^{وتەبێژی وەزارەتی دەرەوەی ئێران ڕایدەگەیەنێت: بەردەوام دەبین لە پەرەدانی توانا بەرگریی و مووشەکییەکانمان.}

^{بەھرام قاسمی وتەبێژی وەزارەتی دەرەوەی ئێران سەبارەت بە بانگەشەکانی ئەمریکا بەوەی حکومەتی تاران بڕیاری ئەنجومەنی ئاسایشی نێودەڵەتی تایبەت بە ڕێککەوتننامەی ئەتۆمیی لەگەڵ ئەو وڵاتەدا پێشێلکردووە، رایگەیاند ئەمریکا دەیەوێت لە ڕێگەی باسکردنی ئەو جۆرە بابەتانەوە ستراتیژی ھەڵەی خۆی لەبارەی ڕێککەوتننامەی ئەتۆمییەوە داپۆشێت، وتیشی ئێران بەردەوام دەبێت لە پەرەدانی توانا بەرگریی و مووشەکییەکانی.
بەھرام قاسمی ئاماژەی بەوەشدا: واشنتۆن ناتوانێت ڕێگریی لە بەرەوپێشچوونی ئێران بکات و ڕایگەیاند، ئەمریکاییەکان ناتوانن لەڕێگەی پڕوپاگەندە و جەنگی دەروونییەوە، ڕێگریی لە چالاکییە مووشەکییەکانی تاران بگرن و وڵاتەکەشی بەردەوام دەبێت لە پێشکەوتن لەبواری تەکنەلۆژیادا.}

12/2/2019