هاۆنیشتمانە بەرێزەکان

جەماوەری مافخوازی کوردستان

حیزب و لایەنە سیاسی و ئاینی و کۆمەلایەتیەکان

هەر وەکی ئاگادارن بزووتنەوەی کۆماریخوازی رۆژهەلاتی کوردستان هەر لەسەرەتای دامەزرانیەوە، بەدوورەپەرێزی لە سوودوەرگرتنی دوکترینالی لە ئەندیشەی ئیستراتێژیکی سوونەتی شەرانخواز، و سوودوەرگرتن لە دوکترین و ئەندیشەی ئیستراتێژیکی مۆدێرن و ئاشتەوانخواز، و هەروەها بە لەبەرچاۆگرتنی سەردەمی هەنووکەیی و رەۆتی گۆرنکاریەکانی جیهانی، ناۆچەیی و کوردستانی، بۆ چارەسەری کێشەکان، سیاسەتی ئاشتەوyانی وەک ئیستراتێژی و پرینسیپێکی ئەخلاقی رەچاۆگرتووە و لەم راستایەشدا مکانیزمەکانی وەک دیالۆگ و گۆفتمانی ئاشتەوایی بە بنەما داناوە، بۆیە بزووتنەوە خۆی بە بەرپرسیار دەزانێ کە پیشتیوانی لەهەر چەشنە رێگاچارەیەکی هاۆشێوە بکات، کە ئاشتیانە کۆتایی بەدەمارگرژی و تووند و تیژی بهێنێت و داخوازییەکانیش جێ‌بەجێ بکات.
بزووتنەوەی کۆماریخوازی رۆژهەلاتی کوردستان "سەرکوت و شەر" بە شیاویی سەردەمی نوێ‌ی مرۆفایەتی نازانێت و گشت لایەک ئاگادار دەکاتەوە کە پێویستە وە دەبێ کە خۆیان لە هەرچەشنە توندوتیژییەک بە دوور رابگرن و بەسوودوەرگرتن لە ئەندیشەی ئیستێراتیژیکی مۆدێرن، گووتار و کرداری سیاسیان رەنگاۆ و دەنگاۆ بە ئاشتی و ئاشتەوانخوازی بکەن.
بزووتنەوەی کۆماریخوازان، لەراستای سیاسەتی ئاشتەوانخوازیی دا، هەر وەک پشتیوانی لەهەر هەۆلێکی ئاشتیخوازانە بۆ چارەسەری کێشەی نەتەوەی کورد دەکات، هەر بەۆ پێیەش پەیامی ئاشتەوایی پژاک بە پەیامێکی ئیجابی و شایانی پشتگیری و پشتیوانی دەنرخێنێ و خۆێ هاۆدەنگ دەگەل پەیامیان دەزانێ. دیارە هەر هەۆلێکی ئاشتیخوازانەی کورد بۆ چارەسەری کێشەکان، نەتەنیا پێش بە شەر و گرژی و ئاکار و گووتاری رادیکالی، وە هەوەها نەهامەت و مالوێرانی زیاتر دەگرێت، بەلکوو رەوایی زیاتر بەخەبات و داخوازییەکانی کوردان دەبەخشیت.

نامە سەرئاوەلەکەی پارتی ژیانی ئازادی کوردستان بۆ رێبەری ئێران ئایەتوللا عەلی خامنەیی، سالەکانی ١٣٥٧/٥٨مان بیردەخاتەوە کە کورد چۆن داوای مافە رەواکانی لە ئایەتووللا خومەێنی کرد و زۆر بەداخەوە لەئەنجامی بێ ئازموونی لایەنەکانی دەخیل لە کێشەی کوردستان دا، نەک هەر ئاکامی پۆزیتیڤ و ئیجابی لێنەکەۆتەوە، بەلکوو بەدوور لە ئیرادەی خەلکی خاوەن مافی کوردستان، ئاگری شەرێکی خوێناویی و درێژخایەنی لێکەۆتەوە، کە ئێستاش و داهاتوشی دەگەلدا بیت، ئاسەوارە مادی و مەعنەوەیەکانی بەشێک لە لاپەرەکانی مێژوویی پردەکەنەوە. هەر بۆیەشە
بزووتنەوەی کۆماریخوازی رۆژهەلاتی کوردستان ئاواتەخوازە کە گشت لایەک، دلسۆزانە و بەرپرسیارانە سەبارەت بەشجاعەتی سیاسی پارتی ئازادی کوردستان، هەلویست وەربگرن و نەهێلن رابردوویی تال و خوێناویی گەلەکەمان، لەئەنجامی بێمشووری و بێتەفاوەتی لایەنەکان دووپات و چەند پات بێتەوە.

هەر بژی ئاشتی و سیاسەتی ئاشتەوانخوازی

بزووتنەوەی کۆماریخوازی رۆژهەلاتی کوردستان

4/06/2913