^{هاونیشتمانانی بەرێز و خۆشەویست
خەڵکی بەشەرەف و خۆراگر و مافخوازی کوردستان}

^{بزووتنەوەی کۆماریخوازانی روژهەڵاتی کوردستان، به بۆنەی جێژنی نەورۆز و هاتنی ساڵی تازەی ۲۷۲۳کوردی،و نوێ بوونەوەی سروشت و نەورۆزی كوردەواری، پیرۆزبایی ئاراستەی تێکرای ئازادیخوازان، بنەماڵەی شەهیدان، زیندانیانی سیاسی، چالاکوانانی گۆرەپانی خەباتی مەدەنی و سەرجەم گەلی کوردستان دەکات.}

^{بەرێزان
هەر وەك ئاگادارن، بزووتنەوەی کۆماریخوازانی رۆژهەڵاتی کوردستان وەک جەریانێکی سیاسی/ مەدەنی، ئاشتیخواز و لایەنگری هاوژینی بە ئاشتی و دیالۆگ و دانووستاندنی ئاشتەوایی، لە ۱۲ ساڵی رابردوودا، کۆی کار و تێکۆشانی لەراستای زەق کردنەوەی مافی قایم بەزات، مافی مرۆڤ و مافی دیاریکردنی چارەنووس،و دەستەبەرکردنی سەروەری سیاسی/ نەتەوەیی لە شکڵی مومکین دا، بۆ کوردی رۆژهەلاتی كوردستان جهەتدار كردووە، وە لەو راستایەدا هەردەم تێکۆشاوە تاکوو بەستێنی گونجاو و لەبار، وە هەلوومەرجی تەژی لە ئاشتی و لێکتێگەیشتنی پر لەحاوانەوە و پێکەوەسازانی دەرفەتساز و گۆران خوڵقێن، زاڵ بکردرێت بەسەر دۆخ و کەشی پر لە دوگم و شەر و ناتەبایی و چەقبەستوویدا.}

^{بۆیە لەوپەیوەندیەدا بزووتنەوەی کۆماریخوازانی رۆژهەلاتی کوردستان، لە چەند سالی رابردوو دا، روو لەگشت لایەك خوازیاری دوورەپەرێزی لە سوودوەرگرتن لە "ئەندیشەی ئیستراتیژیکی سوونەتی" بوو، ئەندیشەیەک کە مەخابن گۆفتمانی شەر و کرداری گرژ و رادیکالیزمی پڕتێچوو وە کارەساتباری، وەک تەنیا مکانیزمی یەکلاییکردنەوەی کێشەکان تەبلیغ و توسییە دەکرد،
هەربۆیەشە بزووتنەوەی کۆماریخوازان بەردەوام پێداگربوو کە کورد و حیزبەکان دەبێ هەولبدەن لەژێر تیشکی"ئەندیشەی ئیستراتیژیکی مۆدێرن"، کە دیالۆگ و دانووستاندنی ئاشتەوایی دەگەل لایەنی بەرامبەر، وەک مکانیزمی هەرە کارا و گوونجاو لەم سەردەمەدا، بۆ حەللی کیشە و گرفتەکان دەستنیشان دەکات، سیاسەتگووزاری بکەن،و بەرپرسانە ئاجێندە و بەرنامەی کاری سیاسیان لەسەر ئاستی ” ئەندیشەی ئیستراتێژیكی مۆدێرن” ئامادە و گەلالە بکەن، تابەڵکوو بتوانرێت بە هاریکاری و هەرەوەزێکی گشت لایەنی،و لەچوارچێوەی عەقلانییەتی سیاسی و رێئال پۆلیتیک ‌دا، بەسوودوەرگرتن لە هوونەری سیاسەت و تەعاموولی پراگماتیستانە، "ناموومکینات، موومکین" بکردرێت و بەکردەوە ئازموونەکانی گەلانی جیهان لە پێناو دەستپێکی دیالۆگ، و لەئەنجامدا دەستەبەرکردنی ئاشتی و ئازادی و چێکردنی مافی خۆبەریوەبەری خۆجەیی، بە رۆژهەلاتی بکردرێن،و بەجێگای شەری پر تێچوو، حکومەتی دیفاکتۆ و خۆمالی رابگەیەندرێت،و ئەو حکومەتە بۆ دیژۆر و یاسامەندبوونی دەگەل لایەنەکانی دەخیل لە پرس و چارەنووسی کوردی رۆژهەلاتدا، واریدی دیالۆگ و دانووستاندنی ئاشتەوایی بێت.
کارێک کە بزووتنەوەی کۆماریخوازان بەهۆی بایەخ پێنەدانی حیزبەکان، سەرئەنجام بە کەڵکوەرگرتن لە کەش و هەوا و ئاکامە سەلبی و ئیجابیەکانی شۆرشی ژینا لەلایەک، و و هەروەها تووشهاتنی کورد و حیزبەکان بە چەشنێک قەیرانی شووناسخوازی و گۆفتمانی لە بەرامبەر سەلتەنەتخوازەکان و ئوپۆزیسیۆنی تەواوییەتخوازی سەرانسەری لەلایەکیترەوە، بێ سەبرانە بەلام پراگماتیستانە، هەستا بەئەنحامدان و راگەیاندنی شورای بەرێوەبەری کاتی حکومەتی دیفاکتۆ و خۆمالی کوردستان، شورایەکی بەرێوەبەری کاتی کە هەلدەگرێت لەئێستادا گشت لایەک و حیزبەکان بەهی خۆی بزانن و عەمەلەن خاوەندارییەتی لێبکەن.}

