افشین غلامی-کارشناس ارشد جامعه شناسی-تهران

 ^{ﭘﻴﮑﻬﺎتەی ﮐﻮﻣﻪﻻﻳﻪﺗﻲ ئێرﺍﻥ،ﺯﻩﺭﻓﻴﻪﺕ ﻳﻪ ﺩﻳﺮێد ﮎ ﭘﺎیگەی "ﮔﻪﻟﻪ ﻣﻴﺮﻱ"( ﻣﺮﺩﻡ ﺳﺎﻻﺭﻱ) ﻟﻪ ﻧﺎﻭﻱ نهاﺩﻳﻨﻪ ﺑﻮﻭﺩ. ﻭﺍﺗﻪ ﻧﻪ ﺗﻪﻧﻴﺎ ﮔﻮﺯﺍﺭ ﻣﻮﺩﺭﻧﻴﺘﻪ ﺳﺎﻟﻴﺎنێگه ﻟﻪ ﻧﺎﻭﻱ ﺟﻪﺭﻳﺎﻥ ﺩﻳﺮێد،ﺑﻪﻟﮑﻢ ﺩﻳﺮﻳﻨﻪی "ﮔﻪﻟﻪ ﻣﻴﺮﻱ" ﻭ ﻫﻪﻟﺒﮋﺍﺭﺩﻥ ﺗﻮﻳﻪﻧﺴﻴﻴﻪ "ﮔﻪﻟﻪﻳﻞ ﺋﻴﺮﺍﻥ" ﻭﻩﻝ ﭘﺮﻭﺳﻪی ﺩﻣﻮﮐﺮﺍﺳﻲ ﺋﺎﺷﻨﺎﻭﻩ ﺑﮑﻪﻳﺪ .ﻭﻩی ﺗﻪﻭﺭ ﺩﻣﻮﮐﺮﺍﺳﻲ ﮐﻪﺵ ﺗﻮﻭﺍﻳﺪ ﻭ ﻫﻪﻣﻴﺸﻪ ﻟﻪ ﺷﻮنێگ ﺧﻮﻩی ﺭﻩﻭﺯﻧﻴﺪ ﮎ ﻭﻩ ﺩﻟﺨﻮﺍﺯﺍﻧﻪ ﭘﻴﺸﻮﺍﺯی ﻭﻩﻟﻲ ﺑﮑﺮﻳﻪﻳﺪ ﻭ ﺋﻠﻤﺎﻧﻪﻳﻞ ﺋﺎﮔﺎﻫﻲ ﮔﺸﺘﻲ ﻟﻪ ﻧﺎﻭي ﺧﺎﻭﻥ ﺋﺎﺳﻪﻭﺍﺭ ﺑﻮﻭﺩ. ﻭﺍﺗﻪ ﺧﻪ ﻟﮏ ﺑﺎﻳﻪﺩ بزاﻧﻦ ﮎ ﻟﻪ ﺩﻣﻮﮐﺮﺍﺳﻲ ﭼﻪ ﺗﻮﻭﺍﻥ ﻭ ﻣﻪﺑﻪﺳﺘﻴﺎﻥ ﻟﻪ ﻫﻪﻟﺒﮋﺍﺭﺩﻥ ﭼﻪﺱ ﻭ ﭺ ﻣﻮﺩﻟﻴﮓ ﻩ ﻣﻮﺩﻟﻪﻳﻞ ﺩﻣﻮﮐﺮﺍﺳﻲ ﺋﺮﺍ ﺧﻮﻳﺎﻥ ﻗﺎﺑﻞ ﮐﻪﻟﮏ ﮔﺮﺗﻦ ﺯﺍﻧﻦ . دەق ﺳﻪﺭﻩﮐﻲ ﺋﻲ ﻭﺗﺎﺭﻳﺸﻪ ﻳﻪﺳﻪ ﮎ،ﺋﻴﻤﻪ ﺗﻮﻭﺍﻳﻢ ﻭﻩ ﭼﻪ ﺋﺎﺯﺍﺩ ﺑﻮﻣﻦ؟ﺋﺎﺯﺍﺩﻱ ﻭﻩ ﭼﻪ ﺯﺍﻧﻴﻢ؟ ﻟﻪ ﺷﻴﮑﺎﺭﻱ ﻧﺎﻭﺭﻭﮎ ﭘﺮﺳﻴﺎﺭﻩﮔﻪ ﭼﻪﻥ ﺩﻩﻕ ﻫﻪﺱ ﮎ ﻫﻪﻭﺗﺎﮐﺮﺩﻧﻲ ﻭﻩ ﻝ ﻭﺷﻪ ﻱ ﺋﺎﺯﺍﺩﻱ ﮐﻴﺸﻪ ﺩﻳﺮﻳﺪ، ﺳﻪ ﺭﻩ ﺗﺎ ﺑﺎﺱ ﻭﻩ ﺧﻮﺩ ﺋﺎﺯﺍﺩﻱ ﮐﻪ ﻳﻤن.}

^{ﺋﺎﺯﺍﺩﻱ ﻣﻪ ﻧﻔﻲ}

