پێکهاتە ئاشتیانەی نیوان ئایین و نەتەوە جیاجیاکان لو کوردستان کرد و جەختی کردەوە کە یەکێتیی ئەورووپا پالپشتیی خۆی بۆ کوردستان دووپات دەکاتەوە.}

^{لە بەرانبەردا سەرۆکی هەرێمیش گوتی:  "ماوەی سەد ساڵی ڕابردوو لەپێناو ئازادی و پاراستنی ناسنامە و ئەوەی خستەڕوو كە لە سەرەتای سەدەی پێشوودا بەبێ وەرگرتنی ڕای گەلی كوردستان واقعێكی تاڵ و پڕ لە زوڵم و ئینكار بەسەر گەلەكەماندا سەپێندرا، بەڵام گەلی كوردستان لە بەرانبەر ئەو واقعە خۆی بەدەستەوە نەدا و خۆی پاراست و ئێستایش گەلی كوردستان بە شێوازی ئاشتیانە و دیالۆگ بەرەو مسۆگەركردنی مافە ڕەواكانی هەنگاو دەنێ."}

^{لەم بارەوە سەرۆکایەتیی هەرێمی کوردستان بەیاننامەیەکی بڵاو کردووەتەوە و وێنەیەکیش بۆ ئاژانسی باسنیوز نێردراوە.}

^{دەقی بەیاننامەکە:}

^{ڕۆژی یەكشەممە 3ـی 1ـی 2016 لە سەڵاحەدین مەسعود بارزانی سەرۆكی هەرێمی كوردستان پێشوازی لە ڕیچارد چارنێسكی جێگری سەرۆكی پارلەمانی ئەورووپا كرد.}

^{لە دیدارەكەدا جێگری سەرۆكی پارلەمانی ئەوروپا خۆشحاڵیی خۆی لە ڕەخساندنی دیدارەكە دەربڕی بۆ ئەوەی چاوی بە سەرۆك بارزانی بكەوێت و لە نزیكەوە ئاگاداری بارودۆخی سیاسی ناوچەكە و كوردستان بێت.}

 ^{هەروەها ستایشی سەرۆك بارزانی و گەلی كوردستانی كرد بەهۆی ئەو پێشكەوتنەی كە لە بیست ساڵی ڕابردوودا لە كوردستان هاتووەتە ئاراوە و كوردستانی بە توخمێكی كاریگەر لە قەڵەم دا لە سەقامگیریی ناوچەكە و ڕایگەیاند كە بەبێ كوردستان چارەسەریی ئاشتیانە لە ناوچەكەدا بەدی نایەت.}

 ^{لە درێژەی قسەكانیدا ئەوەی خستەڕوو كە زۆر پێویستە ئەورووپا و جیهان ئاگاداری ڕاستییەكان و ڕۆڵی كوردستان بن لە سەقامگیریی و ئاشتی لە ناوچەكە و پشتگیریی خۆیشی نیشان دا بۆ فراوانكردنی هەوڵەكانی وڵاتانی ئەورووپی بۆ پشتیوانیكردنی كوردستان لەڕووی ئابووری و مرۆییەوە.}

 ^{جێگری سەرۆكی پارلەمانی ئەوروپا وێڕای ئەوەی پێزانینی بۆ كولتووری پێكەوەژیانی گەلی كوردستان هەبوو، دەستخۆشی لە سەرۆك بارزانی و هێزی پێشمەرگەی كوردستان كرد لە ڕووبەڕوو بوونەوەی تیرۆریستان و هەروەها پاڵپشتیكردن و پاراستنی مەسیحی و پێكهاتەكانی تر لە هەڕەشەكان و هەروەها پەنادانیان.}

^{لە بەرانبەردا سەرۆك بارزانی سوپاسی هەڵوێستی جێگری سەرۆكی پارلەمانی ئەورووپا كرد و باسی لە ئازار و خەبات و قوربانیدانی گەلی كوردستان كرد لە ماوەی سەد ساڵی ڕابردوو لەپێناو ئازادی و پاراستنی ناسنامە و ئەوەی خستەڕوو كە لە سەرەتای سەدەی پێشوودا بەبێ وەرگرتنی ڕای گەلی كوردستان واقعێكی تاڵ و پڕ لە زوڵم و ئینكار بەسەر گەلەكەماندا سەپێندرا، بەڵام گەلی كوردستان لە بەرانبەر ئەو واقعە خۆی بەدەستەوە نەدا و خۆی پاراست و ئێستایش گەلی كوردستان بە شێوازی ئاشتیانە و دیالۆگ بەرەو مسۆگەركردنی مافە ڕەواكانی هەنگاو دەنێ.}

^{لە بەشێكی دیكەی قسەكانیدا سەرۆك بارزانی باسی لە دڕندەیی و وەحشیگەری تیرۆریستانی داعش و مەترسیان لەسەر كۆی مرۆڤایەتی كرد و هێمای بەوەدا كە بە شانازییەوە پێشمەرگە توانی داعش لە كوردستان تێكبشكێنێت و پاراستنی خوشك و برا مەسیحییەكان و پێكهاتە ئایینی و نەتەوەییەكانی تری بە ئەركێكی مرۆڤی و نیشتیمانی گەلی كوردستان وەسف كرد.}

^{هەروەها ئاماژەی بە تێچوونی مادی و مرۆڤی شەڕ و میوانداری ئاوارەكان و گرفتە ئابوورییەكانی هەرێمی كوردستان دا و داوای كرد كە وڵاتانی ئەورووپایی لە یارمەتیدانی ئاوارەكان هاوكاریی كوردستان بكەن.}

^3/1/2016