^{زۆر بەرێزان سەرکردایەتی حیزبی دێموکراتی کوردستانی ئێران}

^{هەواڵی یەکگرتنەوەی بنەمالەی گەورەی حیزبی دیمۆکرات بوو بە مایەی خۆشحالیمان، بۆیە لەم پەیوەندییەدا بزووتنەوەی کۆماریخوازانی رۆژهەڵاتی کوردستان، زۆر بە گەرمی پیرۆزبایی یەکگرتنەوەی رێزەکانی حیزبی دێموکرات حدک و حدکا، و سەرئەنجام راگەیاندنی دەستپێکی تێکۆشانتان لە چوارچێوەی حیزبێکی یەکگرتوو، بەناوی حیزبی دیمۆکراتی کوردستانی ئێران، ئاراستەی ئێوەی هێژا و تێکۆشەر دەکات.}

^{بزووتنەوەی کۆماریخوازی رۆژهەڵاتی کوردستان یەکگرتنەوەی دێموکراتەکان کە پشتئەستوور بە هێز و دینەمۆ و ئازموونی ۷۷سال خەباتی گشت رەهەندی لەپێناو دەستخستنی ئامانجی گەلی کورد لە رۆژهەلاتی کوردستانن، بۆ دەستپێکردنی خەباتێکی نوێ، بەشێواز و مێتودی نوێ بەلام کەم تێچوو، لە پێناو دەستەبەرکردنی مافی قایم بەزاتی کوردی رۆژهەلاتی کوردستاندا، بە خاڵێکی ئیجابی و گرنگ دەنرخێنێت. بۆیە بزووتنەوەی کۆماریخوازان هێواخوازە کە حیزبی دیمۆکراتی کوردستانی ئێران دەگەل رێزێرۆکردنی مافی دیفاع و بەرگری رەوا، ئەم جارە هەولبدات بەلکوو لە دەستپێکی خەباتی تازەیدا، ئیستراتێژی و ئامانجی ئیستراتێژیکی خەباتی، بە شێواز و مێتۆدگەلێکی کەم تێچوو لە خەباتدا تەیار بکات، کە لەئەنجامدا دەگەل پاراستنی ئەمنیەتی فیزیکی ئەندامان و پێشمەرگەکان،و گشت خەلکی ناوخۆی وەلات، و هەروەها مەسلەحەتی حکومەتی هەرێمی کوردستانیش لە ناوچەدا رەچاو و مسەوگەر بکات.}

^{بێشک ئەم دەستپێشخەریە نایاب و کارسازە حیزبی و نیشتیمانیە، دەتوانی لە بووارگەلی رێکخراوەیی، گۆفتمانی، وە شێوازگەلی خەباتی سیاسی، مەدەنی و سەربازی(دیفاع و بەرگری رەوا) رێخۆشکەر و شوێندانەر بێت لەسەر ئاستی کۆی سیستەمی حیزب کوردستانی، بۆ ئەوەی لەئەنجامدا دەگەل بەجەماوەری کردنی گۆفتمانی موەحەدی سیاسی، لەئاکامدا ساغکردنەوەی سازانی نیشتمانی و یەکگرتوویی ناوماڵی کورد لە رۆژھەڵاتی کوردستانی لێبکەوێتەوە، کە بێگوومان ئەو یەکگرتوویی و سازانی ناومالی کوردەش لە تەعاموول دەگەل لایەنی بەرامبەر، سەرئەنجام پشتئەستوور بە هێز و گۆفتمان و کرداری موەحەد، دابینکردنی مافی پێشێلکراویی کورد، بە ئەمری واقیع تەبدیل دەکات.}

^{بزووتنەوەی کۆماریخوازانی رۆژهەڵاتی کوردستان وێرای بەرزنرخاندنی ئەم هەوڵە بۆ یەکگرتنەوەی رێزەکانی حیزبی دێموکرات، دیسانەوە پیرۆزبایی ئاراستەی گشت تێکۆشەرانی حیزبی و گەلی کورد لە کوردستانی ئێران دەکات،و هیواخوازە کە ئەم دەستپێشخەریە لەپێناو ساغکردنەوەی یەکانگیری ریزەکانی حیزبی، تەشەنەی بستێنێت و بکرێتە بنەمای لێکتێگەیشتنێکی گشتگیرانە و هاوبەشی نێوانحیزبی سەرجەم حیزب و ڕێکخراوەکانی رۆژهەڵاتی کوردستان،و پشت ئەستوور بەهێزێکی یەکانگیر و قائیم و وەفادار بە ساز و کاری دێموکراسی کۆنسێسوال و تەوافقی، کۆی هێز و توانای کورد لە پێناو دەستەبەرکردنی ئەسڵی سەروەری سیاسی و نەتەوەیی لە شکلی مومکین بۆ کوردی رۆژھەڵات جەهەتدار بکات، و سەرئەنجام چەسپاندنی ئاشتی و ئازادی، بەختەوەری و هاوژینی بەئاشتی و تەناهی بۆ گەلی کورد لە رۆژهەڵات دا، مسۆگەر بکات.}

^{سەربەرزی و سەرفەرازی و پێشوەچوونی زیاترتان بۆ ئاواتەخوازین
لەگەڵ رێزمان دا..
بزووتنەوی کۆماریخوازانی رۆژهەڵاتی کوردستان
۳ی خەرمانانی ۲۷۲۲ کوردی
۲۵ی ئاگۆستی ۲۰۲۲ زایینی}