^{عەبدوڵا ئۆجەلان، رێبەری زیندانیكردنی پارتی كرێكارانی كوردستان(پەكەكە) لە نوێترین پەیامیدا ئامادەیی خۆی دەردەبڕێت بۆ گەیشتن بە چارەسەر لەگەڵ توركیاو دەشڵێت؛ دەتوانێت لەماوەی یەك هەفتەدا شەڕ رابگرێت.}

^{ئاوێنە: نوسینگەی پارێزەرانی سەدە، ئەمڕۆ پێنجشەممە، ناوەڕۆكی پەیامێكی نوێی ئۆجەلان-یان بڵاوكردەوە كە لەمیانی سەردانەكەی دوێنێی پارێزەراندا بۆ دورگەی ئیمرالی، ناردویەتی.}

^{بەپێی بەیاننامەیەكی نوسینگەی پارێزەرانی سەدە، ئۆجەلان لە پەیامەكەیدا رو لە حكومەتی توركیاو هێزە جیهانییەكان وتویەتی"دەمەوێت پێگەیەك هەبێت بۆ گەلی كورد، وەرن پێكەوە كێشەی كورد چارەسەر بكەین، دەڵێم لەماوەی یەك هەفتەدا دەتوانم كۆتایی بە ئەگەری شەڕ بهێنم، چارەسەرەكان بخەمەڕو، من متمانەم بەخۆم هەیە، ئامادەم بۆ چارەسەر، پێویستە لەسەر دەوڵەتی توركیاش بەو ئەركانە هەڵبسێت كە لەم چوارچێوەیەدا دەكەونە سەر شانی."}

^{هەروەها ئۆجەلان هێمای بۆ ئەوەش كردوە كە پێویستە حكومەتی توركیا چەند هەنگاوێكی پێویست هەڵبگرێت بۆ جێبەجێكردنی هەر چارەسەرێك و كوردیش پێویستی بە دەوڵەتێكی سەربەخۆ نییە.}

١٠/٨/٢٠١٩