^{یەک:ﺧﻮﺩ ﺟﻪ ﻭﻫﻪ ﺭ ﺋﺎﺯﺍﺩﻱ ﻭﻩ ﻭﺗﻪ ﻱ،ﺭﺯﮔﺎﺭ ﺑﻮوﻥ ﻭﻩ ﻫﻪ ﺭ ﭼﺸﺘﻲ ﮎ ﺩﻩ ﺭﺑﻪ ﻧﺪﻣﺎﻥ ﮐﺮﺩﻳﻴﻪ .ﻭﻩ ﻱ ﺑﺎﻭﻩ ﺕ،ﻭﻩ ﻫﻪ ﺭﺷﻴﻮﻩ ﻳﮏ ﺩﻟﺨﻮﺍﺯﻣﺎﻧﻪ ﺑﮕﻪﺭﺩﻳﻢ ﻭ ﺑﺨﻮﻩﻧﻴﻢ ﻭ ﺑﻮﺷﻴﻢ ﻭ ﺭﻩﻓﺘﺎﺭ ﺑﮑﻪ ﻳﻢ. دوو: ﻫﻪ ﺭ ﺟﻮﻭﺭ ﺯﺍﻧﻴﻢ ﻭ ﻫﻪﺭ ﺟﻮﻭﺭ ﻭﻩ ﻫﻮﺭﻣﺎﻥ ﺑﺎﻳﺪ ﺗﻮﻳﻪﻧﻴﻢ ﻭﻩﻫﻪﺭ ﮊﻳﻨﮕﻪﻳﮓ ﺑﮋﻳﻪﻳﻢ و ﺋﺎﺗﺎﺟﻴﺶ ﻭﻩ ﻣﻠﮑﻴﻪﺕ ﻧﻴﺎﺷﺘﻮﻡ.}

^{ﻣﺮﻭﻑ ﺗﻪﻏﻮﻭﺭ ﺑﻪﻧﺪ ﻧﻪﻳﺮﻳﺪ ﻭ ﻫﻪﺭ ﺣﺎﻟﻪﺕ ﮐﺮﺩﺍﺭﻱ ﻭ ﻫﻮﺭﻱ ﺩﺭﺱ ﺯﺍﻧﻴﺪ ﻭ ﺧﻮﻩی ﻟﻪ ﻗﺎﭘﺎﺧﻪﻳﻞ ﺋﻪﺳﻴﺮ ﻧﻴﻪﮐﻪﻳﺪ .ﺋﻲ ﺋﺎﺯﺍﺩﻳﻴﻪ ﻭﻩ ﺋﺎﺯﺍﺩﻱ ﻣﻪﻧﻔﻲ ﻧﺎﻭﺩﺍﺭه ﺋﺮﺍ ﻳﻪ ﮎ ﻟﻪ ﺯﻩ ﻣﺎﻥ ﻭ ﻣﻪ ﮐﺎﻥ ﻧﻴﻪﻣﻴﻨﻴﺪ.ﻓﻪﻟﺴﻪﻓﻪی ﺋﺎﺯﺍﺩﻱ ﻣﻪﻧﻔﻲ ﮐﻪﺳﻲ ﻭ ﻧﻮﺭﻳﻦ ﻭﻩ ﺟﻪﻣﺎﻭﻩﺭ ﻧﻴﺮﻳﺪ .ئی ﺋﺎﺯﺍﺩﻳﻴﻪ،ﺋﺎﺯﺍﺩی ﻟﻴﺒﺮﺍﻟﻲ ﻧﻴﻴﻪ ﮎ ﺟﻪﻣﺎﻭﻩﺭﻳﺶ ﺧﻮﻩی ﻟﻪ ﻧﺎﻭﻱ ﺑﻮﻧﻴﺪ ﻭ ﻫﻪﺭ ﺋﻴﺠﻮﻭﺭﻩ ﺋﻲ ﺋﺎﺯﺍﺩﻳﻴﻪ ﻭﻩ ﭼﻪﺷﻨﻪﻳﻞ ﺋﺎﻧﺎﺭﺷﻴﺴﻢ ﻧﻴﻴﻪ ﮎ ﺗﺎﮐﻪ ﮐﻪﺱ ﺩﮊ ﻭﻩ ﭘﻴﮑﻬﺎﺗﻪﻳﻞ ﻧﺎﺋﺎﺯﺍﺩ ﺋﻪﻟﭙﻮﻭﻗﻴﻪﻳﺪ .ﺋﻲ ﺋﺎﺯﺍﺩﻳﻪ ﻭﺍﺗﻪ ﺋﺎﺯﺍﺩﻱ ﺑﻲ ﭼﻮﻥ ﻭ ﺋﺮﺍﺱ ﻭ ﺧﻮﻩ ﻱ ﺭﺯﮔﺎﺭ ﻭﻩ ﮔﺸﺖ ﻗﻪﻣﻘﺎﺯﻩﻳﻞ ﺣﻘﻮﻗﻲ ﻭ ﺋﻪﻧﺠﺎمی ﺯﺍﻧﻴﺪ}

^{ﺋﺎﺯﺍﺩﻱ ﻣﻮﺳﺒﻪت}

