^{محەمەد جەواد زەریفی وەزیری دەرەوەی ئێران رایگەیاند "هەنگاوی سێیەمی كەمكردنەوەی پابەندییەكانی ئێران لەئێستادا كاتییەتی، ئەوەش مافی كۆماری ئیسلامی ئێرانە، كە ئایا ئەو هەنگاوە جێبەجێبكات یان نا".}

^{قسەكانی محەمەد جەواد زەیف وەك هەڕەشەیەك بوو بۆ ئەوروپاو راشیگەیاند "هەموو ئەندامانی لیژنەی هاوبەشی رێكەوتننامەی ناوەكی، گەیشتوونەتە ئەو ئەنجامەی، كە ئەمەریكا لەپشت ئەو گرژیانەوەیەو داواكارییەكانی ئێرانیش هەر لەسەرەتاوە سنووردار و ڕوون بوون، هیچ پێشبینییەكیش نەبوو، كە داواكارییەكانی ئێران لەسنووری رێكەوتننامەی ناوەكی بڕۆنە دەرەوە".}

^{وەزیری دەرەوەی ئێران ئەوەشی راگەیاند "ئەگەر بێت و رێكەوتننامەی ناوەكی بەتەواوەتی لەلایەن ئەوانی ترەوە جێبەجێنەكرێت، ئەوە ئێمەش بەناتەواوی جێبەجێیدەكەین، بەدڵنیایی هەموو رێوشوێنەكانمان لەچوارچێوەی رێكەوتننامەی ناوەكیدایە".}

^{وەك ئاماژەیەكیش بۆ داواكاری هەندێك وڵاتانی ئەندام لە رێكەوتننامەی ناوەكی بۆ هەڵوەشاندنەوەی "هەنگاوی سێیەم" لەلایەن ئێرانەوە بۆ كەمكردنەوەی پابەندییەكانی، زەریف باسی لەوە كرد، كە ئەو كارە تەنیا پەیوەندی بە كۆماری ئیسلامی ئێرانەوە هەیەو بڕیار لەو بابەتە بدات، هەڕەشەشی كرد، كە ئەگەر لایەنەكانی تر پابەندییەكانیان بەجێنەهێنن، ئەوە هەنگاوی تریش دەنێین.}

^{ئێران‌و ئەمریكاو وڵاتانی تری ئەوروپاو روسیاو چین ساڵی 2015 رێككەوتنی ئەتۆمیان واژوو كرد، بەڵام بەهۆی كشانەوەی ئەمریكا لەرێككەوتنەكە، ئێستا كێشە دروست بووەو ناوە ناوەش تاران هەڕەشەی هەڵوەشانەوەی دەكات.}

4/8/2019