^{هاۆنیشتیمانە بەرێزەکان}

^{خەلکی بەشەرەفی کوردستان}

^{حیزب و لایەن و کەسایەتیە سیاسی، ئاینی و کۆمەلاییەتیەکان}

^{هەروەک ئاگادارن لەم چەند رۆژەی رابردوودا، مێدیای کوردی و بەشێک لە مێدیا و مێدیاکارانی ناۆچەیی و جیهانی سەرقالی روومالینی هەوال و وردەکاریەکانی پەیوەندیدار بە قەیرانەکانی هەرێمی کوردستان بوون، هەروەکی دەبینرێ و دەبیسترێ لەۆنێوەشدا زوومی کامارای میدیاکاران و کانالەکانی تلویزیونی کوردی و غەیری کوردی لەسەر لێکەۆتە سەلبییەکانی خۆپێشاندانەکانی چەند شار و ناۆچە جێوازەکانی هەرێم کوردستان، ئینفۆکە کرابوون.}

^{بزووتنەوەی کۆماریخوازان پێوایە، بە تێرامانێکی واقیعگەرایانە لە رەۆتی خۆپێشاندانەکان، بە ئاشکرا دەردەکەوێت کە دەگەل ئەوەی دەستور، مافی خۆپێشاندان و ئازادییە بنەرەتییەکان بۆ تاک تاکی هاۆوەلاتیانی هەرێمی کوردستان کەفالەت دەکات و بەۆپێیەش هاوەلاتی لەۆپەری ئازادی و سەربەستی‌دا بۆی هەیە لە گشت ئاکسیۆن و  کردار، وە ئامرازە یاساییەکان بۆ دەربرینی ئازادانەی بیرورا، و هەروەها ئاراستەکردنی داخواز و داواکارییە سەرەکییەکانی سوود وەربگرێت، بەلام بەداخەوە هەروەکی بینرا جەهەت و دروشمی خۆپێشاندانەکان ئاراستەیەکی دیکە بەخۆیاندەگرن و لەئەنجامدا گرژی و ئاور و خوێن، وەک ئاکامی سەلبی و لێکەۆتەیەکی نالۆژیک و نەخوازراۆ بەرهەم دێنن.}

^{ئاشکرایە رەۆت و جەهەتی خۆپێشاندانەکان لەپێناۆ ئاراستە کردنی ماف و داخوازییەکانی هاوەلاتیان، دەبوو روو لە نیهاد و دەستگا ئیداری و حوکمییەکانی حکومەتی ئیتیلافی هەرێمی کوردستان کرابایان، نەک روو ل بارەگای پارتی دێمۆکرات، وە یان هەر لایەنێکی سیاسی دیکە. وەک ئاشکراشە کە حکومەت بەرپرسە لەئاست دابینکردنی ماف و داخوازییەکانی هاوەلاتیان و مووچەوەرگرانی هەرێمی کوردستان،  بۆیە دەکرێ وە دەنگوونجێ ئەۆ شەک و گومانەی وەک هۆکاری خولقاندنی گرژی، و ئاۆر و خوێن، لێدەرهاویشتە بکرێ کە خۆپێشاندانەکان لەژێر کارتێکەری مەبەستی سیاسی و ململانی نێوانحیزبی و نێوانگروپی، تەندروستی سروشتی و یاسایی خۆیان لەدەستدابوو هەر بۆیەشە کوژران و برینداربوونی چەندین گەنج و هاوەلاتی وەک ئاکام لێکەۆتەوە، و لەئەنجامدا بۆتە هۆ و هۆکاری غەمباری هاوەلاتیان و نیگەرانی گشت خەلکی کوردستان لەئاست ئەگەری دەستپێکی شەری براکوژی و ناۆخۆیی لە کوردستاندا.}

^{بزووتنەوە پێوایە، حکومەتی ئیتیلافی هەرێمی کوردستان کە حکومەتێکی پلورال و تەوافووقی، وە لەسەر ئاستی بەشداری و مشارکەتی پێنج لایەنی سیاسی و سەرەکی کوردستان پێکهاتووە، بە ئەرکی مودیریت و کۆنترۆلی قەیران، و بەکارهێنانی دەسەلات و قورسایی سەبارەت بە دابینکردنی مووچەی خەلک هەلنەستاوە، ناکرێت وەلاتێک کە هەرشەی شەری داعەش و داعەشکارانی داوێنگیری بووە و بە نوێنەرایەتی وەلاتانی ناۆچەیی و جیهانی، "پێشمەرگە" واتە رۆلە بە جەرگ و قارەمانەکانی ئەم خەلکە برسییەی وەک قەلغانێکی پۆلایین، قوتی ماشێنی شەری مالوێرانکەری داعشەکان کردووە، لەحالەتی نەداری و برسیبووندا رابگرێت، بۆیە حکومەت دەبوو بۆ پێشگیری لە روودانی قەیران و قەیرانەکان، بەئاگادری خەلک و گشت لایەنەکانی دەخیل لە دیاریکردنی چارەنووسی وەلات، وە لەسەر حیسابی خەلک و خاک و نیشتیمان، "وەک لە وەلاتانی تووش‌هاتوو بە نەخۆشی قەیران باوە"، بەنیسبەت وەرگرتنی قەرزی دەرەکی بۆ دابینکردنی مووچەی خەلک و تێروتەسەل راگرتنی هاوەلاتیان ئیقدامی کردبایە، بۆ ئەوەی لەئەنجامی ئەم کەمتەرخەمییە شاهیدی هەنووکەیی گرژی رەوشی خۆپێشاندان، ئاۆرتێبەردانی نالۆژیکی بارگاکان و خوێن رشتنی گنجان و هاوەلاتیان نەبوایین. ئەوەی راستی بێت دۆستان و وەلاتانی یار و هاۆپەیمانی ئیستراتێژیکی کورد زۆر بەئاشکرا دەزانن برینی پشکی بوودجەی هەرێمی کوردستان مەبەستی سیاسی نەیارانی کوردی لەبەغدا لەپشت بووە، کەوایە ئەم وەلاتانە بۆچ؟! لەئاست ئەم پرسە گرینگ و حەیاتییە کەمتەرخەمییان نواندووە، لەحالێکدا شاهیدی هەبوونی قەیرانی مالی و کەمی بودجە بۆ دابینکردنی قوتی ژیانی خەلکی کوردستانن، ئایا چ حیکمەتێکی نەزانراۆ لەم بێ مشوورییەی یارانی کورد دا، لەئارادایە/وبووە.}

