^{گەلی خۆراگری کوردستان !
مامۆستایان و گەورەکانی شار و گوند و رێکخراوە مەدەنیەکان و چین و توێژەکانی کوردستان !}

^{بە داخەوە لە وەرزی سەرما و سەخڵەتی دا لەماوەی مانگێک دا دوو کارەساتێکی سرووشتی و بەڵاگیر بەرۆکی وڵاتەکەمانی لە سێ بەشی کوردستان دا گرتۆتەوە، کە ئەویش بوومەلەرەزەی شاری خۆی رۆژهەڵاتی کوردستان لە رۆژی ۸ی رێبەندان بە پلەی ۵.۹ پێوەری ریختەری، و هەروەها رۆژی ۱۷ی رێبەندان بوومەلەرزەیەک بە پلەی ۷.۸ پلە بە پێوەری ریختەری لە قوڵایی زنحیرە چیاکانی تورۆس لە مەرعەشی باکووری کوردستان، کە جیا لەوەی چەندین گوند و گەرەک و شاری خاپوور کردووە، بەلکوو بۆتە هۆی هەزاران کوژراو و بریندار و هەزاران کەسیش لە ژێر بینا وێرانەکاندا ماونەتەوە، شیمانەی ئەوەش دەکرێ کە بەداخەوە ئاستی ئامارەکان بەرو هەڵکشان بروات.}

^{ئەم کارەساتە سرووشتییە دڵتەزێن و ویژدان هەژێنە، هەموو لایەکیی دڵگران و ناراحەت کردووە،  بۆیە تەنیا رێگای چارەسەری ئەوەیە کە بە گەلەکۆمێ و هەرەوەزێکی هەمە لایەنە و گشتگیرەوەی کۆمەڵانی خەڵکی کوردستانی گەورە، بە هانای خوشک و برا و هاووڵاتی و هاونەتەوەیەکانمان لەو ناوچانەی کوردستان کە زۆرتر کەوتووتە بەر کاریگەری بوومە لەرزەکەوە بچین.
ئاواتەخوازین دواین خەم و ناخۆشی گشت لە لایەکمان بێت و رووحی هەموو ئەو ئازیزانەی گیانیان لەدەست داوە شاد و جێگایان بەهەشتی بەرین بێت، هیوای ساغ و سەڵامەتی بو برینداران دەخوازین.
بزووتنەوەی کۆماریخوازانی رۆژهەڵاتی کوردستان}

^{۱۸ی رێبەندانی ۲۷۲۲ی کوردی 
۷ی  فێوریەی ۲۰۲۳ زایینی}