ئارامی حەمەی مینا 

^{بەگوێرەی ئەو زانیاریانەی کە دەست چاودێرانی سیاسی وناوەندەکانی هەواڵ و میدیاکان کەوتون،هەنگاوە سەرەتاییەکانی دروستکردنی کانتۆنی شەنگال،لەلایەن پارتی کرێکارانی کوردستانەوە،بە هەڵبژاردنی ئەنجومەنێک لەبەشێک لەخەڵکی ستەمدیدەی شەنگال وردە ،وردە ئەو گومانە ی تۆخترکردەوە لەهەمبەرپراکتیزە کردنی ئەو مەیلەی پارتی کرێکاران، بۆ دروستکردنی ئەو کانتۆنە،هەرزوش ئەو هەنگاوە کاردانەوەی فەرمی پارتی دیموکراتی کوردستان و سەرۆکایەتی ئەنجومەنی وەزیران و فراکسیۆنی زەردی لە پارلەمانی کوردستاندا،بەدوای خۆیدا هێنا..
دروستکردنی کانتۆنی شەنگال و دابرینی لە روی ئیداری و سیاسی و یاساییەوە لە هەرێمی کوردستان، وێرای ئەوەی دەستوەردانێکی ناشەرعیە لە کاروباری ناوخۆی باشوری کوردستان کە خاوەنی دامو دەزگای یاسایی و دەستوری وحوکمرانی خۆیەتی،هاوکات هەوڵێکیشە بەئاراستەی دابەشکردنی خاکی باشوری کوردستان و بیرخستنەوەو گەراندنەوەی گەلەکەمانە بۆ ئەزمونە تاڵ و تفتەکەی سەردەمی زۆنی سەوز و زۆنی زەرد،دابەشکردنێکی دیکەی سیاسیانەی خاک و خەڵکی کوردستانە لەم بەشەی وڵاتەکەماندا،کە بەرای بەندە ئەم مەسەلەیە وێرای ئەوەی قوڵاییەکی دیکەی هەیە و ریشاڵەکانی ئەم باندۆرە سنورەکانی هەرێمی کوردستانی تێپەراندوە،بەڵکو جگە لە دروستکردنی بارگرژیەکی دیکە و قوڵترکردنەوەی کێسەکان،ناتوانێت هیچ خزمەتێکی بەرچاو بە دۆزی گەلی ئێمە بکات لەشەنگالی برینداردا،بۆیە وا جاوەرواندەکرا کە هەڤاڵانی (پ.ک.ک) قوڵتر و ورد تر سەرنجی بارودۆخەکەو مەترسی و پیلانگێریەکانی سەرهەریمی کوردستان بدەن و هاوکات قوڵتر و ستراتیژی تر کەش و هەوای سیاسی هەریم و ناوچەکە بخوێننەوە ولەو راستیە تێبگەن کە دەست بردن بۆ بژاردەیەکی وا،بە بێ خوێندنەوە و حسابکردن بۆ جەمسەرە ئیقلیمیەکانی یارییەکە،کارێکی نالۆژیکی و ریسکێکی مەترسیداریشە بە خەڵک و خاکی کوردستانەوە بەگشتی و سپاردنی چاەرەنوسی خوشک و برایانی ئیزدیشمانە بە تراژیدیایەکی مەترسیدارتر،چونکە نەک هەر لە هەناودا ئەو پێکهاتە رەسەنەی کوردستان دابەش دەکات بەسەر جەند بەرەیەکی دژبەیەکدا،هاوکات دوچاری چارەنوسێکی کارەساتبارتری لە هاوشێوەی کۆبانی دەکاتەوە..}

^{بۆیەپێویستە هەمولایەک لە مەترسی ئەو پێنگاڤە بە ئاگا بن ،گرنگە خەڵكی کوردستان بە سەرجەم کەرتە کۆمەڵایەتی و سیاسیەکانیەوە،بە میدیای حزبی و ئەهلیەوە، هەتا دەگاتە رێکخراوەکانی کۆمەڵگای مەدەنی،ئەم هەنگاوە پرۆتستۆ بکەن و ئەو پەیامە بگەیەنن کە لەژێر هیچ هەنجەت و بیانویەکدا رێگە نادەن،ئەمجارەیان لەسەردەستی هێزێکی سیاسی کوردستانی بەشێکی دیکە لە جەستەی نیشتمانەکەمان داببرێت...}

^{بێگومان کەس ناتوانێت نکۆڵی لە رۆڵی قارەمانانەی هەڤاڵانی پارتی کرێکارانی کوردستان و شەرڤانە گیان لەسەردەستەکانیان بکات،لە شەری پایزگاری لە هەرێمی کوردستان و ئەزمونەکەیدا،هەمو لایەک شاهێدی جوامێری و خۆنەویستی و قوربانیدانەکانیانین و هەر ئەوەش چاوەرێ دەکرێت لەو هێزە نیشتمان پەروەرە و دەزانین لەم پێناوەدا پۆل پۆل کجان و کورانی عەگید و میرخاسی خۆیان کردە نەزری ئازدی وکۆچی قوربانی پاراستنی دەسکەوتەکانی خەڵکی کوردستان،لەمروەوە پارتی کرێکارانی کوردستان،مەڵۆیەکی دیکەی خستە سەر خەرمانی مێژوی پراوپر لە شکۆو شانازی خۆیان و میللەتەکەمان،لێ ناکرێت ئەو هەمو خوێن وئازارو مەینەتیەی بەسەر خەڵکی بەشەرەفی شنگال و دەوروبەریدا هاتوە،بەم شێوازە بکرێتە پێخۆری ئیستیسماری حزبی و سیاسی،سەرەنجام لەپەنا دۆخی ئاڵۆزی دەڤەرەکدا،ئاڵۆزیەکی دیکە وئاریشەیەکی دیکەش ،وێرای کێشەو بێشەکانی تر،بۆ خەڵکی ناوچەکە وخەڵکی کوردستان وحکومەتەکەی،بکرێتە سەربار، بەڵکو لەوەها ساتەوەختێکدابەرپرسیاریەتی نیشتیمانی و نەتەوەیی و تەنانەت ئەخلاقی لە هەمو لایەک وادەخوازێت کە هەمو هەوڵ و تواناکانمان بخەینە گەر بۆ سارێژکردنی ئەو زامە بەسوێیەی کە تاریکپەرستانی داعش لە جەستەی نەتەوەیماندا خوڵقاندویانە سەرجەم تواناکانمان بخەینە گەر بۆ ئازدکردنەوەی شەنگال و گەراندنەوەی بۆ باوەشی هەرێمی کوردستان،ئەمەش بە یەکێتی و یەکگرتویی و تەبایی نێوان هیزو لایەنەسیاسیەکانی کوردستان نەبێت،نایەتە دی....!}

^{ئارامی حەمەی مینا}

^18/1/2015