^{بەیاننامەی کۆمەڵەی منداڵانی کورد / لە نەرویج}

^{هەموومان شەنگالین و .. هەموومان پێشمەرگەین}

^{ئەو تاوانانە بێ وێنانەی کە جاشە ئیسلامییە کۆنەپەرست و بەکرێگیراوەکانی ( داعش )
لە دژی برایانی کوردی ئێزیدیمان لە قەزای شەنگال ئەنجامیان دا، ئەوە دەگەیەنێت کە ئەم دڕندە بێ ڕەوشتە خوێنڕێژانە، تا سەر ئێسقان دژی گەلی کورد و دژی هەموو ئاین و باوەڕێکی ترن .. بە پێی راگەیاندنی بەڕێوەبەرینووسینگەی  رێکخراوی نەتەوە یەکگرتووەکان ( نیکۆلای مەدیۆنۆف )لە عێراقدا .. تاێستا ئەم تیرۆریستە دڕندانە ( ١٧٣٧) کوردی ئێزیدییانکوشتووە، کە زۆربەیان مێردمنداڵ و لاون، تەنها لەبەر ئەوەی کە کوردن و ئێزیدین .. ( ٩٧٨) کەسیشیان بریندار بوونە .. ئەم بێ رەوشتانە زیاتر لە ( ٥٠٠) کچ و ژنی ئێزیدیشیان گرتووە و بە دەستکەوتی جەنگی دەزانن . زیاتر لە ( ٧٠ ) منداڵیش لە چیای شەنگال لە توینێتی و لە برسێتی و لە ترسا مردن .. زیاتر لە ( ٢٠٠٠٠٠) هەزار کوردی ئێزیدی رویان لە شارەکانی باشوور و رۆژئاوا و باکووری کوردستان کردووە .. کە لە بارودۆخێکی جەستەیی و دەروونی زور خراپ دان .. رەشەکوژی و گرتنی ژنانی برا ئێزیدییەکانمان توان و ئەنفالێکی ترە .. کە جاشە ئیسلامییە تیرۆریستەکان لە ژێر ئاڵای رەشی ( لا الاە الا اللە)دا ئەنجامیان دا.. ئەم بەکرێگیراوانە هەڵگری پەیامێکی رەگەزپەرستی بۆگەنن، پەیامی( ذات رسالة فاسدە ) بەڵی پەیامەکەیان، کوشتن و سەربڕین و دزی و جەردەیی و کاول کردن و بەدرەوشتی و فەسادی و ئابڕووبردنە.. ئەم کۆنەپەرستانە  دژی شارستانیەت و پێشکەونن و ئاوەدانین، دژی هەموو بەها پیرۆزەکانن، دژی شوێنەوار و بەڵگە مێژووییەکانی هەوڵ و کۆششی ساڵەهای ساڵی مرۆڤن، چونکە ئەمانە مرۆڤ نین و لە هەموو بەها و رەوشتێکی مرۆڤایەتی و ویژدان و بەزەیی بەدەرن، ئەمانە پێشێلی مافەکانی ئافرەتانیان کردووە وەکو کۆیلە لە ئافرەت دەڕوانن .. پێشێلی مافەکانی منداڵانیان کردووە و،  بە زۆر چەک دەدەنە دەستی منداڵ و مێردمنداڵان و دەیانخەنە ناو ئاگری شەڕەوە .. ئەمانە لە ژێر پەردەی ئایینی ئیسلامدا، گەلێ مەبەستی تری گڵاویان هەیە، مەبەستیان کوشتنی کوردی بێ تاوانان و داگیرکردن خاکی کوردستان و تاڵان کردنی سامانێتی .. بەداخەوە تا ئێستاکە نە دەوڵەتێکی ئیسلامی و نە دەوڵەتێکی عەرەبی،کەمترین شت، تەزوو بە ویژدانیاندا نەهاتووە بەرانبەر بەم تاوانانەی دەرهەق بە گەلی کوردی ئاشتیخواز و ئازادیخواز دەکرێت .. بەڵام دەوڵەتانی وەک فەرەنسا و بەریتانیا و ئەمریکا و فاتیکان بە فەرمی ناڕەزایی و نیگەرانی خۆیان بەرانبەر بەم تاوانانەی کە لە برایانی کوردی ئێزیدیمانکران دەربڕی و .. پشتیوانی خۆیان بۆ گەلی کوردمان راگەیاند .}

^{شەنگالی بریندار .. ئەی شاری بە ناهەق شەهید کراو .. برینی قووڵ و ئازاری رۆڵەکانت .. برین و ئازاری هەموو کوردێکە.. لە ئەمڕۆدا هەموومان شەنگالین .. شەنگال تۆ کوردت یەکخست . تۆ ریزی هەموو پێشمەرگە و گریلا قارەمانەکانی  کوردستانت رێکخست و یەکخست  .. دڵنیابە بە تەنیا نیت، لە کوردستان و هەندەراندا هەموو کوردێک ، لە منداڵەوە بۆ گەورە لەگەڵتانین،  تا نەگەڕێنەوە باوەشی شەنگالی شەهید، زیدی هەزاران ساڵەتان ئۆقرە ناگرین .. دڵنیابن کەبرا و خوشکە پێشمەرگە دلێرەکانتان، ناسرەون، بە زووترین کات شەنگال لەم شەمشەمە کوێرانە رزگار دەکەن و ئێوە دەگەڕێنەوە بۆ شەنگال و .. شەنگال و هەموو شوێنە داگیرکراوەکانی تریش لەدوژمنانی کورد پاک دەکرێنەوە و ، دەگەڕێنەوە بۆ باوەشی کوردستان .}