^{ﺋﺎﺯﺍﺩﻱ ﻣﻮﺳﺒﻪﺕ ﺧﺎﻭﻥ ﻓﺎﮐﺘﻮﻭﺭﻩ ﻭ ﻫﺎﻭﺭﺍیی ﺭﻳﮋﻩﻳﻴﻪﻳﮓ ﻟﻪ ﺳﻪﺭی ﻫﻪﺱ .ﮐﺎﺗﻲ ﻗﺎﻧﻮﻭﻥ ﻧﻮﻳﺴﺮﻳﺎ ﻭ ﮔﺮﻳﺒﻪﺳﺖ ﮐﻮﻣﻪڵاﻳﻪﺗﻲ ﭘﻴﻮﻩﻧﺪﻳﮑﻪﺭ ﻧﺎﻭﻩﻳﻦ ﮐﻮﻣﻪڵگا بی، دی ﻣﺮﻭﻑ ﻳای گرت ﮎ ﺋﺎﺯﺍﺩی ﺧﻮﻩی،پێشلکەر ﺋﺎﺯﺍﺩﻱ ﺩﻳﮕﻪﺭﺍﻥ ﻧﻪﻭﺩ . ﺋﻴﺴﻪ ﺋﺎﺯﺍﺩﻱ ﻟﻪ ﭘﻴﻨﺎﺳﻪی ﺟﻪﻫﺎنی ﺧﺎﻭﻥ ﮔﺮﻳﺒﻪﺳﺘﻪ ﻭ ﻣﮑﺎﻧﻴﺰﻡ ﺩﻳﺮﻳﺪ ﻭ ﺑﻪﺭﮊﻩﻭﻩﻧﺪی ﻫﻪﺭ ﺑﻪﺵ ﮐﻮﻣﻪﻟﮕﺎ ﭘﻴﭽﻴﺎﺳﻪ ﺑﻪﺷﻪل ﺘﺮﻩﮎ ﻭ ﺋﺎﺯﺍﺩﻱ ﻧﻴﻪﺗﻮﻳﻪﻧﻴﺪ بی ﺋﺎﺳﻪﻭﺍﺭ ﻟﻪ ﺳﻪﺭ ﺩﻩﻓﻪﺭ ﺧﻮﻩ ﻱ ﺑﻮﻭﺩ}

^{ﺋﺮﺍ ﺋﺎﻣﺎﮊﻩ،ﻟﻪ ﻭﻻﺗﻪﻳﻠﻲ ﮎ ﭼﻪﻥ ﻧﻪﺗﻪﻭﻩﻳﻴﻦ ﻭﺳﻴﺴﺘﻢ ﺳﺎﻧﺘﺮﺍﻟﻴﺴﺘﻲ ﺩﻳﺮﻳﻦ،ﺳﻪﺭﺑﻪﺧﻮﻳﻲ ﻭ ﺟﻴﺎ ﺑﻮﻥ ﮐﻪﻣﻴﻨﻪ ﻳﺎ ﺯﻭﺭﻳﻨﻪﻳﻞ، ﻣﻪ ﺗﺮﺳﻴﻪ ﻭ ﺯﻩﻧﮓ ﻫﻮﺷﻴﺎﺭﻳﻪﻳﮕﻪ ﺗﺎ ﺭﻩﻭﺷﻪﻳﻞ ﭘﻮﻟﻴﺴﻲ ﻭ ﺋﺎﺳﺎﻳﺸﻲ ﺭﻩﻭﻝ ﮔﺮﺍﻧﻴﮓ ﻟﻪ ﻭﻻﺕ ﺑﺎﺭﻧﻪ ﺋﻪﻧﺠﺎﻡ ﻭ ﻫﻪﻣﻴﺸﻪ ﺩﻩﻭﺭ ﺧﻮﻳﺎﻥ ﭘﺎﺧﺎﺷﻪ ﺑﮑﻪ ﻥ. ﻫﻮﻭﮐﺎﺭی ﺳﻪﺭﻩﮐﻲ ﺋﻪﻭﺍﻥ ﻟﻪ ﻧﺎﻭﻩﻧﺪ ﮔﻪﺭﺍﻳﻲ،ﻗﺎﺯﺍﻧﺞ ﺟﻪﻣﺎﻭﻩﺭ ﻭﻩ ﮔﺸﺘﻲ ﻭ ﺩﺍﻟﺘﻪی ﻣﻪﻟﺒﻪﻧﺪﻩﻳﻞ ﭘﻴﺸﮑﻪﻓﺘﻪ ﻭﻩ ﺑﺎﺭ ﺋﺎﺑﻮﺭﻱ ﻳﺎ ﻟﻮﺟﺴﺘﻴﮑﻲ،ﻭﻩ ﻧﺎﻭﭼﻪ ﻳﻞ ﻧﺎﭘﻴﺸﮑﻪﻓﺘﻪﺱ ﺗﺎ ﺋﻪﻭ ﻣﻪﻟﺒﻪﻧﺪﻩﻳﻠﻴﺸﻪ ﺧﻮﻩﻳﺎﻥ ﻫﺎﻭﻭﻩﻝ ﻭ ﺑﺎﻻﻧﺲ ﺑﮑﻪﻥ .ﺋﻴﺮﺍﻧﻴﺶ ﺗﻮﺵ ﺋﻲ ﺩﻩﺭﺩﻩ ﺑﻴﻪ ﻭ ﻧﻪﺗﻮﻳﻪﻧﺴﻴﻪ ﺳﻴﺴﺘﻤﻲ ﺧﺰﻣﻪﺗﮕﻮﺯﺍﺭﻱ ﻫﺎﺯﺩﺍﺭﻳﮓ ﻟﻪ ﺑﺎﺭ ﺋﻪ ﻧﺠﺎﻣﻲ ﺩﺍﻣﺰﺭﻳﻨﻴﺪ .