^{کاربەدەستانی ڕێژیمی ئیسلامیی ئێران ڕایانگەیاندووە، لە ئەنجامی لێکۆڵینەوە کەوناراییەکان، ئاسەوارێکی مێژووییی گرینگ لە شاری پیرانشار دۆزراوەتەوە.}

^{هەواڵدەرییەکانی ڕێژیمی ئیسلامیی ئێران، لە زاری بەڕێوەبەری میراتە فەرهەنگییەکانی پارێزگای ورمێ، بڵاویان کردووەتەوە، ئاسەوارێکی مێژوویی، کە بۆ چاخی "ئاسن" دەگەڕێتەوە، لە شاری پیرانشار دۆزراوەتەوە و کاری لەسەر دەکرێت.}

^{ئەو کاربەدەستەی ڕێژیم ئاشکرای نەکردووە، ئەو شوێنە مێژوویییە لە کوێی پیرانشارە و تەنیا ئاماژەی بە دۆزینەوەی ئەو شوێنە کردووە.}

^{ئەو شوێنە یەکێک لە گەورەترین لێکۆڵینەوەکانی دێرینەناسی لە ئاستی ئێراندایە.}

^{بڕیار وایە لێکۆڵینەوەکانی لە بارەی ئەو شوێنە مێژوویییە لە بەهاری ساڵی داهاتوو دەست پێ بکات.}

^{ساڵانێکی دوور و درێژە، کە کۆماری ئیسلامی بە شێوەی سیستماتیک، خەریکی تاڵانی هەموو سەرچاوەکانی داهات لە کوردستان، بەتایبەت ئاسەوارە مێژوویییەکانە و هەتا ئێستا چەندین هەزار پارچەی بەنرخی لەم ئاسەوارانە کە نوێنگەی کولتوور و شارستانییەتی کوردستانە بەتاڵان بردووە.}

^{سیاسەتی پشتگوێخستنی ڕێژیمی كۆماری ئیسلامیی ئێران، لە بارەی ئاسەوارە مێژوویییەکانەوە وای كردووە، كە ڕەوتی لەنێوچوونی میراتە مێژوویی و فەرهەنگییەكانی ئێران و بەتایبەت کوردستان خێرایییەكی بەرچاو لە خۆ بگرێت.}

^{کارناسانی ئاسەوارناسی لەو باوەڕەدان، بەرپرسانی ڕێژیمی ئێران، هەتا ئێستە نەک هیچ هەنگاوێکیان لەمەڕ پاراستنی ئاسەوارە مێژوویییەکان هەڵ نەگرتووە، بەڵکوو خۆیان بەشێک لە هۆکاری ڕووخان و لەنێوچوونی ئەو ئاسەوارانەن.}

6/1/2019