^{ئەی پێشمەرگە قارەمانە گیان لەسەردەستەکانیکوردستان .. دەستیان لێ مەپارێزن و ئەم زۆڵە ئیسلامیانە بکەن بە پەندی زەمانە، گورزێکی وەهایان لێ بدەن کە هەرگیز لە بیریان نەچێتەوە .. سنووری کوردستانی پیرۆزمان بکەن بە گۆڕستانیان ..ئەمڕۆ ئێمە هەموومان پێشمەرگەین و لە گەڵتانین .. هەمیشە دڵمان لەلاتانە و، چاوەڕێی مژدەی سەرکەوتنی مەزنتانین ..ئەی هەولێری هۆلاکۆ بەزێن .. ئەی سلێمانی هەڵمەت و قوربانی .. کەرکوک ی گڕو گڵپە .. دهۆکی رەنگین .. هەڵەبجەی شەهید .. تەنها نین گوێتان لێیە، وا خوشک و براکانمان لە ئامەد .. لە مەهاباد .. لە قامیشلی لە هەموو شوێنێکی کوردستانی شیرین هاواردەکەن .. لە گەڵتانین .. هەموومان آەنگالین و پێشمەرگەین .. کوردستان یەک کوردستانە و، کوردیش یەک گەلە .. چارەنووسی هەمووشمان یەک چارەنووسە .}

^{خوشک و برایانی دڵسۆز و کورد و کوردستان پەروەر، ئەمڕۆ باشوور ورۆژئاوای کوردستان رووبەڕووی دڕندەترین هێڕش بۆنەتەوە .. لە شەڕێکی دەستەویەخەی چارەنووسازداین .. پێویستە زۆر وریا وئاگاداربین، پیلانێکی ئاشکرا و نهێنی لە دژی گەلی کوردمان جێبەجێ دەکرێت .. دەبێ ئەوە بزانین کە دەستانێکی چەپەڵ لە پشت داعشەوەیە .. بەڵام ئێمەی کورد قاڵەوەبووی خەبات و خۆڕاگرین .. هەرگیز کۆڵنادەین و لە خۆبەختکردن و قوربانیدان لە پێناوی کوردستانیپیرۆزدا،سڵمان لە دوژمنان و داگیرکەران نەکردۆتەوە .. رووح و بە گیانمانلە رێی ئازادی و رزگاری دا بەخشیوە .. ( کوردستان یا نەمان ) مان کردووە بە دروشمی هەمیشەیآۆڕشەکان و خەباتمان .. خوشک و برایانی کوردی دڵسۆز، یەکگرن .. تەنها و تەنها بە یەکێتی و بە یەکڕیزی و بە یەکڕەنگی و بە یەکدەنگی و بە یەکهەڵوێستی و بە یەکهێزی .. ئێمەی کورد دەتوانین سەربکەوین و .. ئەم پیلانە گڵاوە و هەموو پیلان و نەخشەداڕێژراوەکانی ناحەزانی کورد و کوردستان لەباربەرین .. ئەمڕۆ رۆژی کوردایەتی و مەردایەتییە .. رۆژی هیمەت و غیرەتە .. رۆژی هەستانە بە ئەرکە نەتەوایەتییە پیرۆزەکانی ئەستۆمان بەرانبەر بە کورد و کوردستان .. دڵنیابین کورد ەورگیز نابەزێت و سەردەکەوێت .
قەت مەڵـێن دوژمن بەهێزە تـۆپ و تەیــارەی هەیە
گەر ئیتیفاقـتان هــەبێ زۆر زەحمەتە خۆی رابگرێ
ئێمەی سەرجەم ئەندامانی ( کۆمەڵەی منداڵانی کورد/ لە نەرویج ) ، بە توندی شەرمەزار و پرۆتستۆی ئەو تاوانە نامرۆییانە دەکەین .. کە لە لایەن داعشی تیرۆریست و رەگەزپەرست و کۆنەپەرست و بەکرێگیراوەوە .. دەرهەق بە برایانی کوردی ئێزیدی و شەبەک و مەسیحییەکانمان .. ئە نجامیان دا .. داواش لە ویژدانی جیهانی و، لە هەموو ئەو رێکخراوانەی کە داکۆکی لە مافەکانی منداڵان و لە ژنان و لە مرۆڤ دەکەن بێدەنگ نەبن و رسوا و شەرمەزاری ئەم تاوانانە بکەن .. رەشەکوژی و ئەنفال کردنی برایانی ئێزیدی کوردمان، تاوانێکە دژ بە مرۆڤایەتی، کارەساتێکی جەرگبڕە، بێ دەنگ بوون لە ئاستی ئەم تاوانانەدا، پشتگیری کردنە لە تاوانباران و لە تاوان .. داواش لە نەتەوە یەکگرتووەکان دەکەین کە بە زوترین کات بڕیارێک دەربکەن و، بە فەرمی رێگری لە دووبارەبوونەوەی تاوانێکی قێزەوەنی وەها، دەرهەق بە گەلی کوردمان دەربکەن .. چونکە داعشی تیرۆریست دژی ئازادی و ئاشتییە .
داواش لە هەموو رێکخراوە کوردییەکانی کوردستان و، وڵاتانی جیهان دەکەین، کە بێدەنگ نەبن و، بە خۆپێشاندانی ناڕەزایی لە دژی ئەم تاوانانە گوزارشت لە رق و ناڕەزایی خۆیان بکەن و .. پاڵپشتی خۆیان بۆ پيشمەرگە و یەکڕیزی کورد دەربڕن .}

