بێرون عومەر فەتاح

^{… دەوڵەتی تورکیا مێژوویەکی دورودرێژی ھەیە لەشەڕو کوشتارو چەوساندنەوەو قەتڵوعامکردنی گەلی کورد لەمێژووی تورکیای نوێدا نزیکە ی سەدساڵێک دەبێت و پاشخانی مێژوویی دەوڵەتی عوسمانیشی بخرێتە سەر لە و مێژوە درێژەدا ھەموو شێوازەکانی چەوساندنەوەوکۆمەڵکوژی و ڕاگواستن و لەناوبردن تاقیکرایەوە لە پێناوی لەڕەگەوە دەرھێنانی بنج وبێخی نەتەوەیەک . گەرچی کوردستان وێرانکرا، ڕۆڵەکانی کوردستان قەتڵوعامکران ھاونیشتمانیەکانی ڕاگوێزران و ئاوارە و دەربەدەرکران . بەڵام گەلی کورد، نەتەوەو خاکی کورد زمان و جل وبەرگ و عادات و تەقالیدی کورد ھەر بە پیرۆزی مایەوە ھەر بە زیندوێتی و نەمری مایەوە . دە وڵەتی تورکیاش بە کۆن ونوێیەوە ھەمیشە لەباری نائاسایی (سیاسی و ئەمنی و سەربازی و ئابووری و کۆمەڵایەتیدا ) بووە ھەمیشە لەژێرباری ھەژاری و بێکاری و بێئیمکانیەتی دابووە . کەواتە دەبێت ئەزموون لەومێژووە پڕجەورو ستەمە وەربگرێت و سود لەگۆڕانکاریە خێراکانی دونیاو ناوچەکە وەربگرێت لە پێناوی ئارامی و ئاسایش و پێشکەوتنی وڵاتەکەی.}

^{دەبێت باش ئەزمونی تاڵی شەڕی سەد ساڵەی کورد ھەڵبسەنگێنێت وبەراوردی بکات بەو چەند ساڵە کەمەی ئاشتی و ئاگربڕی نێوان دەوڵەتەکەیان و کورد و پارتی کرێکارانی کوردستان .ھەرچەندە ھەوڵەکانی بەناو چارەسەری ئەگەر لە کەشێکی تاکتیکیشدا بوبێت دەوڵەتی تورکیا زۆر سودمەندبوو لە ھەموو بوارەکانی ژیاری دەوڵەتدا بەتایبەتی لە ڕووی ئابووری و ئەمنی و کۆمەڵایەتیەوە .}

^{بەڵام ئێستاو لەم دۆخەدا کە ڕۆژھەڵاتی ناوەڕاست بەگشتی و ناوچەکە بەتایبەتی لەبەردەم گەردەلولێکی بەھێزی شەڕدایە بە چ پاساوێک تورکیا (پەکەکە دێنێتە پای شەڕو گێچەڵی سیاسی بە ھەدەپە دەکات و ئیمرالی کپ دەکات ) ئەوانەش ھۆکاری داخستنی دەروازەکانی ئاشتی و چارەسەرین و کەڕەنا لێدانی جەنگێکی تری ترسناکە کە ئەنجامەکەی ڕون و ئاشکرایە و ھیچ لایەک لە ناوناچێت . یان ئەو سیناریۆیەی کە زلھێزەکان دایانناوە ھەردەبێت جێ بەجێ ببێت و ڕەسمی ڕۆژھەڵاتی ناوەڕاستی نوێ . نوێ بکرێتەوەو تورکیاش بەدەر نیە لە وسیناریۆیە . چونکە جگە لەکێشەی کورد تورکیا دەیان کێشەی ناوخۆیی تری ھەیە و باڵ وجەمسەری بەھێزی ناوخۆیی و خاوەن لۆبی دەرەوەیی بونیان ھەیەو وەک کارەکتەری بەھێز خۆیاندەنوێنن .}

^{بەردەوامبوونی دۆخەکە بە وشێوەیە و لێکترازانی شەقام و نەتەوەو مەزھەبەکان کۆنترۆڵی زۆر سەخت دەبێت . بۆیە پێویستە تورکیا ئاشتی نەگۆڕێتەوە بە شە ڕ… بە ئە زموون وەرگرتن لە سەد ساڵ شەڕی ڕابردوو وە چەند ساڵێکی کەمی ئاگربڕو ئاشتی .}

^4/8/2015