^{لێرەدا بزووتنەوەی کۆماریخوازان دەگەل ئاراستەکردنی سەرخۆشی لە بنەمالەی کووژراوان و هێواخوازی بۆ چاکبوونەوەی بریندارەکان، بە پێویستی دەزانێ، روو لە لایەنەکانی حیزبی، رەۆشنبیران، کەسایەتیە سیاسی، کۆمەلایەتی و ئاینیەکان، و گشت ئەۆ کەس و کەسایەتیانەی کە دلیان بۆ ئاشتی و ئازادی، وە پاراستنی ئازموونی دەسەلاتداری هەرێمی کوردستان لێدەدات، دەکات و رادەگەێنێت: کە بارودۆخی هەنووکەیی زۆر هەستیارە و ئەم دۆخەش پێویستی بە هوشیاری لەرادەبەدەر بۆ بەرپرچدانەوەی هەرشەکان و قۆستنەوەی دەرفەتەکان هەیە، بۆیە لەم پەیوەندیەدا بزووتنەوە داوای لە گشت لایەک ئەوەیە، کە بە مەبەستی مشارەکەت و دەخیل کردنی لایەنەکان و خەلکی کوردستان، لە پرۆسێسی "سازانی نیشتیمانی"، مشاوەرە و بریاروەرگرتنی سیاسی لەئاست هەرپرسێک کە پەیوەندی بە چارەنووسی خۆیان وخەلکەوە هەیە، بێ‌تەفاوەت و پاسیڤ دانەنیشن و بۆ قۆستنەوەی دەرفەتەکان لەپێناۆ دەستخستن و چەسپاندنی مافە رەواکانی هاۆەلاتیان، بە دوور لە شەرم و تەعاروفات و خۆدزینەوە، قۆلی هیمەت و هەلمەت هەلمالن و چالاکانە هەلس‌وکەۆت بکەن، و هەلویست وەربگرن و نەهێلن لەژێرکارتێکەری پاشماوەکانی کولتوری شەری براکوژی و بەرۆژکرنەوەی گووتار وکردەوەی گرژ و رادیکالی و پەیرەۆکردنی سیاسەتی تەسەسولیی "تۆلەی دوای تۆلە" دیسان شاهیدی خوولقاندنی درامای شەری براکووژی بینەوە و یاران دلگەران و گریان، بەلام نەیاران خەندان و دلخۆش بکەیین. بزووتنەوە پێوایە پێویستە وە دەبێ گشت لایەک بەرپرسانە خاوەنداریەتی لە چارەنووس و کەیسی کورد بکات، و لەم پەیوەندییەدا هەۆلی بەتێکرابدرێت تاکوو بە رەخساندنی زەمینەی گوونجاۆ بۆ مشارکەتی گشت لایەنی، کۆنسێپتگەلی دیالۆگ و دانوستاندنی ئاشتەوایی لە پێناۆ ساغکردنەوەی ئیجماعی نێوانحیزبی و چەسپاندنی ئەسلی سازانی نیشتیمانی، دووبارە جێگیر و زەق و بەرجەستە بکرێنەوە،و لە ئەنجامی "سازانی نیشتیمانی" گشت پرسە قەیران خوولقێنەرەکانی سیاسی، ئابووری و کۆمەلایەتی و،،،،،،،،، چارەسەر بکرێن، و سەرئەنجام هەموولایکمان شاهیدی دەربازبوون لە گشت گرفت و قەیرانەکانی هەنووکەیی بین، کە بوونەتە هەرشە لەسەر تەندروستی ژیانی سیاسی و لێکەۆتە گشت رەهەندیی و سەلبییەکانی، خەلکی کوردستان.}

^{بژی کورد و کوردستان}

^{شورای هەماهەنگی/ بزوتنەوەی کۆماریخوازی رۆژهەلاتی کوردستان}

^{١١/١٠/٢٠١٥}