^{وتەبێژی حكومەتی ژاپۆن رایگەیاند شینزۆ ئابێی سەرۆك وەزیر سەردانی ئێران دەكات بە ئامانجی هەوڵدان بۆ كەمكردنەوەی گرژییەكانی نێوان تاران و واشنتۆن, وتەبێژی حكومەتی ژاپۆن كەهاوكات لێپرسراوی سكرتاریەتی حكومەتی ژاپۆنیشە، ئاماژەی بەوەشداوە كە سەردانەكەی ئابێ بۆ ئێران دەبێتە یەكەم سەردانی لێپرسراوێكی ژاپۆن دوای 41 ساڵ بۆ ئەو وڵاتە , بەبێ‌ ئەوەی وردەكاری و رۆژی سەردانەكە ئاشكرابكات , بەڵام ئاژ انسی دەنگ‌ و باسی كیۆدۆ و میدیاكانی تری ژاپۆن دەڵێن ئابێ لە نێوان 12 بۆ 14 ی ئەم مانگی سەردانی تاران دەكات و لەوێ لەگەڵ هەریەك لە عەلی خامەنەئی ڕابەری باڵای شۆڕشی ئیسلامی ئێران و حەسەن ڕۆحانی سەرۆكی ئێران كۆدەبێتەوە و هەوڵی كەمكردنەوەی بارگرژییەكان و نێوەندگیری دەكات بۆ دۆزینەوەی رێگە چارە بۆ ناكۆكییەكانی نێوان تاران و واشنتۆن.}