ﺭﺥ ﻫﻮﺭﻱ ﻭ ﺯﻭﻟﻪ ﻟﻪ ﮔﻪﺷﻪ ﭘﻴﺎﮐﺮﺩﻥ ﺋﺎﺑﻮﺭﻱ ﻟﻪ ﻧﺎﻭﭼﻪﻳﻞ ﺋﺎﮊﺍﻭﻩﺩﺍﺭ،ﻋﻪ ﻗﻼﻧﻴﻪﺕ ﻧﺎﻭﻩﻧﺪﮔﻪﺭایی ﺧﻮﻩی ﻭﻩ ﭘﻴﮑﻬﺎﺗﻪی ﺳﻴﺎﺳﻲ ﺑﻪﺳﺮﻳﺎﻳﻪﻳﮓ ﮔﻴﺮ ﻫﺎﻭﺭﺩﻳﻴﻪ ﺗﺎ ﺗﻪﻭﺍﻥ ﻭ ﺩﻩﺭﺗﺎﻥ ﭘﻪﺭﻩ ﭘﻴﺎﮐﺮﺩﻥ ﻧﻮﺭﻣﻪﻳﻞ ﻫﻪﺑﻮﻭﻥ ﮐﻮﻣﻪﻟﮕﺎی ﺧﻮﻩﺵ ﻭ ﺳﻪﻋﺎﺩﻩﺗﺪﺍﺭ، ﻭﻩ ﮐﻮﻧﻪﺭی (ﮐﻨﺪی ) ﻭﻩﺭﻩو ﻧﻮﻭﺍ ﺑﭽﻮﻭﺩ .ﭘﻴﻨﺎﺳﻪ ﻱ ﺩﻣﻮﮐﺮﺍﺳﻲ ﻟﻪ ﺋﻴﺮﺍﻥ ﻧﻪ ﻣﺘﻮﺩ ﻟﻴﺒﺮﺍﻝ ﺩﻣﻮﮐﺮﺍﺳﻴﺎﻧﻪ ﺩﻳﺮﻳﺪ ﻭ ﻧﻪﻳﺶ ﺭﻩﻭﺕ ﺳﻮﺳﻴﺎﻝ ﺩﻣﻮﮐﺮﺍﺳﻲ ﺩﺍﻣﺰﺭﺍﻧﻴﻪﺳﻪی. ﻳﻪی ﺟﻮﺭ ﻫﺎﻭﺳﻪ ﻧﮕﺴﺎﺯی ﻧﺎﺷﻴﮑﺎﺭﺍﻧﻪ ﻟﻪ ﺋﻪﺩﺑﻴﺎﺕ ﺳﻴﺎﺳﻲ ﺳﻪﺭﺩﻩﻡ ﻣﻮﺩﺭﻧﻴﺘﻪﺱ ﮎ ﮔﻮﺯﺍﺭ ﻧﺎﻗﺴﻴﮓ ﻭﻩﺭﻩﻭ ﻧﺎﮐﻮﺭﻩ ﺋﺎﺑﺎﺩ ﮐﻴﺸﻨﻴﺪﻩی. ﺷﻴﻮﻩی ﺋﺎﺯﺍﺩی ﺋﻴﺮﺍنی ﻣﺎﻧﻴﻔﺴﺖ ﺧﺎﺱ ﺧﻮﻩی ﺩﻳﺮﻳﺪ ﻭ ﻓﻴﺘﻴﮓ ﺭﻩﺳﻪﻥ ﺧﻮﻩی ﻟﻪ پێکهاﺗﻪی ﺩﻩﺳﻪﻻﺕ ﺋﺎئینی دﻩﻳﺪ .}

^{ﭘﻴﻨﺎﺳﻪی ﺋﺎﺯﺍﺩی ﻟﻪ ﺋﻴﺮﺍﻥ ﻧﻪ ﻭﻩﺳﻪﺭﻭﻩﺭی ﮐﻮﻭﻡ ﺑﺎﻭﻩﺭ ﺗﻴﻪﺭﻳﺪ ﻭ ﻧﻪ ﺋﺎﺯﺍﺩﻱ ﮐﻪﺳﻲ ﻻﭘﻴﭻ ﮐﻪ ﻳﺪ،ﻭﺍﺗﻪ ﺟﻮﻭﺭ ﺧﺎﺳﻴﮓ ﻟﻪ ﭘﻴﻨﺎﺳﻪی ﻗﺎﻧﻮﻥ ﻭ ﺋﺎئین ﻭ ﻓﻘﻪ. ﻟﻪ ﺷﻴﮑﺮﺩﻥ ﺩﻣﻮﮐﺮﺍﺳﻲ،ﺋﻮﺷﻴﻢ،ﺳﻪﺭﻭﻩﺭی خهﻟﮑﻪﻳﻞ ﻭﻩ ﻣﻞ ﺧﻮﻩﻳﺎﻥ ﮐﻪ ﻫﺎﺯﻳﻴﺎﻥ ﺩﺍﻟﻮﻩﺧﺶ (ﺗﻔﻮﻳﺾ )ﻭﻩ ﻧﻮﻳﻨﻪﺭﻩﻳﻠﻴﺎﻥ ﺑﻮﻭﺩ .ﻭﻩﻻﻡ ﻟﻪ ﺋﻴﺮﺍﻥ ﺟﻮﻭﺭ ﺗﺎﺯﻩﻳﮓ ﻟﻪ ﺩﻣﻮﮐﺮﺍﺳﻲ ﻧﻤﺎﻳﺎﻥ ﮐﺮﻳﻪﻳﺪ ﮎ ﻫﻪﻡ ﻓﺎﮐﺘﻮﻭﺭﻩﻳﻞ ﻗﺎﻧﻭﻧﻲ ﻭ ﻫﻪﻟﺒﮋﺍﺭﺩﻧﻲ ﺳﺎﺯﻧﻪی ﻭ ﻫﻪﻡ ﮐﺎﻧﺎﻟﻪﻳﻞ ﺋﺎئینی ﺭﻳﮑﻲ ﺗﻴﻪﺭﻥ .