^{چەند بەرپرسێکی ئەمەریکی بە ئاژانسی هەواڵی رۆیتەرزیان گوتووە، ئەمەریکا نیازی هەیە سوپای پاسدارانی ئێران بخاتە لیستی تیرۆرەوە.}

^{یەکەمجار دەبێت ویلایەتە یەکگرتووەکانی ئەمەریکا سوپای فەرمی وڵاتێک بخاتە لیستی تیرۆرەوە و بڕیارە رۆژی دوو شەممە یاخود لە چەند رۆژی ئایندە ئەمەریکا ئەو هەنگاوە بنێت.}

^{بڕیارەکەی ئەمەریکا مەترسی بۆخۆشی هەیە چونکە رەنگە وڵاتە نەیارەکانی ئەمەریکا بە هەمان شێوە سوپای ئەمەریکا بخەنە لیستی تیرۆرەوە.}

^{لە ساڵانی رابردوو، ئەمەریکا چەند لق و بەشێکی سوپای پاسدارانی وەک تیرۆریست ناساندووە، بەڵام یەکەمجارە بیەوێت تەواوی سوپاکە وەک تیرۆرست بناسێنێت.}

^{لە ساڵی 2017 محەمەد عەلی جەعفەری، فەرماندەی سووپای پاسداران رایگەیاندبوو: "ئەگەر ترەمپ بیەوێت سوپای پاسداران وەک تیرۆریست بناسێنێت، سوپای پاسداران وەکو داعش لە تەواوی جیهان دەڕوانێتە سوپای ئەمەریکا".}

^{تاکو ئێستا وەزارەتی بەرگری ئەمەریکا و کۆشکی سپی هەواڵەکەیان پشت راستنەکردووەتەوە، بەڵام بڕیارەکە "جەنگی" ئەمەریکا و ئێران دەخاتە قۆناغێکی نوێوە ئەگەر بەفەرمی رابگەینرێت.}

7/4/2019