^{بژی کورد .. بژی کوردستان
مردن و رسوایی بۆ جاشە ئیسلامییەکان ( داعش ) ی تیرۆریست و کۆنەپەرست}

^{کۆمەڵەی منداڵانی کورد ـ لە نەرویج : 9/8/2014}

^{سایتی " أفکار حرة" کە سایتێکی تۆرانی ی رەگەزپەرستە و، بە زمانی عەرەبی بابەتەکانی بڵاودەکاتەوە .. من بە رەوای نازانم کە پێی بڵێم سایتێکی تورکمانییە، چونکە نووسەرانی ئەم سایتە نوێنەری برا تورکمانەکانمان نین و، ئەمان بە بیری بۆگەنی رەگەزپەرستی ئەتاتورک گۆشکراون .. نزیکەی چوار ساڵە، رۆژانە چاو بە باتە بڵاوکراوەکانی ئەم سایتەدا دەگێڕم .. دەتوانم بڵێم لە سەدا پەنجای بابەتەکانیان لە دژی گەلی کورد و سەرکردەکانی کوردن .. بە مەبەستی زڕاندن و ناشیرین کردنی ناوی کورد، تاکو ئێستا بە دەیان توومەت و بوختان و درۆدەلەسەی بێ بنەما و بێ بەڵگەیان بۆ کورد هەڵبەستووە .. ئەگەرچی کورد وتەنی " دەریا بە دەمی سەگ گڵاو نابێت " . بەڵام لەبەر ئەوەی هەموو ئەم درۆیانە هەڵبەستراون و تەواودوورنلە راستییەوە، بۆیە پێمان ناخۆشەوە و، ناتوانین لێیان بێ دەنگ ببین و وەڵامی پێویستیان نەدەینەوە .. تا ئێستا بە زمانی کوردی و بە عەرەبی وەڵامی چەند بابەتێکیانم داوەتەوە .. وا ئەم جارەش بە کورتی وەڵامی بابەتێکی سایتی " أفکار حرة " دەدەمەوە کە لە رۆژی پێنج شەممەی ( ١/ ٥/  ٢٠١٤)دا، لە ژێر ناونیشانی : ( حقیقە أغرب من الخیال ـ إکتشاف مفاقیسالأکراد في کرکوک و کوردستان ) واتاکەی بە زمانی کوردیمان : ( راستییەکی سەیرتر لە ئەندێشە ـدۆزینەوەی هەڵهیێنەرانی( مەفقەسەکانی ) ی کوردەکان لە کەرکوک و کوردستان ) .. کە بە ناوی ( غازي عزیزە ) ەوە بڵاوکراوەتەوە .. گوایە ئەم غازي ناوە وەکو لەم نووسینەدا هاتووە، لە ساڵی ( ١٩٥٠) لە سلێمانی لە دایک بووە ، نە عەرەبە و نە کوردە و نە تورکمانیشە، مەبەستی ئەوەیە کە فەلەیە: " علما إنني لست عربیا أو کردیا أو ترکمانیا .. " .. ئەوەی ئەم سایتەی بەسەرکردبێتەوە، باش ئەم راستییە دەزانێت، کە " موقع أفکار حرة " تا ئێستا بە دەیان نووسینی لە دژی کورد بە ناو و نازناوێکی کوردییەوە یا عەرەبییەوە بڵاوکردۆتەوە، بۆیە ئەم ( غازي عزیزە) یەش، درۆزنەناوە و، ناوێکی هەڵبەستراوەی و ناراستی ئەم سایتەیە و .. مەبەستی لەوەی کە لە سلێمانی لە دایک بووە ئاشکرایە کەچییە ، پێیان ئەو خورمایانەی ئێوە خوردووتانە، ناوکەکانیان لە گیرفانی ئێمدان و ، نیازی ناپاکیتان روون و ئاشکرایە .. ئەمەو لە سەرەتاشەوە بە رەگەزپەرستەکانی ئەم سایتە دەڵێین کە پارێزگای كەرکوک، پارێزگایەکی کوردستانییە .. زووبێت یا درەنگ .. بە خۆشی بێت یا بە ناخۆشی .. بە دڵنیاییەوە  دەیگەڕینینەوە بۆ باوەشی کوردستانی نیشتمانمان، هەرگیز هیچ کوردێکیدڵسۆز سازشت لەسەر کەرکوک ناکات .. کەرکوک کێشەی سەرکی کوردە لە باشووری کوردستاندا .. تا کەرکوکیش نەگەڕێتەوە باوەشی کوردستان، ئازادی و دیموکراتی و ئاشتی و ئاساییش و سەقامگیری لە عێراقدا بەرقەرار نابێت.}   

