^{بیهروز کەمالوەندی، گوتەبێژی ئاژانسی وزەی ئەتۆمی ئێران رایگەیاند، وڵاتەکەی پیتاندنی یۆرانیۆم بۆ چوار هێندە زیاددەکات.}

^{بیهروز کەمالوەندی رایگەیاند، پابەندی سنووردارکردنی پیتاندنی یۆرانیۆم نابن بەپێی رێککەوتنی ئەتۆمی و پیتاندنی یۆرانیۆم بۆ چوار هێندە زیاددەکەن.}

^{ئەوەش لەکاتێکدایە دۆناڵد ترەمپ، سەرۆکی ئەمریکا رایگەیاندووە، رێگە بە ئێران نادات دەستی بە چەکی ئەتۆم بگات.}

^{ترەمپ بە فۆکس نیوزی ئەمریکی راگەیاند، لەو کاتەوەی بووەتە سەرۆکی ئەمریکا چەندین کۆبوونەوەی لەگەڵ فەرماندە سەربازییەکانی وڵاتەکەی لەبارەی ئێران کردووە، فەرماندە سەربازییەکان نەخشەی رۆژهەلاتی نێوەڕاستیان پیشانداوە و لە 14- 15 شوێنی ناوچەکەدا شەڕ و کێشە هەن، کە بەگوتەی ترەمپ "لە هەموویاندا ئێران لە پشت کێشەکانەوەیە'.}

^{ترەمپ دەڵێت، نایەوێ شەڕ دژی ئێران هەڵبگیرسێنێت، بەڵام رێگەش نادات ئەو وڵاتە دەستی بە چەکی ئەتۆم بگات. دەشڵێت بەهۆی گوشار و گەمارۆکانی ئەمریکا، ئابووری ئێران داڕماوە.}

٢٣/٥/٢٠١٩