^{سەرۆکی دامەزراوەی وزەی ئەتۆمی ئێران ھۆشداری دەدات بە یەکێتی ئەوروپا لەوەی، چیتر تاران ناتوانێت چاوەڕێی بەڵێنەکانی یەکێتی ئەوروپا بێت سەبارەت بە درێژەدان بە کڕینی نەوتی ئێران.}

^{عەلی ئەکبەر ساڵحی، پێش ئەنجامدانی کۆبوونەوەیەک لەگەڵ فێدریکا موگرینی، بەرسی سیاسەتی دەرەوەی یەکێتیی ئەوروپا لە برۆکسل، بۆ ئاژانسی رۆیتەرز وتی: ئەگەر نەتوانین نەوتەکەمان بفرۆشین یان سوود لە مامەڵە داراییەکان بکەین، لەو باوەڕەدا نیم درێژەدان بە ڕێکەوتنەکە سوودێکمان پێبگەیەنێت.
ئەوەشی ڕاگەیاند: ئەگەر سوودێکی ئابوریمان لە ڕێکەوتنە ئەتۆمییەکە دەستنەکەوێت، لە ئێستادا دەتوانین تا ئاستی ٢٠٪ پیتاندنی یۆرانیۆم دەستپێبکەینەوە.
عەلی ئەکبەر ساڵحی ئاماژەی بەوە کرد: بە دڵنیاییەوە ھۆشداریی دەدەم بە موگرینی لەوەی ئارامیی گەلی ئێمە نزیکە لەوەی بەسەر بچێت، چەند مانگ تێپەڕیوە بەسەر بەڵێنەکان و ھیچ کاتێک نەماوەتەوە.
دوای کۆبوونەوەکەش فێدریکا موگرینی، بەرپرسی سیاسەتی دەرەوەی یەکێتیی ئەوروپا، ویستی ئەوروپای بۆ درێژەدان بە ڕێکەوتنەکە لەگەڵ ئێران دەربڕی و وتی: لە پێناو ئاسایشی ئەوروپا و رۆژھەڵاتی ناوین، ڕێکەوتنەکە لەگەڵ ئێران دەھێڵنەوە.}

28/11/2018