^{مایک پۆمپیۆ، وەزیری دەرەوەی ئەمەریکا برسێتی خەڵکی ئێران بە گۆڕینی رەفتاری رژێمی ئێران گرێدەدات.}

^{هادی نایلی، پەیامنێری بەشی فارسی کەناڵی بی بی سی لە پۆمپیۆی پرسی ئەگەر سزاکانی سەر ئێران ئامانجەکانی نەپێکا، بژاردەی دیکەی ئەمەریکا چییە، وەزیری دەرەوەی ئەمەریکا وەڵامی نەدایەوە و تەنها گوتی: "بەرژەوەندی ئێران لەوەدایە واز لە ناسەقامگیرکردنی ناوچەکە بهێنێت".}

^{گووتیشی: "ئەگەر دەیانەوێت خەڵکەکەیان نان هەبێت بیخۆن، سەرکردایەتی ئێران هەندێک بڕیار هەیە دەبێت بیدەن".}

^{لە دوای داگیرکردنی کوەیت لە لایەن سەددام حوسەینەوە لە ساڵی 1990، ئەمەریکا سزای بەسەر عێراقدا سەپاند، لە ماوەی شەش ساڵدا، نزیکەی 500 هەزار منداڵ لە عێراق بەهۆی هەژارییەوە مردن.}

^{مادێلین ئەلبرایت، وەزیری دەرەوەی ئەو کاتی ئەمەریکا لە چاوپێکەوتنێکی تەلەڤزیۆنی پرسیاری ئەوەی لێدەکرێت، ئایا سزاکانی سەر عێراق هێندە پێویستن کە ببنە هۆی مردنی نیو ملیۆن منداڵ، وەزیری دەرەوەی ئەمەریکاش دەڵێت: "ئەوا بژاردەیەکی سەختە، بەڵام ئێمە بڕوامان وایە ئەو باجانەی بەهۆی سزاکانەوە دەدرێن، شایەنی سزاکانن".}

١٠/١١/٢٠١٨