^{بڕوانن کە ئەم سایتە، چ بوختانێکی ناڕەوا و بێ بنەمای بۆ ئێمەی کورد هەڵبەستیوە : " فقد عمد الأخوة الأکراد علی تطبیق أسلوب لم یخطر علی بال أذکی وأدهی فطاحل ومفکری وساسة الصهاینە،اللذین قاموا ببناء المستوطنات في المدن والقری الفلسطینیة العربیة و أسکنوا الیهود الوافدین في الدول المختلفة فیها ... " واتاکەی بە کوردی : "برایانی کورد شێوازێکیان گرتۆتەبەر کە بە خەیاڵی زیرەکترین و زۆرزانترین زۆزان و بیرمەند و سیاسەتمەداری سەهیۆنییەکاندا دا نەهاتووە، کە چەند کۆمەڵگانشینێکیان لە شارەکانی فەلەستینییە عەرەبەکاندا دروست کرد و، جوولەکە هاوردووکانی وڵاتانی جیاوازیان لێیان نیشتە جێ کردون، ...هتد " ئەم درۆزنەناوە دڵبۆگەنە، ئێمەی کورد بە سەهیۆنییەکان دەزانێت .. ئەگەر کوێر نیت و ويژدان مردوو نییە و بێ غیرەت نیت .. بۆ ناوی ئەو عەرەبە هاوردانەی پارێزگاکانی باشوور و ناوەڕاستی عێراق ناهێنیت .. کە بە مەبەستی گۆڕین و سەنگەلاکردنی دیموگرافیای نەتەوەیی لەپارێزگای کەرکوکی کوردستانیدا،  بۆ زیادکردنی رێژەی عەرەب، بە هەزاران هەزار خێزانی عەرەبیان لە پارێزگاکانی باشوور و ناوەڕاستی عێراقەوە هێنا بۆ بە عەرەبکردنی پارێزگای کەرکوک وخانەقین و چەندین ناوچەی داگیرکراوی ترمان لە باشووری کوردستاندا، ئەم عەرەبە هاوردانە لەسەر زەوی و زاری کورد دا، نیشتەجێ کران و کوردیان لە زێدی هەزاران هەزار ساڵەی باو و باپیرانیان دەرکرد .. تا ئەمڕۆش بە عەرەبکردنی شاری کەرکوک لەسەر دەستی بەعسییە نەتەوەپەرست و مەزهەبییە نوێیەکان درێژەی هەیە .. چەندین دێی کوردیان داگیرکردووە، چەندین گەڕەکی عەرەب نشینی ناو سەیر و نامۆیان لە ناو شاری کەرکوک و دووز و لەسەر خاکی باشووری کوردستاندا دروستکردووە، کەواتە ئەمانە و ئەو سەهیۆنییانەی أفکار حرة ناویان دەبات چین ؟ خۆ ئەو تاوانانەی شۆڤێنی عەرەبی و دەوڵەتی ئیمپریالیزمی عوسمانی رەگەزپەرست لە کوردیان کرد ..بێ گومان سەهیۆنییەکان دەیەکی ئەو تاوانانەیان دەرهەق بە عەرەبە فەلەستییەکان نەکردوون .! ئەی بۆ ناوی ئەم تاوانانە ناهێنن .. یان( بانێکە و دوو هەوا ).. بڕواناکەم لە لایەنی کەمەوە، تەنها تەزوویەکیش بە لەشتاندا هاتووبێت، دەربارەی جینۆسایدکردنی گەلی کوردی ئازادیخوازمان .. لە ئاستی تاوانی کیمیابارانی هەڵبەجە و کۆمەڵکوژی ئەنفالی بەدناوی بێ وێنە لە جیهانی کۆن و نوێ دا و، و وێرانکردنی نزیکەی پێنج هەزار دێ و شاروچکەی باشووری کوردستانن .. ئەی گەر ویژدانتان هەیە، نازانن لە ناو شاری کەرکوکدا، بە سەدان خانووی کوردیان لە گەڕەکە کوردییەکاندا بە دینامێت تەقاندەوە و، دانیشتووەکانی لە کەرکوکدا دەرکران و، کە تا ئەمڕۆش بەشێکی زۆریان لەبەر بێ جێ و رێی و بێ خانوویی نەگەڕاونەتەوە زێدی هەزاران ساڵەی با وباپیرانیان .. ؟ من وەکو کەرکوکی زادەیەک هەموو ئەمانەم بە چاوی خۆم بی یم .. تا ئێستا نەم بینییەوە و نەبیستووە، ئەگەر لە دڵیشتانەوە نەبێت، بە دەمیش سەرکۆنەی ئەو تاوانانە بکەن کە نازییەکانی عەرەب لە کوردییان کردوون .. بەڵکو بە پێچەوانە بەشێکی زۆرتان کە ببوونەبەعسی بێ شەرمانە ئافەرین و دەستخۆشیتان لە رژێمی بەعسی شۆڤێنی کرد بە ئەنجامدانی ئەم تاوانانەی لە کوردیان کردن.} 

