بێرون عومەر فەتاح

^{بەوپێیەی ڕۆژھەڵاتی ناوەڕاست لە بەردەم گەردەلولی شەڕێکی بەھێزدایە و زۆربەی وڵاتانی ناوچەکەی گرتۆتەوە کوردستانیش بەدەر نیە لە و شەڕ و مەترسیانە و تا ئێستا بەردەوامە و ئەنجامەکەشی دیار نیە لەبەر ئەو ھۆکارانەی کە ئەو شەڕە چارەنوس سازە .پێویستە کوردخۆی بۆ دوای نیشتنەوەی دوکەڵ وتەپو تۆزی شەڕەکە ئامادە بکات ھەوڵ بدات دەسکەوتی گەورەی نەتەوەی دەست بکەوێت .} لەلایەکی تر حکومەتی عێراق بە شێوازێکی تر شەڕی لەگەڵ ھەرێمی کوردستان ڕاگەیاندووە لە شێوەی شەڕی دەرونی و دەستپێکی ئەو شەڕەش بڕینی موچەی خەڵک و میزانییەی حکومەتی ھەرێم و بوارە خزمەتگوزاریەکان. ئەم جۆرە شەڕەی حکومەتی بەغداد بە مەبەستی لاواز کردن و بێ ھێزکردنی ھەرێمی کوردستانە کە لە ئایندەدا بتوانێت سیاسەتەکانی خۆی بەسەر ھەرێمی کوردستاندا بسەپێنێت کە لە ڕاستیدا دەبوو ھەردوو حکومەتی ھەرێم و بەغداد بەو پێیەی لە یەک بەرەی شەڕدان پشتیوان و ھاوکاری حکومەتی ھەرێم بوایە و ئەرکە سیاسی و سەربازی و ئابوری ومرۆییەکانی لەسەرشانی ھەرێم سوک بکردایە.

^{بەڵام پیلان و سیناریۆ جۆربەجۆرەکانی بەغداد ھیچی کەمتر نیە لە شەڕێکی نەگریسی دوژمنکارانە .. ھەروەھا قەیرانە ئابوری و خزمەت گوزاریەکانی ناوخۆ بە شێوەیەکی بەردەوام و ھێندەی تر و ڕۆژ لە دوای ڕۆژ جەماوەر و خەڵکی کوردستان ھیلاک تر دەکات .. لەسەر دەسەڵات و حزبە دەسەڵاتدارەکان پێویستە بیر لە ڕێگا چارەی بەپەلە بکەنەوە بۆ چارەسەرکردنی ئەو قەیرانانە بەڵام لە ھەمان کاتدا قەیرانی سیاسی و دەستوری و حزبیش ھاتە سەر قەیرانەکانی تر .}

^{کەواتە مەترسیەکان لەسەر گەلی کوردستان زیاتر دەبێت بە پێی ھەموو پێوەرەکان و شەڕی ناوچەی و ھەرێمی و کێشەو قەیرانە ناوخۆیەکان ھەرێمی کوردستان لە بەردەم مەترسی گەورەدایە ھەربۆیە لە ڕوانگەی ھەست بە بەرپرسیارێتی کردنی نیشتمانی و نەتەوەیی و مێژووی.}

^{دەبیت ھەموو لایەک ھەوڵەکان بە ئاراستەی چارەسەری کێشەکان و پێش خستنی بەرژەوەندیە باڵاکانی گەلی کوردستان بێت .بۆ ئەو مەبەستەش سازان و سازشی دەوێت سازان و گونجان لەسەر پرسە جیا جیا کان و یەکتر خوێندنەوە و یەکتر قبوڵ کردن و سازش لەپێناوی چەسپاندنی سازانی نیشتمانی بە لەبەرچاوگرتنی ھەموو ئەو مەترسیانەی لەسەر خاک و گەلی کوردستان ھەیە بەلەبەرچاو گرتنی ھەموو قەیرانە ناوخۆییە وەڕسکەرەکانی ژیان وباری گوزەران و پێداویستیە سەرەتاییەکانی خەڵک چونکە بەرپرسیارێتی گەورە لەسەر شانی ھەموو لایەکە و سەرکەوتنی وڵاتەکەمان لە ھەر دەستکەوتێکی تر گرنگترە ….}

^basnews

^1/7/2015