^{بزووتنەوەی کۆماریخوازانی رۆژهەلاتی کوردستان، دەگەل پیرۆزبایی دووبارە لەگشت لایەك، ساڵی نوێ، وەک "سالی دیالۆگ و دانووستاندن لە پێناو ئاشتی‌ و گەیشتن بە ئازادی،و چیبوونی حکومەتی خۆمالی" ناودێر دەکات، و هەر لەو راستایەشدا روو لە گشت ئەکتەرگەلی ناو گۆرەپانی خەباتی مەدەنی و رزگاریخوازی کوردستان عاجزانە داواکارە، کە بۆ سەرخستنی پرۆژەی بەئاشتیکردنی کەیسی کورد،و لەو بەینەدا راگواستنی حکومەتی دیفاکتۆ بۆ ناخۆ و دیژۆر و یاسامەندکردنی لە چوارچێوەی یاسای بنەرەتی ئێراندا، کە بزووتنەوەمان پێ‌هەستاوە، شورای بەرێوەبەری کاتی حکومەتی دیفاکتۆ و خۆمالی کوردستان، هاوکاری سەمیمانە و کارسازانە بکەن. تابەلکوو بتوانرێت بەم‌چەشنە و لەئەنجامی هاریکاری سەمیمانە و پر لە دیالۆگی گشتگیرانە و بەشدارانە، سالی نوێ بە سالی دیالۆگ و دانوستاندن دەگەل تاران و لەئەنجامدا جێژنی داهاتوو، بە جێژنی چیبوونی حکومەتی خۆمالی کوردستانی ئێران،و وەدیهاتنی ئامانجە لەمێژینەکانی نەتەوەکەمان لەم بەشە لە کوردستان‌دا، تەبدیل بکردرێت.}

^{سەرکەوێ ئیرادەی مافخوازانەی گەلی کورد،
بەڵێ بۆ ئاشتی، ئازادی،و هاوژینی بە ئاشتی،و حکومەتی خۆمالی
نەورۆزتان پیرۆز و هەموو رۆژتان نەورۆز}

^{بزووتنەوەی کۆماریخوازانی رۆژهەلاتی کوردستان}

٢٩ی رەشەممەی ٢٧٢٢ی کوردی

٢٠ی مارسی ٢٠٢٣ی زایینی