^{بڕواننە ئەم بوختانە گەورە و بێ بنەمایەی بوختانچییە تۆرانییەکان .. ئەم قسە هیچ و پوچ و هەلەق بەلەقانەی " أفکار حرة " : " أما خطة الأکراد الذکیة، فکانت بأصدار الأوامر لمحافظات أقلیمهم الحدیث، بوجوب نقل کافة النساء الکردیات الحوامل وقبل أیام من الموعد المحتمل لولادتهن الی مستشفیات کرکوک أو أقضیتها أو نواحیها لکي تتم عملیة الولادة هناک ویسجل مسقط رأس المولود الکردي في محافظة کرکوک، وتنظم للطفل هویة الأحوال المدنیة في مدیرية الجنسیة والأحوال المدنیة فی کرکوک بغیة زیادة عدد الموطنین الأکراد فیها وبسند رسمي وهو مسقط الرأس ... " واتاکەی بە کوردی : " پلانە زیرەکییەکەی کورد، دەرکردنی فەرمانە بۆ پارێزگاکانی هەرێمە تازەکەیان، کە پێویستە هەموو ژنە کوردە دووگیانەکان بەر لە چەند رۆژێک لە کاتی منداڵ بوونیان، بیان نێرن بۆ نەخۆشخانەکانی کەرکوک یا قەزاکانی یا ناحیەکانی، بۆ ئەوەی لەوێدا منداڵیان ببێت و، شوێنی تۆمارکردنی منداڵە کوردەکە پارێزگای کەرکوک بێت، بۆ منداڵەکەش ناسنامەی باری شارستانی لە بەڕێوەبەرێتی رەگەزنامە و باری شارستانی لە کەرکوک رێک دەخرێت بە مەبەستی زیادکردنی ژمارەی هاوڵاتیانی کوردەکان لێی کە بە بەڵگەیەکی فەرمی دەبێتە شوێنی لە دایک بوونێ .. "}

^{من بە ناوەدرۆزنەی ئەم سایتە دەڵێم گەر کەمێک غیرەت و شەرمتان هەبێت، تەنها یەک بەڵگەتان بۆ ئەم بوختانەتان بنووسیایە و بتان سەلماندایە .. ئەی هەر ئێوەش بەبێ شەرم و شوورەیی ئەو زووڕنایەتان لێ نادا، کە سەرکردەکانی کورد، لە تۆرکیا و ێێران و سوریاوە کوردیان هێناوە و، لە کەرکوکدا نیشتەجێیان کردوون، نەک هەر کورد تەنانەت لە خۆتان زیاتر، کەس بڕوای بەم درۆ شاخ دارانەتان نەکرد و،شەرمەزاری و رووڕەشیتان بۆ مایەوە .. ئێوە درۆیەک بکەن کە ڕێی تێ بچیت .. بەڵام راستییەکەی ئەوەیە کە چاوتان بە زیادبوونی رێژە و ژمارەی کورد لە کەرکوکدا هەڵنایات.}

^{با بێینە سەر ئەم درۆ شاخ دارەی " أفکار حرة " کە ئەقڵی هیچ کەسێک  قبووڵی ناکات و، مایەی پێکەنینیشە : " لاحظت تکرار حوادث وفاة نساء حوامل في العجلات المتجهة من المحفظات الشمالية وأقضیتها ونواحیها وهي تسلک طرقها الوعرة والجبلیة بأتجاه محافظة کرکوک وذلک من جراء الولادة المفاجئة أثناء النقل ونتیجة النزف الدموي الشدید،وفي أغلب الأحیان تٶدي الی وفاة الطفل المولود أیضا، ..." واتاکەی بە کوردی: " تێبینی دووبارەبوونەوەی ئەوەم کرد، رووداوی مردنی ژنانی دووگیان لە نێو ئەو ئۆتۆمبیلانەی کە لە پارێزگاکان و قەزاکان و ناحیەکانی باکووری عێراقەوە، کە رێگا سەخت و شاخاوییەکان دەگرنەبەر و بەرە و پارێزگای کەرکوک دەچن، لە ئەنجامی منداڵ بوونی لەپڕدا لەکاتی گواستنەوە، لە ئەنجامی ئەو خۆێنە زۆرەی لێیان دەڕوات .. هەروەهاش لە زۆر کاتیشدا دەبێتە هۆی مردنی منداڵەکانیان "}