ﻫﻪﺭ ﺋﻪﻭ ﺟﻮﺭﻩ ﮎ ﻭﻩﺗﺮﻳﺎ "ﺳﺎﻧﺘﺮﺍﻟﻴﺴﻢ" ﺋﻴﺮﺍﻧﻲ ﺗﺮﺱ ﻟﻪ ﺋﻪﻣﻨﻴﻪﺕ ﮐﻪﻳﺪ ﻭ ﮐﻪﺵ ﻗﻪﻭﻣﻲ ﻭ ﺋﺎئینی ﺯﺍﻭﺭﻧﺎﮎ ﻭﻩﺣﺴﺎﻭ ﺗﻴﻪﺭێد .ﻭﻩی ﺑﺎﻭﻩﺗﻪ ﻟﻪ ﭘﺸﻮﺩﺍﻥ ﺧﻮﻳﺎﻥ،ﺩﻣﻮﮐﺮﺍﺳﻲ ﺋﺎئینی ﭘﺮﻭﺳﻪی ﺳﻪﻋﺎﺩﻩﺗﺨﻮﺍﻳﮕﻪ ﮎ ﻫﻪﻟﻘﻮﻟﻴﺎی ﺋﻮﺧﺮﻩﻭﻳﻴﻪﺕ ﺋﺎﻳﻴﻨﻴﻪ ﻭ ﭘﺎﻭﺩﺍﻧﻲ ﻭﻩﮔﻪﺭﺩ ﺯﻩﺭﻑ ﻣﮑﺎﻧﻲ ﺋﻤﺮﻭ ﺳﻴﺎﺳﻪتەیلیان ﮐﺮﻳﻪﻳﺪ.ﻫﻪﺭ ﺋﻴﺠﻮﻭﺭﺌﺎﺯﺍﺩی ﺟﻮﻭﺭﻳﮓ ﺑﺎﻭﻩﺭ ﺩﺍﺷﺘﻦ ﺷﻪﺭﻋﻲ ﻭﻩ ﺳﺎﺯ ﻭ ﺑﻪﻧﻪﻳﻞ ﻣﮑﺎﻧﻴﺴﻤﻲ ﺧﻮﻳﺎﻧﻪ ﮎ ﻭﻩ ﭘﻪﺭﺍﻭﻳﺰ چینی ﺗﺎﻭﻧﺒﺎﺭی ﺗﻴﻪﺭﻳﺪ،ﻭﺍﺗﻪ ﺷﺎﺭﻭﻩﻧﺪ ﺑﺎﻳﻪﺩ ﭘﻪﻳﺮﻭ ﺑﮑﺮﻳﻪﻳﺪ ﻭ ﭘﻪﺳﻪﻧﺪ ﺑﮑﻪﻳﺪ ﻫﻪﺭ ﺟﻮﻭﺭ ﻋﺮﻑ ﻭ ﺷﻪﺭﻉ ﻣﻮﻗﻪﺩﻩﺱ ﻭ ﺷﻴﻮﻩی ﻧﻮﻭﺭﺳﻦ ﻟﻪ ﮐﻮﻣﻪﻟﮕﺎﻳﮏ ﻭﻩی ﺩﮊﻭﺍﺭﻳﻴﻪ. ﮐﺎﺭﺍﮐﺘﺮ ﮐﻮﺭﺩ ﺋﻤﺮﻭﻳﺶ ﻧﺎﭼﺎﺭﻩ ﻭﺍﻗﻪﻋﻴﻴﻪﺕ ﮐﻮﻣﻪﻟﮕﺎی ﺧﻮﻩی ﻓﺎﻡ ﺑﮑﻪﻳﺪ ﻭ ﺑﺪﻩﺭکنێد ﮎ ﻟﻪ ﺋﻴﺠﻮﻭﺭ ﻗﺎﭘﺎﺥ ﺩەسەﻻﺗﻴﻴﻪﻳﮓ ﭺ ﺟﻴﮕﺎﻳﮓ ﺩﻳﺮێد،ﺋﺎﺯﺍﺩﻱ ﺭﺍﺩﻩی ﺧﻮﻩی ﺗﺎ ﮐﻮﻭﺭﻩ ﻫﺎﻭﺭﺩﻳﻪﺳﻪ ﮔﻮﺭﻩﭘﺎﻥ ﻭ لهﻭ ﺋﺎﺯﺍﺩیه ﭼﻮ ﺑﺎﺯﻱ ﺑﮑﻪﻳﺪ ﻟﻪ ﮐﻮﻣﻪﻟﮕﺎ ﺑﺴﻴﺎﻳﮓ ﺟﻮﻭﺭ ﺋﻴﺮﺍﻥ .}

