^{هێزە ئەمنییەتییەکان، ڕێگرییان لە بەڕێوەچوونی ڕێوڕەسمی ساڵوەگەڕی "محەمەد سەلاس"، یەکێک لە دەروێشەکانی گۆنائابادیی نیعمەتوڵڵاهیی ئێعدامکراو، کرد.}

^{"عەلی سەلاس"، کوڕی "محەمەد سەلاس"، بە بڵاوکردنەوەی بەیاننامەیەک ڕایگەیاند: "سەرەڕای ئامادەکاری بۆ ساڵوەگەڕی ڕێوڕەسمی محەمەد سەلاس و بەڕێکردنی هەموو بانگهێشتنامەکان، هێزە ئەمنییەتییەکان پێیان ڕاگەیاندین کە نابێ ئەو ڕێوەڕەسمە بەڕێوەبچێت."}

^{ناوبراو لەو بەیاننامەیەدا، دەڵێت: "سەرەڕای گرتنی تالار و ئامادەکاری بۆ ئەو ڕێوڕەسمە و ڕێگریکردنی هێزە ئەمنییەتییەکان لەو ڕێوڕەسمە، ئێمە وەک بنەماڵەی سەلاس، ناڕەزایەتیی خۆمان دەردەبڕین و لە ڕێگای ئەو بەیاننامەیەدا، دەڵێین کە زوڵم و زۆر بەسە."}

^{ڕۆژی ٢٨ی جۆزەردانی ساڵی ٩٧، حوکمی ئێعدامی "محەمەدڕەزا سەلاسی باباجانی"، یەکێک لە دەروێشەکانی گۆنائابادیی نیعمەتوڵڵاهی لە زیندانی ڕەجایی شاری کەرەج، جێبەجێ کرا.}

^{ناوبراو، بەوە تۆمەتبار کرابوو کە ڕۆژی ٣٠ی ڕێبەندانی ساڵی ٩٦، لە ئەنجامی تێکهەڵچوونی نێوان دەروێشە گۆنابادییەکان و مەئموورانی ئینتزامی لە شەقامی پاسدارانی شاری تاران، لە کاتی لێخوڕینی ئۆتووبووس، سێ کەس لە مەئموورانی هێزە ئینتزامییەکانی کوشتووە.}

19/6/2019