^{دەبی لە قووتووی چ عەتارێکدا درۆی وا هەبێت .. ؟! چ ساویلکەیەک هەیە  کە بڕوا بە درۆیەکی وەها بکات .. ؟ درێژە بە درۆکەیان دەدەن و دەڵێن : " ونظرا لغرابة وتکرار هذە الحوادث فقد أوعزت لأحد ضباط رکن العملیات فی کرکوک ( العقید الرکن مهدي صالح علي ) لتقصي حقیقة وأسباب هذه الوفیات الغریبة ؟ وکانت إجابتە بأن هناک أوامر صدرت من کردستان تنص علی وجوب إرسال السیدة الکردیة الحامل الی کرکوک لوضع ولیدها هناک لغرض تسجیل مسقط رأس الطفل الکردي في کرکوک " واتاکەی بە زمانی کوردی: " لەبەر سەیری و دووبارەبوونەوەی ئەم رووداوانە، داوام لە ئەفسەرێکی روکنی عەمەلیات لە کەرکوک کرد، کە ( سەرهەنگی روکن مەهدی ساڵح عەلی )بوو .. بۆ ئەوەی راستیی ئەم مردنانەم بۆ باس بکات ؟ وەڵامەکەی ئەوەبوو کە لە کوردستاندا بڕیار دەرچوو کە دەقەکەی ئەوەیە : پێویستە ژنی دووگیانی کورد بنێرێت بۆ کەرکوک بۆ ئەوەی لەوێدا منداڵەکەی ببێت، بەو مەبەستەی کە تۆمارکردنی شوێنی لە دایک بوونی منداڵە کوردەلە کەرکوک بێ "}

^{ئەم بوختانەشیان بە دەمی ئەفسەرێکەوە دەکەن، بڕوام وایە،ئەگەرئەم قسەیە وابێت و ئەو ئەفسەرە بزانێت کە ئەم درۆیەیان بە دەمی ئەوەوە هەڵبەستووە، دڵنیام بە درۆیان دەخاتەوە کە ئەو قسەی وای کردووبێت، چونکە ئەوە درۆ وبوختانێکی گەورەو، بڕواپێ نەکراوە،کە بڕیارێکی وا لە کوردستاندا دەرچووبێت .. یا بوونی هەبووبێت .}

^{لە درێژەی قسەکانی ناوەدرۆزنەکەی سایتی " أفکار حرة " دا : " وقدمت حینها تقریرا مفصلا حول الموضوع الی السید رئیس الوزراء الدکتور أیاد علاوي، إقترحت فیه مفاتحة حکومة أقلیم کردستان لألغاء هذە الأوامر التي أدت ویۆدي إستمرار نفاذها أرواح عدد کبیر من نساء وموالید المواطنین الأکراد، إلا إنني لم أحصل علی جواب .. ! بە کوردی : " لەو کاتەدا راپۆرتێکی درێژم نووسی، دامە سەرۆکی وەزیرانی عێراق بەڕێز دکتۆر ئەیاد عەلاوی، کە تێیدا پێشنیاری ئەوەم کردبوو، کە حکومەتی هەرێمی کوردستان بدوێنێ بۆ هەڵوەشاندنەوەی ئەو بڕیارانە، کە درێژەدان بەجێبەجێ کردنی دەبێتە هۆی لە دەستدانی گیانی ژمارەیەکی زۆری ژنان و منداڵانی هاوڵاتیانی کوردەکان، بەڵام من وەڵامم دەست نەکەوت " .. گەر ئەمە راست بێ ـ دڵنیام کە راستیش نییە ـ دیارە دکتۆر ئەیاد عەلاویش بڕوای بە بوختانێکی وا نەبووە، بۆیە هیچ وەڵامێکی نەداوەتەوە.}

^{ئەم سایتە رەگەزپەرستە، بەم زمانی دۆزنەناوەوە، دەڵێت : " حکومەتی کوردستان ئەم کارەی راگرت، بە مەرجێ لە پارێزگاکانی هەرێمی کوردستاندا منداڵیان ببێ، بەڵام دوایی بچن لە نەخۆشخانەکانی  کەرکوکدا پاڵبکەون، تا منداڵەکانیان لەوێدا تۆمار بکرێن .. " کێ هەیە بەم قسە قۆڕ و بێ مانایانە بڕوا بکات .. ؟؟ من بم لە جیاتی حکومەتی کوردستان لەسەر ئەم بوختانانە، لە دادگادا سکاڵا لەسەر ئەم سایتە تۆمار دەکەم.}

^{ئەم درۆزنەناوەی ئەم سایتە، درێژە بەم قسە بێ نرخانەی دەدا و دەڵێت: " هذە الحالات وضحت وکشفت لي بأن عملية تلقیح البیضة من رحم الزوجة الکردیة تجري في حقول التکاثر بمحافظات أربیل والسلیمانیة ودهوک، ولکن تفقیسها وخروج کتکوت الکاکە الی الحیاة تتم في مفاقس (مستشفیات) کرکوک " بە کوردی : " ئەم حاڵەتانە ئەوەی بۆ روون و ئاشکراکردم، کە کرداری پیتاندنی هێلکە لە رەحمی ژنی کورد دا، لە کێڵگە زۆرکردنەکانی پارێزگاکانی هەولێر و سلێمانی و دهۆک ئەنجام دەدرێن، بەڵام هەڵهێنان و دەرچوونی جووجەڵەکانی کاکە بۆ ژیان، لە هەڵهێنەرەکانی ـ مەفقەسەکانی ـ  مەبەستی لە (نەخۆشخانەکانی )کەرکوک تەواو دەبێت "}

