^{بەلەمێکی سەر بە هێزی دەریای ئێران ئاو دەکات بە کەشتیە سوتەمەنیەکەدا لە کەنداوی عومان تاوەکو بیکوژێنێتەوە}

^{ئێران وتی بەرپرسە لە ئاسایشی تەنگەی هورموز و تۆمەتبارکردنی ئێران بە تۆمەتی هێرشکردنە سەر دوو کەشتیەکەی کەنداوی عومان جێی نیگەرانییە.}

^{وتەبێژی وەزارەتی دەرەوەی ئێران عەباس موسەوی وتی " ئێمە بەرپرسین لە پاراستنی ئاسایشی تەنگەکە و لە کەمترین کاتدا ستافی هەردوو کەشتیەکەمان ڕزگارکرد. تۆمەتەکانی وەزیری دەرەوەی ئەمەریکا مایک پەمپیۆ بۆ ئێران جێی نیگەرانیە."}

^{جێی ئاماژەیە ئەمەریکا وتی ئێران بەرپرسیارە لە هێرشەکانی سەر دوو کەشتیەکەی کەنداوی عومان کە ئەوەش بووە هۆی ئەوەی نرخی نەوت زیاد ببێت و ترسەکانی ڕووبەڕووبوونەوەی نێوان ئێران و ئەمەریکا سەرلەنوێ سەری هەڵدایەوە، بەڵام تاران بەتەواوەتی ئەوەی ڕەت کردەوە.}

^{تا ئێستا نەزانراوە چی بەسەر دوو کەشتیەکەدا هات کە یەکێکیان فڕەنت ئاڵتێری نەرویجییە و ئەوی دیکەیان کوکوکا کاریدجسی ژاپۆنییە، هەردوو کەشتیەکە تەقینەوەیان تێدا ڕوویدا و ئەوەش ستافی کەشتیەکانی ناچار کرد لە ئاوی نێوان وڵاتانی کەنداو و ئێراندا کەشتیەکان جێبهێڵن.}

^{سەرچاوە/ ڕۆیتەرز}

15/6/2019