^{میدیا خۆجێـیەکان لە شاری هەولێر دەڵێن لە تەقەکردنێکدا لە نێو ڕێستورانتێکی شارەکەیان جێگری کونسوڵی تورکیا کوژراوە.}

^{کاربەدەستانی ئاسایشیش لای خۆیانەوە دەڵێن کارمەندێکی کونسوڵخانەی تورکیا و هاوڵاتیەک کوژراون و کەسێکیش برینداربووە.}

^{بەپـێی زانیاریـیە سەرەتایـیەکان کەسێک هێرشەکەی ئەنجامداوە و هەڵهاتووە.}

^{هێزەکانی ئاسایش چواردەوری ناوچەی ڕووداوەکەیان گرتووە و لە هەوڵدان ئەنجامدەرەکە دەستگیربکەن.}

^{کاربەدەستانی تورکیا دەڵێن تەنیا کارمەندێکی کونسوڵخانەکەیان کوژراوە.}

^{ئیبراهیم کالن گوتەبێژی سەرۆکایەتی تورکیا لەسەر تویتەرەکەی نووسیویەتی فەرمانبەرێکی کونسوڵخانەکەیان لە هەولێر کوژراوە وە هەوڵەکان دەسـتیانپـێکردووە بۆ دۆزینەوەی ئەنجامدەرانی هێرشەکە. هەروەها نووسیویەتی وەڵامی هێرشەکە دەدەنەوە.}

^{کاربەدەستێکی پەکەکە ڕەتیکردەوە ئەوان دەستیان لە هێرشەکەدا هەبووبێت.}

^{باڵیۆزخانەی ئەمەریکا لە بەغدا هێرشەکەی شەرمەزارکرد و سەرەخۆشی لە شاندی دیپـلۆماسی تورکیا کرد و جەختی کردەوە سەر گرنگی بەرگریکردن لە سەلامەتی دیپـلۆماتانی بیانی و شوێنە دیپـلۆماسیـیەکان لە عێراق.}

17/7/2019