^{ئەم سایتە رەگەزپەرستە سووکایەتی بە ژنانی کوردی کەرکوک دەکات و، بە کەروێشک بەراوردی دەکات و، دەڵێ : " وا دیارە ژنە کوردێکی کرکوکی ساڵی هەشت منداڵی دەبێت، کە ئەمە مەحاڵە کەروێشکیش بە درێژایی ژیانی بيبێت "}

^{لە راستیدا، ئەم سایتە چاوی بە گەشەکردنی خێزانی کورد و زیادبوونی ژمارەی کورد لە پارێزگای کەرکوکدا هەڵنایات و، ئیرەیی بە زیادبوونی ژمارە و رێژەی کورد لە کەرکوکدا دەبات .. ترسی خۆیان نەشاردۆتەوە بڕویان کە دوای چوار ساڵی تر، ژمارەی کورد لە کەرکوکدا بگاتە لە (٧٥ ./. ) ی هەموو خەڵکی کەرکوک .. ئەگەرچی ئێستا رێژەی کورد لە کەرکوکدا لەم رێژەیەوە نزیکە .. ئێمە بەم رەگەزپەرستانە دەڵیین .. ترسی ئەوەتان هەبێت و، لە داخان شەق بەرن و .. بە کوێرایی چاوتان .. لەمەوە دوا ژنە کوردە کەرکوکییەکانبڕیاریان داوە هەموو ساڵێک بە سکێ ( دووانە ) بهێنن و،  لە چوار ساڵی داهاتوودا ر ێژەی کورد لە پارێزگای کەرکوکدا لە(٨٠ ./.) ش تێپەڕێنن.}

^{ئەم درۆزنەناوەی سایتی ( أفکار حرة ) ماددەی ( ١٤٠) ی بە ڤایرۆس ناوبردووە و، سووکایەتی بە عەرەب دەکات و بە گەمژەیان دەزانێت کە دەنگیان بۆ دەستووری عێراق داوە .. چەند قسەیەکی بي ماناشی بۆ تێکدانی نێوان کورد و عەرەب نووسیوە .. بەڵام ئەم گەمژە ساوێلکەیە ئەوە نازانێت کە دۆستایەتی کورد و عەرەب کۆنە و، بەم قسە هەڵبەستراو و پڕوپوچانە لەکەدار نابێت.}

^{ئەم درۆزنەناوە گەلحۆیە درێژە بە قسە بێ سەر و بنەکانی دەدات و دەڵێت : " تحلیلي الشخصي حول هذە الزیادة وسرعة التکاثر السکاني الکردي خلال العقدین السابقین هو في إحتمالین لا ثالث لهما، الأول : هو إصابة نساء ورجال العرب والترکمان والأقلیات الأخری بالعقم ؟ والأحتمال الثاني هو : بسبب توطین ومنح الجنسیة العراقیة لأ‌کرادترکیا وسوریا وإیران، مع نقل البیوض التي تلقح في حقول تکاثر تلک الدول وتفقیسها في مفاقس کرکوک وکردستان العراق " واتاکەی بە کوردی : " شیکردنەوەی من دەربارەی ئەم زۆربوونە و خێرایی زیادبوون دانشتوانی کورد لە دوو دەیەی ـ بیست ساڵ ـ ی رابردوودا لە دوو بۆچووندایە و سێیەمیان نییە ، ئەوەیە، یەکەم : ئەوەیە کە ژنان و پیاوانی عەرەب و تورکمان و کەمە نەتەوایەتییەکانی تر تووشی نەزۆکی بوونە .. ؟ بۆچوونی دووەمیش ئەوەیە : بە هۆی نیشتەبەجێ کردن و پێدانی رەگەزنامەی عێراقی بە کوردەکانی تورکیا و سوریا و ئێران، لەگەڵ گواستنەوەی هێلکە پیتێنراوەکان کە لە کێڵگەکانی زیادکردنی ئەو وڵاتانەدا دەپیتێنرێن، بۆ هەڵهێنانیان لە هەڵهێنەرەکانیکەرکوک و کوردستانی عێراق "}

