هاۆنیشتمانە بەرێزەکان

خەلکی خۆراگر و مافخوازی کوردستان

^{هەروەکی بینرا دوای چەندین مانگ شەری مقاومەت و خەبات، وە خۆراگری و قارەمانیەتی یەکینەکانی "ی پ گ"، و "ی پ ژ"، و بەشداری پێشمەرگە قارەمانەکانی کوردستان له بەرەی شەری دژ بە رەش پوشانی جەهل و نادانی کە بەشێوەیەکی درندانە وە لە ژێر ناۆیی ئیسلام‌دا، جینایەتی دژ بە مرۆفایەتیان خوولقاند و بوون بە هۆی وێرانی و کاۆلکاری شار و گووندەکان و قەتل و عامی بە کۆمەل و شەهید و بریندارکردنی هەزاران کەس لە خەلکی بێدەرەتانی کوردستان، سەرئەنجام دوای ١٣٣ رۆژ مقاومەتی جانانە بە هۆی زەبری پۆلاینی گیان لەسەردەستەکانی کوردستان، توانرا هێزی حەق و ئاشتی و ئاشتەوایی کوردان، بەسەر هێزی نگریسی و جەهەنەمی داعەش و داعەشەکان‌دا سەرکەۆتن دەستەبەر بکات و مژدەی رزگارکردن و سرینەوەی شاری کۆبانی لە هێزی جەهەنەمی داعش بە خەلکی کوردستان و گشت ئاشتیخوازانی جیهان رابگەێنێ.}

^{شەری مقاومەت و سەئەنجام سەرکەۆتنی هێزەکانی کوردستان بە پالپشتی هێزی ئاسمانی وەلاتانی هاۆپەیمانی دژ بە داعەش، جاریکی دیکه ئەوەیان سەلماند که کورد بۆ پاراستنی بست بە بستی خاک و نیشتیمانەکەی و هەروەها لەپێناۆ دەستەبەرکردنی ئامانج و ئاواتەکانی، له هیچ هێرش و درەندەیی، تاوانکاری و تالانکاریەک سل ناکاتەوه و هاۆدەنگ و هاۆهەنگاۆ، وه دەگەل‌یەک و له پشت‌یەک، بەرەۆپێشەوه هەنگاۆیی چارەنووسساز هەلدێنێ.}

^{شەری داسەپاۆیی داعەش دژ بە کوردان، دەگەل ئەوەش کوردستان و کوردی تووشی وێرانی و قەتل و عام و شەهید و بریندارکردنی هەزاران کەسی بێ دەرەتان کرد، بەلام لەبەرمبەریشدا، خێری ئەم شەرە ئەوە بوو کە خەۆنی مێژوویی یەکانگیری و یەکگرتنی ریزەکانی کوردی لەسەر عەرزی واقیع و دژ بە نەیاران و دووژمنان وەدی هێنا، بۆیە له مەۆدوا کورد دەتوانێ ئیدعا بکات کە: نەک چیا و شاخ و دەشت و پێدەشتەکانی کوردستان دوستی دیرینه و لەمێژینەی کوردانن، بەلکوو ئێستا زۆر لە وەلاتانی جیهانی کە بۆ دروستکردنی پەیوەندی دوستانە دەگەل کوردان، لەیەکتر سیبقەت دەگرن و بەفەرمی رادەگەیەنن کە له تەنیشت داوا رەواکانی کوردن، دۆستی کورد و کوردستانن.}

^{بەلێ کوبانی به هۆی هەۆل و ماندوبوونی زۆر له هەوالانی "ی پ گ" و "ی پ ژ"  و پێشمەرگەکانی کوردستان رزگارکرا، بۆیە بزووتنەوەی کۆماریخوازی رۆژهەلاتی کوردستان، بە بۆنەی رزگار بوونی کوبانی روو لە سەرۆکی هەرێمی کوردستان، لە شەرڤانان و پێشمەرگە و هیزی پیشتیوان، وە له گشت ئەۆ خەلکانەی له دور و نزیکەوە شار و وەلاتەکەیان پاراستوه، وە یان بەشێوەیەک لە شێوەکان پشتیوانیان لیکردون، پیرۆزبایی ئاراستە دەکات و هێواخوازە رزگاربوونی کۆبانی ببێتە هەوێنێ دروستبوونی ئیرادەیەکی پۆلاینی کوردان، لەپێناۆ رزگاری هەموو خاکی کوردستان لە ووجودی داعش و داعشەکان.}

^{بزووتنەوەی کۆماریخوازانی رۆژهەلاتی کوردستان، دەگەل ئاراستەکردنی سلاۆ لە گیانی پاکی گشت ئەۆ پێشمەرگه و شەرڤان و قارەمان و خۆبەخت کراوانەی، کە له سەنگەری شەری دژ بە داعش‌دا گیانیان لەپێناۆ پاراستنی خاک و نیشتمان‌دا بەخت کردووە، هاۆدەردی و هاۆخەمی خۆی دەگەل گشت کەس و کاری شەهیدان رادەگەیەنێ و هیوای لەشساغی و جێگیربوونەوەی تەندروستی بۆ گشت برینداربووانی بەرەکانی شەر دەخوازێ، و هەرئاواش هێواخوازە خۆێنی شەهیدان و ماندووبوونی هەموو تێکۆشەرو ئازادیخوازان، ببێتە هەوێنی دروستکردنی ئایەندەیەکی گەش و زیرین و درەۆشاوە، بۆ نەتەوەی کورد و خاک و نیشتیمانی کوردان.}

^{به هیوای رزگارکردن و سرینەوەی هەموو ناۆچەکانی دیکە لە ووجودی هێزی ئەریمەنی داعش،}

^{سەرکەوێ خەبات و خۆراگری شەرڤانان و هەموو هێزی پێشمەرگەی کوردستان.}

 ^{دیسانیش پیرۆزبایی لەگشت خەلکی کوردستان و خەلکی خوراگری و گیانبازی کوبانی و سەرجەم هەڤالان دەکەیین. به هیوای مزگێنی گەشتر و شادتر له ئایەندەیەکی نزیکدا.}

^{شوورای هەماهەنگی بزووتنەوەی کۆماریخوازانی روژهەلاتی کوردستان}

^28/01/2015