^{ﮐﻮﺭﺩ ﻣوﺪﺭﻥ ﻫﻪﻭﻩﺟﻪ ﻭﻩ ﻋﻪﻗﻼﻧﻴﻪﺕ ﭘﻴﺎ ﮐﻪﻳﺪ ﺗﺎ ﺳﻴﻔﺎ ﻧﻪﮐﺮﺩﻥ ﺑﺸﮑﺎﻓﻨﻴﺪ ﻭ ﺭﺧﻨﻪی ﺑﮑﻪﻳﺪ ﻭ ﺑﻮشێد ﺋﺎﻣﺎﻧﺠﻲ ﻟﻪ ﮊﻳﺎﻥ ﭼﻪﺱ .ﮊﻳﺎﻥ ﺋﺎﺯﺍﺩ ﺗﺎﮐﻪﮐﻪﺱ ﻭ ﻓﻪﻟﺴﻪﻓﻪی ﻟﻴﺒﺮﺍﻟﻴﺴﻢ ﻭ ﻫﻪﺭ ﺋﻲ ﺗﻪﻭﺭ ﮊﻳﺎﻥ ﺑﻪﺭﺍﺑﻪﺭ ﻭ ﻓﻪﻟﺴﻪﻓﻪی ﺳﻮﺳﻴﺎﻟﻴﺴﻢ ،ﺩﻣﻮﮐﺮﺍﺳﻲ ﭘﻪﺭﻭﻩﺭﺩﻩ ﮐﺮﺩﻧﻪ ﺗﺎ ﮐﻮﺭﺩ ﻣﻮﺩﺭﻥ ﭘﻴﻨﺎﺳﻪی ﺧﻮﻩی ﻟﻪ ﺩﻣﻮﮐﺮﺍﺳﻲ ﺑﺎﺭﻳﺪﻩ ﺩﻩ ﺱ . ﺩﻣﻮﮐﺮﺍﺳﻲ ﻭﻩ ﻣﺮﻭﻑ ﺋﺠﺎﺯﻩ ﺩﻩﻳﺪ ﻫﺎﻭﺑﻪ ﺵ ﺑﻮﻭﺩ،ﻫﻪﻡ ﻟﻪ ﺑﻪﺭﻳﻪﻭﺑﺮﺩﻥ ﺳﻪﺭﻭﻩﺭی ﻟﻪ ﮐﻮﻣﻪﻟﮕﺎ،ﻫﻪﻡ ﺳﺎﺯﻳﻦ پێکهاﺗﻪی ﺧﻪلکی ﻭ ﻣﮑﺎﻧﻴﺴﻢ ﺩﻩﺳﺘﻮﺭی ﻭﻩ ﺯﻩﺭﻓﻴﻪﺗﻪﻳﻞ ﺋﻴﻨﺴﺎنی ﺋﺮﺍ ﻣﻪﺣﺪﻭﺩ ﻫﺎﻭﺭﺩﻥ ﻗﺎﻧﻮﻭﻧﻪﻳﻞ ﺩﻩﻭﻟﻪتی ﻟﻪ ﺳﻪﺭ ﺟﻔاکێگ ﺋﺎﮔﺎ ﻭ ﻫﻮﺷﻴﺎﺭ .ﮐﻮﻣﻪ ﻟﮕﺎﻳﮓ ﺋﺎﮔﺎﺱ ﮎ ﺧﻪ ﻟﮏ ﻟﻪ ﻧﺎﻭر ﮔﻪﺭ(محور) ﺑﻮﻭﻥ،ﻭﺍﺗﻪ ﺑﺘﻮﻳﻪﻧﻦ ﺩﮊ ﻗﺎﻧﻮﻥ ﻳﺎ ﺳﻴﺎﺳﻪﺕ ﺋﻪﻟﭙﻮﻗﻴﻪﻥ ﻭ ﻗﺎﻧﻮﻥ ﭘﺎﺧﺎﺷﻪ ﺧﻮﻳﺎﻥ ﺑﮑﻪ ﻥ ،ﻧﻪ ﻗﺎﻧﻮﻭﻥ ﺋﺎﻣﺮﺍﺯﻳﮓ ﺋﺮﺍ ﺩﻩﺭﺑﻪﻧﺪ ﮐﺮﺩﻧﻴﺎﻥ. ﻭﺍﺗﻪ ﻗﺎﻧﻮﻭﻥ ﮔﺮﻳﺒﻪﺳﺘﻪﮎ ﻫﺎﺗﻴﻪﻭﻩ ﮊﻳﺎﻥ ﺋﻪﮊﻡ ﺑﻴﻪﻳﺪ ﻧﻪ ﻳﻪ کێ ﺋﺎﻣﺮﺍﺯﻳﮓ ﻭﻩ ﺩﻩﺱ ﮐﻪﺳﺎنی ﮎ ﺑﻪ ﺭﮊﻩﻭﻩﻧﺪی ﺧﻮﻳﺎﻥ ﺑﺎﺭﻧﻪ ﺩﻩﺱ، ﻫﻪﺭ ﻭﻩﻫﺎ ﺗﻮﻭﺍﺳﻦ ﻗﺎﻧﻭنی ﮎ ﻣﺎﻑ گشتی ﺩﺍﺑﻴﻦ بکه‌يد ﻭ ﻫﻪﻣﻴﺸﻪ ﻭﻩ ﺭﻭﻭﮊ ﺑﻮﻭﺩ.}

