^{بەڕێوەبەری بەشی ئیدارەدانی تەنگژەکان لە وەزارەتی کشتوکاڵی ئێران رای گەیاند، ئەو زریان و لافاوەی هەفتەی رابردوو هەندێك پارێزگای ئێرانی گرتەوە زیانێكی دارایی گەورەی بە بەشی كشتووكاڵ گەیاندووە.}

^{محەمەد مووسەوی بەڕێوەبەری ئیدارەدانی تەنگژەكان لە وەزارەتی كشتووكاڵی ئێران ئاشكرای كرد، زیانەكانی زریان و لافاوەکەی هەفتەی رابردو 24 تریلیۆن تمەن بووە كە دەكاتە 180 ملیۆن دۆلار، بە گوێرەی نرخی گۆڕینەوەی تمەن بە دۆلار كە 135 هەزار تمەن بەرانبەر بە یەك دۆلاری ئەمەریكییە.}

^{مووسەوی روونی كردەوە، زیانەكان لە پێشدا بەر نۆ پارێزگا كەوتوون لەوانە پارێزگاكانی "چەهار مەحال و بەختیاری، فارس، گوڵستان، كرماشان، خوراسانی باكور، ئەهواز، مازەندەران، سمنان، سیستان و بەلوچستان".}

^{رۆژنامەی هەمشەهری ئێرانی لە زاری بەرپرسەكەی وەزارەتی كشتووكاڵ گواستوویەتییەوە، 50%ی زیانەكان بەر كێڵگە و باخچەكان كەوتووە، 23%ی بەر شینایی و بێستان كەوتووە، 17%ی بەر ژێرخانی كشتووكاڵ كەوتووە لە تۆڕی گەیاندنی ئاو بۆ كێڵگە و باخچە و شیناییەكان و 10%ی بەر ئاژەڵداری و بەخێوكردنی ماسی كەوتووە.}

^{زیاتر روونی دەکاتەوە، 10 گوند هەن كە هیچ ئاوێكی لێ نییە و تۆڕەكانی دابەشكردنی ئاو لەو گوندانە بەهۆی پاشماوەی لافاوەكە لە كەڵك كەوتوون.}

^{قسەكانی مووسەوی لە كاتێكدایە بەپێی راپۆرتی رۆژی پێنجشەمی رابردووی ئاژانسی تەسنیمی ئێرانی ، بەهۆی لافاو 44 كەس لە 10 ناوچەی جیاوازی ئێران گیانیان لە دەستداوە.}

٣١/٣/٢٠١٩