^{رۆژی سێ شەممە رێکەوتی ۲۶ی ۵ی ۲۰۲۱ ئازاد محەممەدزادە نوێنەری بزووتنەوەی کۆماریخوازان لە شاری سلێمانی سەردانی پەیوەندییە گشتییەکانی یەکێتی نیشتمانی کوردستانی لە شاری سلێمانی کرد و لە لایەن مامۆستا مەحموود دەربەندیخانی بەرپرسی بەشی پەیوەندییەکانی رۆژھەڵاتی کوردستان و هەروەها سالار سەرحەد خەلیفە بەرپرسی پەیوەندییە کوردستانییەکان بە گەرمی پێشوازی لێ کرا.}

^{لە سەرەتایی ئەم دیدارەدا لە لایەن نوێنەرایەتی بزووتنەوەی کۆماریخوازان وێرای ئاراستەکردنی پیرۆزبایی گەرم بە بۆنەی ۱ی ۶، ۴۶مین ساڵیادی دامەزراندنی یەکێتی نیشتمانی کوردستان وەک هێزێکی دیار و کاریگەر لە گۆڕەپانی خەباتی سیاسیی و نەتەوەیی لەسەر ئاستی کوردستانی گەورە دا، باس لە رۆڵی گاریگەری یەکێتی نیشتمانی و دەوری حەکیمانەی سەرۆکی کۆچکردوو مام جەلال تاڵەبانی بەنیسبەت چارەسەری ئاشتیانەی پرسی کورد لەسەر ئاستی کوردستانی گەورە کرا، و خۆشحاڵی بزووتنەوەی کۆماریخوازانی بە نیسبەت سەرکردایەتی نوێی یەکێتی نیشتمانی دەربڕی کە بە هەمان روحیاتەوە شێلگێرانە لەسەر رێباز و بیری مام جەلال تاڵەبانی بەردوامن و ئاواتی خواست رۆژ بە رۆژ زیاتر بەرەو درەوشانەوەی زیاتر هەنگاو هەڵبگرن.}

^{هەر لەم پەیوەندییەدا شاندی یەکێتی نیشتمانی کوردستان پرۆژەی کۆماریخوازانیان وەک شاکلیکی چارەسەری کورد لە ئێران ناوبرد کە دەتوانێ رەوشی کورد لەو بەشەی کوردستان بەرەو گۆڕانی بنەرەتی و گەورە ببات، و لە درێژەی باسەکە دا شاندی خانەخوێ بە بایەخەوە لەسەر گوفتمانی دیاڵۆگی ئاشتەوایی بزووتنەوەی کۆماریخوازان بە ئەرێنی روانگە و بیروبۆچوونیان خستە روو و وەک پێویستییەکی هەنووکەییان بۆ ئەمرۆی کورد زانی و بەئیجابی نرخاندیان، و تێیدا ئاماژەیان بە نزیکی گوتاری و مەخرەجی هاوبەشی نێوان یەکێتی نیشتمانی کوردستان و بزووتنەوەی کۆماریخوازانیان کرد،و دوو لایەن بە نیسبەت چالاکی و تێکۆشانی هاوبەش و هاوکاری زیاتر لە هەموو روویەکەوە لە داهاتوودا کۆک بوون.
لە بەشێکی تری ئەم دیدارەدا باس لە دەرفەتەکانی بەردەم چارەسەری پرسی کورد لە رۆژهەڵاتی کوردستان و لەسەر زەروورەتی یەکگوتاری و یەکانگیریەکی بەهێزی نەتەوەیی لەسەر ئاستی هێزە سیاسیەکانی رۆژهەڵاتی کوردستان کرا.}

^{لە کۆتایی دا دوولایەنی بزووتنەوەی کۆماریخوازان و یەکیەتی نیشتمانی کوردستان لە سەر درێژەی پێدانی دۆستایەتی و پەیوەندییەکان و قایم راگرتنی پەیوەندی دووقۆڵی پێداگریان کرد.
‎
جێگای ئاماژەیە کە لە لایەن یەکێتی نیشتمانی کوردستانەوە بە شێوەی فەرمی شاندی بزووتنەوەی کۆماریخوازان بۆ ساڵیادی دامەزراندنی یەکێتی نیشتمانی کوردستان ۱ی ۶ بانگهێشت کرابوون.}