^{ﮐﻮﺭﺩﻳﺶ ﻟﻪ ﺋﻴﺮﺍﻥ ﺩﻩ ﻧﮓ ﺩﻩ ﻳﺪ،ﻭﻩﻻﻡ ﺩﻩﻧﮓ ﻭﻩ ﭘﻴﮑﻬﺎﺗﻪی ﺗﺌﻮﮐﺮﺍﺳﻲ ﻧﺎ ﻣﻪﻓﻬﻮﻭﻣﻪ ﻭ ﺋﻪﺭﺯﺷﻲ ﻟﻪ ﭘﻴﻮﻩﺭ ﺣﺎﮐﻢ ﺩﻳﻨﻲ ﺗﺎﻗﻲ ﺑﻮﻭﺩ . ﮐﻮﺭﺩ ﻣﻮﺩﺭﻥ ﮎ ﻧﻪ ﻗﻮﻧﺎﻏﻪﻳﻞ تێپەﺭ ﮐﺮﺩﻳﻪ ﻭ ﮔﻮﺯﺍﺭ ﻣﻮﺩﺭﻧﻴﺘﻪ ﻓﺎﻣﺴﻴﻪ ﻭ ﻧﻪ ﺭﻩﻭﺕ ﻭﺍﺯ ﺳﻴﺎﺳﻲ ﺗﻪ ﺑﺎیی ﻭ ﺋﺎﮔﺎﻫﻲ ﮐﻮﻭﻣﻪ ﻟﻲ ﻧﻪﻫﺎﺩﻳﻨﻪ ﮐﺮﺩﻳﻴﻪ،ﻟﻪ ﺩﻭﺧﻴﮓ ﭘﺮ ﺋﺎﮊﺍﻭﻩ ﻭﺳﺎﺱ،ﺗﺎ ﻟﻪ ﺳﻪ ﺭ ﺑﻨﻪ ﻭﺍﻱ بی ﭘﻪ یێگ ﺗﺌﻮﺭی ﺩﺍﺭﮊنێد ﮎ ﻣﺘﻮﺩﻩﮔﻪی ﺳﻪﺧﺖ ﻭ ﻧﺎﺋﺎﺷﻨﺎ ﻭ ﺩﻩﺳﮑﺮﺩﻳﻴﻪ. ﻧﺎﺳﻴﻦ ﻭ ﺩﺍﺭﺷﺎﻧﻦ ﺩﻣﻮﮐﺮﺍسی ﺋﺎﻣﻴﺮ ﺗﻮﻭﺍﻳﺪ،ﻭﺍﺗﻪ ﺑﺎﻳﻪﺩ ﭼﺸﺘﻪﻳﻠﻲ ﺳﻪﺭﻩﺗﺎﻳﻴﮓ ﺑﻴﺎﺷﺘﻮﻭﺩ، -1 ﺧﻮﺍﺳﺖ ﮔﺸﺘﻲ -2 ﻓﺎﻡ ﮔﺸﺘﻲ ﺋﺮﺍ ﺋﺎﺯﺍﺩﻱ -3ﺳﺎﺯﻳﻦ ﺑﻨﻪﻭﺍﻳﻞ ﺧﻪﻟﮑﻲ ﻭ ﻣﻪﺩﻩنی ﻭ ﭘﺮﻭﻩﺭﻩﺩﻩ ﺑﻮﻭﻥ ﺷﺎﺭﻭﻩﻧﺪ ﺋﺎﮔﺎﻩ . ﻭﻩ ﺑﺎﻭﻩ ﺭ ﻡ ،ﺋﻴﻤﻪ ﺳﺎﻟﻴﺎﻥ ﻓﺮﻩﻳﮕﻪ ﻫﺎﻳﻤﻪ ﺧﺎﻝ ﻳﻪﮐﻢ ﻭ ﻧﻪﻭﻳﺮﺳﻴﻤﻪ ﺧﺎﻟﻪیل ﺘﺮﻩﮎ ﺑﺠﻮﺭﻳﻢ،ﺯﺍﻧﻴﻢ ﮎ ﺑﺎﻳﻪﺩ ﺑﻮﻭﺩﻩ ﻳﻪی ﺗﻪﻏﻮﻭﺭ (ﺩﻏﺪﻏﻪ ) ﮔﺸﺘﻲ،ﻭﻩﻻﻡ ﻧﻴﻪﺯﺍﻧﻴﻢ ﻭﻩ ﭺ ﺷﻴﻮﻩﻳﮓ .ﺟﺎﺭ ﺟﺎﺭێگ ﻭﻩ ﻧﺎﺭﺍﺳﺘﻪﻭﺧﻮ ﺩﻩﺱ ﺩﻩﻳﺪ ﮎ ﻓﺎمێگ ﮐﻮﻣﻪلی ﻭﻩ ﺩی ﺑﺎﺭﻳﻢ،ﺟﻮﻭﺭ ﮐﻪﻣﭙﻴﻦ ﺋﺮﺍ ﺯﻧﺪﺍﻧﻴﻪﻳﻞ ﻳﺎ ﺟﻮﻟﻴﻦ ﺩﮊ ﻭﻩ ﮐﻮﺷﺘﻦ ﺑﺎﻟﻨﺪﻩﻳﻞ ﻳﺎ ... ﻳﺎﻧﻪ ﺷﺒﻪ ﺭﻩﻭﺗﻪ ﻭ ﻧﻴﻪﺗﻮﻳﻪنێد ﭘﻪﻳﺘﺎﻳﻞ ﺑﻨﻴﺪﻩ ﭘﺸﺖ ﺳﻪﺭ ﻭ ﺑﻮﻭﺩﻩ ﻣﺪﻭﻭ ﺑﺰﻭﺗﻨﻪﻭﻩﻳﮓ ﺗﺎ ﻭﻩ ﺧﺎﻝ سێیەم ﺑﺮﻩﺳﻴﻢ ﻭ ﮐﻮﻣﻪ ڵگا ﺟﻮﻭﺭ ﺷﻪﺑﻪﮐﻪیێگ ﺋﺎﮔﺎ ﻭﻩ ﻳﻪﮎ ﭘﻪﻳﻮﻩﻧﺪ ﺑﮑﺮﻳﻪﻳﺪ. ﻟﻪ بڕێگ ﺟﺎﺭﻳﺶ ﺋﻴﻤﻪ ﻟﻪ ﺧﺎﻝ ﻳﻪﮐﻢ ﭘﻪﺭﻳﻤﻨﻪ ﺧﺎﻝ سێیەم،ﻭﻩﮎ ﮐﻪﻣﭙﻪﻳﻦ ﺩﮊ ﮐﻮﺷﺘﻦ ﺑﺎﻟﻪﻧﺪﻩﻳﻞ،ﻭﻩﻻﻡ ﻓﻴﺸﺘﺮ ﭼﻮﻥ ﺣﺎﻟﻪﺗﻴﮓ ﮐﺎﺗﻲ ﺩﻳﺮێد ﻭ ﺟﻪﺭﻳﺎﻥ ﻭ ﻭﻩﺭﻭ ﮐﻮﻧﺠﮑﺎﻭی ﻭ ﻓﺎﻡ ﮐﻮﻭﻣﻪلی ﻟﻪ ﻧﺎﻭی ﻧﻪﻫﺎﺩینه ﻧﻪﮐﺮﻳﺎﺱ، ﺩﻭﻳﺎی ﭼﻪﻧﺪ ﻭﻩقتی ﻟﻪ ﻫﻮﺭﺍﻭ ﭼﻮﻭﺩ .ﻭﻩﻫﻪﺭ ﺣﺎﻝ ﺩﻩﺭﻓﻪﺕ ﺧﺎﺳﻴﮓ ﺩﺍﻣﻪﺯﺭﻳﺎﺱ ﻭ ﻫﻪﺭﭼﻪﻥ ﮐﺎﺕ ﺟﺎﺭێگ ﺷﻨﻪﻭﻳﻤﻦ ﮎ ئیتەﻭﺭ ﺭﻩﻭتێگ ﻟﻪ ﺣﺎﻝ ﭘﻪﺭﻩ ﭘﻴﺎ ﮐﺮﺩﻧﻪ . ﻟﻪ ﺋﻲ ﺷﻮﻭﻧﻪﺳﻪ ﮎ ﺭﻩﻭﻝ ﺭﻭﺷﻨﻬﻮﺭﻩﻳﻞ ﺳﻪﺭﻩﮐﻴﻴﻪ ﻭ ﺑﺎﻳﻪﺩ ﮐﻪﻟﮑﻲ ﺑﮕﺮﻥ .ﺋﻴﻤﻪ ﮎ ﻟﻪ ﺑﺎﺭ ﺗﻴﭙﻪﺭ ﮐﺮﺩﻥ ﭘﻪﻳﺘﺎﻳﻞ ﻧﺎﺗﻪﻭﺍﻧﻴﻢ ﻧﺎﭼﺎﺭﻳﻢ ﻟﻪ ﺑﺰﻭﺗﻨﻪﻭەی ﺭﻭﺷﻨﻬﻮﺭی ﺩﻩﺳﻤﻴﻪﺕ ﺑﮕﺮﻳﻢ ﻭ ﺟﻮﻭﺭ ﺩﻣﻮﮐﺮﺍﺳﻲ ﺧﻴﺎﻭﺍﻧﻲ ﻧﻪﺭمێگ ﻭﻩ ﭘﺎﻟﭙﺸﺘﻲ ﺋﺎﻣﺮﺍﺯﻩﻳﻞ ﺭﺍﮔﻪ ﻳﺎﻧﺪﻥ ﭘﻪﺭﻩ ﺑﻴﻤﻨﻪ ﭘﻲ ﻭ ﻭﻩﺭﻩﻭ ﻧﻪﻫﺎﺩﻳﻨﻪ ﺑﻮوﻥ ﺑﺎﺭﻳﻤﻨﻪی. ﺩﻣﻮﮐﺮﺍﺳﻲ ﺣﺎﺳﻞ ﻧﻤﻮﻭﺩ ﺧﻪﻟﮑﻪ ﻭ ﺑﻮوﻥ ﺧﻮﻩی ﻟﻪ ﺷﺎﺭﻭﻩﻧﺪ ﺋﺎﮔﺎ ﻭ ﺋﺎﻣﺎﺩﻩ ﻟﻪ ﮔﻮﺭﭘﺎﻥ ﻣﻪﺩﻩنی ﮔﺮێد .ﮐﻮﺭﺩﻳﺶ ﻧﺎﭼﺎﺭﻩ ﺑﺎﻳﺪﻩ ﻧﺎﻭ ﺑﺎﺯی ﻭ ﺑﺘﻮﻭﺍﻳﺪ، ﮎ ﺩﻣﻮﮐﺮﺍﺳﻲ ﺋﻪﻣﺮێگه ﺩﺭﺱ ﮐﺮﺩﻩنی ﻧﻪ ﺋﻪﻣﺮێگ ﺩﺍﺩﻩ ﻧﻲ}

^23/05/2014