^{زیاتر لە ١٥٠ هێکتار لە دارستانەکانی سەردەشت، بوو بە نێچیری ئاگر.}

^{بەپێی ڕاپۆرتی کوردپا، ئاگری دارستانەکانی "مەلا شێخ، شینوێ، بێزێلیـ"ـی سەردەشت، دوای دوو ڕۆژ، لە لایەن هاووڵاتییان و ناوەندە مەدەنییەکانەوە، کۆنترۆڵ کرا.}

^{بە وتەی ژینگەپارێزان، زیاتر لە ١٥٠ هێکتار لە دارستانەکانی ئەم ناوچەیە سووتان و زۆرێک لە دار و ئاژەڵە کێوییەکانیش بوون بە قەقنەس.}

^{ژینگەپارێزان ڕایانگەیاند: "بەرپرسان دەیانەوێت قووڵیی ئەم کارەساتە بە کەم نیشان بدەن تا نابەرپرسیاریەتیی خۆیان بشارنەوە".}

^{دەوترێت کە وێڕای داواکاریی بەرپرسانی شاری سەردەشت، بەرپرسانی پارێزگای ورمێ، هیچ هەوڵێکیان بۆ ناردنی هێلیکۆپتێری ئاگرکوژێنەوە، نەداوە.}

^{ڕۆژی پێنجشەممە، ١٠ی گەلاوێژ، بەشێکی زۆر لە دارستان و لێڕەوارەکانی گوندەکانی "مەلا شێخ، شینوێ و بێزێلی"، تووشی ئاگرکەوتنەوە بوون.}

4/8/2019