^{ئێمە بەم رەگەزپەرستانەی کە ئیرەیی بە زیادبوونی کورد لە کەرکوکدا دەبەن و، خۆیان بە داماو و نێرەمووک دەزانن .. کوردیش دەڵێ: " لە شوێ مشت پێ لەقەیە " واتا ئەوەی مشتێکمان لێ بدات شەقێکی لێ دەدەین ، ئەوەی دەرزییەکمان پێدا بکات سوژنێکی پێدا دەکەین ..گەرچی ئەم قسەیەم بە جوان نازانم ، بەڵام قسە ناشیرینەکانی ئەم سایتە ، وەڵامێکی وا هەڵدەگریت، با ئەم نەزۆکانە کۆمەڵێکی زۆر لە مێینەکانیان بنێرن بۆ هەڵهێنەرەکانی ـ مەفقەسەکانی ـ ی پارێزگاکانی هەرێمی کوردستان، یانهەڵێنەرەکانی باکوور و رۆژهەڵاتو رۆژئاوای کوردستان، تا لەوێدا هێلکەکانیان بۆ بپیتێنن و، بگەڕێنەوە بۆ هەڵهێنەرەکانی ـ نەخۆشخانەکانی ـ پارێزگای کەرکوک و، شوێنی لە دایک بوونیان بکەنە کەرکووک و ژمارە و رێژەیان زیاد بکەن و لەمە زیاتر نەبۆڵێنن .. ئەیئێوە خۆتان بۆ گیل دەکەن، ئێوە لە بنەڕەتدا پیتێنراوی هەڵهێنەرەکانی ئەستانبوڵ نین ؟ کە عوسمانییەکانی باپیرانتان ژنە پیتێنراوە تورکەکانیان دەناردن، تا لە هەڵهێنەرەکانی پارێزگای کەرکووکدا ئێوە هەڵبهێنن و، بە مەبەستی بە تورک کردنی کەرکوک .. لە کەرکوکی کوردستانیدا بمێننەوە ؟ کەواتە نابێت بە پەنجەی پیسەوە ئاماژەی کەس بکەن .. تا ئیستا زۆر گوێمان لە قەوانەکانیئەم جۆرە بوختان و درۆ و دەلەسانەتان بووە،بۆیە باویان نەماون .. بە دوای بوختان و درۆی تازەتردا بگەڕێن .. شەرم بکەن و بە خۆتاندا بچنەوە، ئێوە زۆر لەوە کەمترن کە بتوانن خولانەوەی پێچکەی رەوڕەوەی بزووتنەوەی رزگاریخواز وپێشکەوتنخوازی کورد بوەستێنن .. سەردەم سەردەمی ئازادی و دیموکراتی و دۆستایەتی و پێکەوەژیان و رێزگرتن و ئاشتی و هاوکاری ی نێوان گەلانە .. سەردەمی شارستانی و لێک نزیکبوونەوەیە ..سەردەمی سەرهەڵدان و راپەڕین و بڕیاردانە لە مافی خۆچارەنووسی گەلانی دلێر و تێکۆشەری ماف خروا و وڵات داگیرکراو .. دەزانم کە ئێوەی بیربۆگەن و دڵ کرمێ هەڵگری ڤایرۆسی رەگەزپەرستی، بیر لە کاری باش بکەنەوە، دان بەو راستییەشدا نانێن کە گەلی کورد ، کە دێرینترینی گەلانی ئاسیایە و، هیچیمان لە گەلانی تر کەمتر نییە و، دەمانەوێ لە کوردستانی نیشتمانی خۆماندا بە ئازادی و ئاشتی بژین .. باشترن نییە بە خۆتاندا بچنەوە و، شورەیی و شەرم بکەن و واز لە هەڵبەستنی درۆ و بوختانی بێ بنەما و بێ بەڵگە بهێنن، ئەوەش بزانن کە هەرگیز تیشکی خۆر بە بێژنگ ناگیرێ، باشتر نییە لە جیاتی بە فێڕۆدانی کات بەم ناڕاستییانەوە، بیر لە درووستکردنی پردێکی دۆستایەتی و هاوکاری و خۆشەویستی و رێز لە نێوان گەلی کورد و تورکمان و عەرەب وکلدۆئاشووریدا لە پارێزگای کەرکوک و،لە هەموو شوێنەکانی تردا دروست بکەن ..؟وەکو وتم دۆستایەتی و پێکەوەژیانی و رێزگرتن لە نێوان کورد و تورکمان و عەرەبە رەسەنەکانی پارێزگای کەرکوکدا، رەگ ئەستوورە و رابردوویەکی باش و قووڵی هەیە و جێی شانازییە .. ئەم جۆرە بوختان و درۆ هەڵبەستراوانە،ناتوانن بە قەی موویەکی سەر کار لەم دۆستایەتی و پێکەوە ژیانەمان بکەن .. بە پێچەوانەوە ئەم درۆیانە دەبنە مایەی شەرمەزاری و رووڕەشی ونەفرەت لێکردنی ئێوەی درۆزن و بوختان کەران.}

^{خوێنەری بەڕێز، ئەم نووسینەی سایتی ـ موقع أفکار حرة . درێژە و، بوختانیان بە ناوی کەسانی ناسراوی ترەوە کردووە .. بۆ ئەوەی کاتێکی زۆرتان لێ نەگرم من بە کورتی وەڵامی بەشێکی ئەو بوختان و درۆیانەی ئەم بابەتە بڵاوکراوەیەی ئەو سایتەم دایەوە.. گەر دەتانەوێت زیاتری لەسەر ئەم بوختانانە بخوێننەوە .. تا رۆژی ناردنی ئەم وەڵامەم .. ئەو  بابەتە لەو سایتەدا ( موقع أفکار حرة ) دا ماوەتەوە .}

^{نەرویج : ٣/ ٥/ ٢٠١٤}

^9/8/2014